Eksodas 28:43 - Nobonob Baibel

⁴³ geha haen Aron nug bekkod ele ag dahil mettid haknu peh lag danab ah appa qagmetteb ele, ag amu ooppa nokkulag, o ag dahil qaɗab gukkuidna, lag Oo Gun Eleppa dahil ɗo maɗoɗnu uɗat hekkulagnu gokkulag amu, ag beɗulagppa aab iitta daaglagnu, da heppi mauhmananu amu, ag trosis ahilag, amu lamen laa oh waappa meig! Ɗo amuam hanhan anam dayebeb, Aron buɗub ele ag anamib heig!” awa aum.

Eksodas 28:43 Referans Kwoze

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Eksodas 20:26

Am laa amu, ag qaɗab attan hakppa tekkulagnu adqaɗppa teppeg, danab ah laa ag qanilag anidmananu, ag qaɗab attan aib heppig,” awa aum.

Lewitikas 5:17

Laa nug ii doyaya ib apiɗitta, Yawenu ɗoppa ⌊nuhig keekeppan⌋ keeke laa haknu aib daatte ele, nug amu tippalkku dayeb, nug aakku hipunin hekku. Anam amu, nug beɗuppa aab ele dayebeb, bu aokku.

Namba 18:22

Gemu digma ukkak amu, Israel laa oh ag dahil mettid haknu peh lag danab ah appa qagmetteb ele, amuppa appa uɗat hekkulagnu gukkuidna iinab wamana. Ag anam hekkulag dayeb, ag eheɗ hena, ag amunu bu aona, ag mauhadkkulag.

Lewitikas 22:9

Mana mettak danab ag aɗi kobol hekkulagnu daatteb, ag amu dim lamidkkulagoitte. Ag ii dim lamidkkulag dayeb amu, ag amunu hamu bia dooppeg, ag beɗulagppa aab dayebeb, mauhkkulag. Ag mauhmananu, na ag nau aomnanu dabmettaknu nai imu appe, mana mettak danab oh ag nai imu tutukku dim lamitteg! Da am Yawe, da hei, ag dahilnu, oppiaawak ele daatteb.

Lewitikas 17:7

Am danab ah ag aben laih laih ouɗi nau dilagnu mana mettak hena, ag noolagppa dup nona binalag metteb amu, ag mana mettak hak amu uuglagoitte. Ɗo imu buɗub buɗub doobob, ahilagnu hanhan daakkunu daatte,’ ” awa aum.

Lewitikas 5:1

Aun nug laa kobol he antta doyom, diig amunu ⌊epeɗiak danab⌋ ag nug hettoɗiakppa aɗi anttomnu madikkunu onigppa eppeg, nug madikkunu uukku dayeb, nug aakku eheɗ ha, nug amunu bu aokku.

Namba 9:13

Ɗo amuam aun aɗi ag Kayak ele ouqa dayaknu elele iitta, o aun aɗi ag laih ukka, eɗua ii uɗiak ele, ag Pasowanu Hobul dayak haknu haen dayeye, ahilagnuib. Amu danab laa nug da ele ouqa dayaknu elele, o iitta, laa nug laih ukka, eɗua ii uɗiak ii hak ele amu, nug haenppa Pasowanu Hobul hekkunu tippalkku dayeb amu, nug Israel oolagppanu geɗittak daakkuoitte. Anam daakkun diig am, nug haen da ag ippunadmi, nug haen amuppa doɗ amu awa, da gumiɗa ii uɗia, da ii meɗom. Danab nug anam hekku amu, nug eheɗ hekku, nug amunu bu aokku.

Lewitikas 16:13

Appa Yawe noobppa, nug kalu ile muttuɗig enanag bette ele amu ottag attan meeb, amu kalu danab ile muttuɗig enanag bette ele kahug amu ba, Tituanak Nainu Kunup kontrak inak ele ameg, ameg amuam eheɗ haknu nob nau tiigppa iitta me elele medatte ippunadtte, Kayaknu tituanak nai tonatte amu, am ameg amu hautkku. Nug nai imu dim lamidkku dayeb amu, nug ii mauhma.

Esekiel 44:17

Ag amu hekkulag, amge haen ag mana mettak danab dilag haɗap-ppa gokkulag amu, ag tatam lamen linenppa hak takkan wakkulag. Ag mana mettak danab dilag haɗap-ppa, o da laul ooppa dahil ɗo maɗoɗnu uɗat henana amu, ag lamen sipsip uɗigppa hak takkan aib goppig.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 22:15

Mana mettak danab ag laa, ag mana mettak danab iitta, ag ag uuadppeg, ag ofa Kayaknu tituanak daatteb, Israel danab ah ag aon, Yawe gumidna wana, Nug medatteb ele, ag amu lakkulag amu, amuppa mana mettak danab ag heppeg, ofa amuam dubuttid tak daakku. Ag hekkulag dayeb amu, Israel danab ah ag beɗulagppa aab ele daan, bu aoglagnu daaglag. Anam amunu, mana mettak danab ag anam aib heppig. Aɗinu? Da am Yawe, da hei, ag dahilnu, oppiaawak ele daatteb,” awa aum.

Namba 15:15

Ɗo amuam ag, wan laihnu danab, ag uɗin, ag oolagppa daatteb ele, am ag oh tonadtte. Ɗo imu ag hanhan dim lamidkkulag. Ag, amu wan laihnu danab, ag oh Yawe noobppa laippuib daatteb, laala iitta.

Namba 18:8

Yawe Nug Aron amegppa anam awowa, Nug tuɗitta aum. “Da, Yawe, da dakka, da na, na begapad ele ag mana mettak atten Israel ag da meɗaglagnu hetteb ele amu, ag eppelagppanu aoglagnu, ag manan meɗaglagnu ele tituanadmi. Mana mettak amuam dahilnu tituanak daatteb. Amu mana mettak amunu doɗ, o ee aeg keeke, Israel ag da meɗappeg, laih atten ag ii manan meɗaglag daatte amu, da na, amu na begapad ele madattem. Maha amuam ahilag daatte, ag amu hanhan aoglag.

Namba 18:32

Ag laih enanag aon, Yawe mettaglag, amuppa ag beɗulagppa aab laa ii daama. Ib amuppa ag heppeg, ofa Yawenu tituanak daatteb, Israel ag aon uɗitteb ele amu, ofa amuam Kayaknu neekkakppa dubuttid tak ele ii daama. Anam amu, ag ii mauhmana,” awa aum.