Eksodas 28:39 - Nobonob Baibel

³⁹ Aria, lamen laa, am lamen nakok elab amu, ag lamen amu, amu igippan lamen ele muɗi linen hakkab aon akkona, ag imuagppanu lamen hewona, ag koitaknu doya autanab awak danab medappeg, nug amuppa kobol kobol koitattaɗ!

Eksodas 28:39 Referans Kwoze

Sam 45:14

Nug nuhig bala enanagnab me dayeye, ag nug omalna, na king, ag nahip-ppa uɗitteb. Nug dimugppa ehanittak ah nuhikkud, ag nug omaleg uɗitteb.

Eksodas 26:36

Ag amu hena amu, ag lamen okkai laa, lamen amuam mettid haknu peh lagnu od oɗe tonakkunu daatte amu, ag lamen amu ele heig! Ag lamen amu hekkulagnu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu akkeg! Ag akkona, ag keeke koitaknu doya autanab awak danab madappeg, ag lamen amuppa kobol kobol koitatteg!

Eksodas 28:4

Ag amu hekkulagnu amu, na ag amelagppa appe, ag momo tonaknu lamen, ag lamen enanag-epod, ag lamen elab, aria lamen nakok elab, ag igippan lamen, amu ag lamen imuagppa matagiɗ bia qagakkunu ele koitatteg! Ag mana mettak lamen Aronnu amu hewona, amu nug bekkod nid danab dilag ele geha hadappeg, ag Aron ele dahil mana mettak uɗat hekkulag. Lamen amu oh am hamu hamu maknu lamen iitta. Iitta. Ag dahilnu tituanak daatteb, Aron bekkod ele ag dahil uɗat hekkulagnu henana, ag takkaglag.

Eksodas 29:5

Ag le laappeg, na mana mettak danab dilag lamen ag hadappig ele amu, na amu akkan, na lamen amu oh, amuam lamen nakok elab, lamen elab lamen enanag-epod waappa daatte, lamen enanag-epod, momo tonaknu lamen, na lamen amu oh aon, aɗuidppe, Aron beɗuppa noppeg, na lamen imuagppa matagiɗ bia qakkaknu ele aon, lamen enanag-epod qagakkunu nug imuagppa qakke!

Eksodas 29:6

Na amu hewona, na igippa lamen iton, na tappiɗ otala nag golppa hak nai yaak ele, dahilnu tituanak daatte amu, na amu ele aon, na igippanu lamen, na amuppa qakke!

Eksodas 29:8

Na Aron anam goɗen gokkaɗakppa tituanona, na nug bekkod omaladna dona, lamen nakok elab, na lamen amu ag beɗulagppa aɗualadppe noppeg,

Eksodas 39:27

Amu ag Aron, nug bekkod dilagnu ele ag lamen nakok elab ele heppig. Ag linen hakkabppa heppig. Danab nug muɗi awa agattenu doyak okkai ele, am nuhigppan hak.

Lewitikas 6:10

Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.

Lewitikas 16:4

Anam hewowa amu, nug le layowa, nug linen lamen gaɗa aɗatte ele tatam mewowa, nug lamen nakok elab, dahilnu tituanak daatte amu, nug amu ele mekkuoitte. Amu hewowa, nug lamen nakok elab, imuagppa matagiɗ bia qakkaknu takkowa, nug igippan lamen mekkuoitte. Lamen amu oh am dahilnu tituanak daatteb. Nug le layowa, mekku.

Eksodas 27:16

Aria, haɗap amunu od oɗe qehakkaknu amu, ag lamen laa, elab nuhig 9 mita, ag lamen amu akkeg! Ag hekkulagnu amu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen amu akkeg! Ag akkona amu, ag lamen koitaknu doya autanab awak danab madappeg, ag amuppa kobol kobol ele koitatteg! Amu ag lamen aihkkulagnu ag biidod waɗele, diig ɠagattag daakkunu tatap waɗele, ele heig!