Eksodas 28:3 - Nobonob Baibel

³ Am danab da ag lamen koitkkulagnu doyak digdig mattami amu, na ag onilagppa ena, amelagppa appe, ag Aronnu lamen, nug mana mettak danab daakkunu otiak daatte, danab ah ippunadkku amu, ag amu heig!

Eksodas 28:3 Referans Kwoze

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Aisaia 11:2

Yawenu Ouɗi amu nuhigppa daakku. Yawenu Ouɗi Nug doyak dabmak ena elenu diig, Nug am diignu doyak tutukkunu diig, Nug am laa ulum ena mettak diig, Nug ɠagattag ena ohnu diig, Nug doyak ena ohnu diig, amu Yawenu ebehi oh bodoetta le maknu diig ele Nug daatte.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Duteronomi 34:9

Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

Prowerb 2:6

Aɗinu? Yawe Nug doyak dabmak ena ele megatte. Ao, Nug oɗeppa ig doyak, amu diignu doyak tutukku ele aottem.

Eksodas 35:35

Am Yawe Nug he, danab aɗit amu aa danab uɗat digdig haknu doyak okkai ele daattep. Doyak aa aopiɗ, amuam inam: menppa, golppa, silwappa, brasppa ele uɗat haknu doyak, keekenu dottog pepappa babaittaknu doyak, muɗi ed, perpel, kokoɗnab ele linenppa hak, amu muɗi linen hakkab ele awa, kobol kobol koitaknu doya autanab awak, muɗi awa, lamen akkaknu doyak ele. Danab amu aa uɗat amu oh haknu doyak okkainab ele daattep.

Eksodas 35:30

Ag anam heeg, Moses nug Israel amelagppa inam aum. “Antteg! Yawe Nug Israel dilag huu okkai Juda ted Besalel, nug Uri bekka, Hur alag amu, Nug nug uɗat imu hekkunu tituanom.

Eksodas 35:25

Am ah oh muɗi akkak doyak ele ag linen muɗi ed, perpel, kokoɗnab ele, amu linen muɗi hakkab ele hena, ag muɗi amu oh aon uɗippig.

Eksodas 35:31

Nug nug tituana, nug uɗat kobol ele, nug uɗat amu, laa oh ele hekkunu amu, Nug nuhig Ouɗi, ehah, dabmak ena, doyak ena ele nug mettom.

Eksodas 36:1

Yawe Nug Besalel, Oholiap am danab laala ele ag mettid haknu peh lag, amu lag amunu keeke ele oh, Yawe Nug aumbianab hekkulagnu doyak ena, dabmak ena ele mattom amunu, Nug haknunab aumbianab, ag uɗat amu heig!” awa aum.

1 King 7:14

Huram nug am danab keeke brasppa haknu doyak okkai ele. Ge, Huram nug brasppa uɗat digdig kuɗum amu, nug doya autanab awom. Huram mameg nug am Tair ted, nug ele am brasppa keeke haknu doyak danab. Huram anig nug Israel dilag huu okkai Naptalinu ah laa. Huram mameg mauhe, anig am ah qab dayom. Aria, King Solomon nug Huramnu nai me ukke uɗia, keeke brasppa haknu amu, Solomon aum bia nug amu oh heum.

Eksodas 35:10

Ag keeke amu aon uɗippeg amu, ag oolagppan danab oh ag keeke hekkulagnu doon autna aotteb ele, ag uɗin, ag keeke oh Yawe haknunab aum amu, ag heig!

Eksodas 36:2

Moses nug danab ah amelagppa anam ana, amu dimppa nug Besalel Oholiap ele onilahppa ewa, nug danab laala ag uɗin, uɗat amu hekkulagnu oolag dayom, Yawe he, ag uɗat amu haknu doon autna aoppig ele amu, nug ag onilagppa ele eum.