Eksodas 28:11 - Nobonob Baibel

¹¹ Na danab laa nug men daden nob okkainab eleppa nai otaɗak haknu doyak okkainab ele, ag nug uɗat amu medappeg, nug Israel bekkod onilag men aɗit amuppa otaɗeb, aria ag gol aon, aɗalataknu bala enanag nakok aɗit laa hena, ag men aɗit amu maatppeg dayeɗ!

Eksodas 28:11 Referans Kwoze

Revelesen 7:2

Oo neegeg amu engel laa, nug Kayak Bauklelnu doyaknu at stemp-ppa daatte aɗom ele, nug laih aam bedeppanu beebe anidmi. Nug baag okkaippa engel waɗele, ag wan, yu ele heppeg nakok nauhkkulahnu ɠagattag aoppig ele amu, nug ag onilagppa ewa, inam aum.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

Sekaraia 3:9

Amu laa amu, ag men daden nob okkainab ele, da Josua noobppa iikku aihak memi daatte antteg! Men amuam laippu, amge men amu daug am eblaih aɗit ele. Da men amuppa da deɗ laippuppa wan imunu hipunin oh uhuqen madakkulnu nai yen otaɗkkul. Da Yawe Dakka Ɠagattag Oh Ele, da anam awe attem.” Yawenu engel nug Sekaraia amegppa anam aum.

Jeremaia 22:24

Amu Yawe Nug atte. “Jehoiakim bekka Jehoiakin, na Juda dilag king, da Yawe, da na amenppa attem. Da genab bau daattem, genab amubia na dahil doyaknu at ringppa daatte da eppelppa daalom amu, da ring amu uɗidlom. Na am tuɗidna ii daalom.

Eksodas 39:18

Ag amu hewona, ag gol sen noob aɗit laih laih amuppa amu, gol bala aɗit lamen enanag-epodnu qatti aɗit gukka laih laih tonat-ttep amu, ag bala gukka laih laih amuppa qakkalateg, sen aɗit amu, aa aakku momoppa daapiɗ. Gomeppa ii daapiɗ.

Eksodas 39:6

Ag amu hewona, ag men oniks aɗit diiatna, Israel, ⌊onig laa Jakop, nug⌋ bekkod 12 onilag amuppa otaɗna, ag gol aon, aɗalataknu bala enanag nakok aɗit laa hena, ag men aɗit amu maateg daapiɗ.

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Eksodas 28:25

Ag amu hewona, ag gol sen noob aɗit laih laih amuppa amu, gol bala aɗit lamen enanag-epodnu qatti aɗit gukka laih laih tonat-ttep amu, ag bala gukka laih laih amuppa qakkalatona, sen aɗit amu aa aakku momoppa daaglah. Gomeppa am aib daapiɗ.

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Eksodas 28:10

Ag nid tatamnu onig yaan otaɗona, nug dimugppan onig yaan otaɗona, nid 12 oh anamib onilag yaan otaɗadkkulag. Ag nid eblaih laippu ele onilag men laappa yaan otaɗona, amu nid eblaih laippu ele laa am men laappa yaan otaɗeg!

Eksodas 28:12

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppeg, am geha Israel dilag huu okkai 12 dilag at daaglah. Anam daaglah amunu, am geha Aron nug gugappa ag onilag mawebeb, da Yawe, da anttena, da dahilad danab ah doyeye, deɗ oh dabmekkul.

Job 19:24

Laa nug dahil kaya yaaknu keeke ɠagattag ainppa hak eleppa menppa hanhan daakkunu otaɗlo am ena. Ge, laa nug yaaknu keeke amuppa dahil kaya keeke hanhan daakkunu otaɗlo am ena.