Eksodas 26:36 - Nobonob Baibel

³⁶ Ag amu hena amu, ag lamen okkai laa, lamen amuam mettid haknu peh lagnu od oɗe tonakkunu daatte amu, ag lamen amu ele heig! Ag lamen amu hekkulagnu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu akkeg! Ag akkona, ag keeke koitaknu doya autanab awak danab madappeg, ag lamen amuppa kobol kobol koitatteg!

Eksodas 26:36 Referans Kwoze

Eksodas 36:37

Ag amu hena, ag lamen okkai laa, lamen amuam mettid haknu peh lagnu od oɗe tonakkunu daatte amu, ag lamen amu ele heppig. Ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu agappig. Ag akkona, ag keeke koitaknu doya autanab awak danab mattaeg, ag amuppa kobol kobol koitadppig

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Jon 10:9

Da am od daattem. Laa nug dahilppa doa, aɗ ooppa nokku amu, nug Padal ii maknu ehanittak awa daakku. Nug ooppa doa, eɗua dimittim ukka, ee antta lakku.

Sam 78:60

Nug Silo appa mettid haknu peh lag nuhig uuom. Ao, Nug peh lag nuhig, Nug peh lag amu he, ag danab ah oolagppa qappaeg daattom amu, Nug amu uuom.

2 Samuel 7:6

Anukka da Israel danab Isipnu diie uɗie, gemu ⌊nai imu yaak haenppa⌋ batak amu, da lagnab laappa ii daami. Iitta. Da pehppa dayeye, Israel adeppa adeppa gokkulagnu ippunatti goppig amu, da mettid haknu peh lag amuppa daaiyi gomut.

Namba 9:15

Deɗ ag mettid haknu peh lag, amuam peh lag men maha aɗit ɗo nai yaak niitte ele appa daattep, ag amu qabappig, haen amuppa lombig na tonom. Anam tone ukke, tuebnu ukka wakkaɗak amu, lombig mettid haknu peh lag attan daye, aab dittiak bia dayom.

Namba 3:25

Gerson buɗubppan aab ikki ag mettid haknu peh lag danab ah appa qagmetteb ele, ag amu dabmedattappig. Amuam ag mettid haknu peh lag amunu ooppan hautak keeke, dimittimnu hautak keeke ele, peh lag amu od oɗeppanu lamen, aria mettid haknu peh lag, qaɗab qak ele taliliatak haɗap daatte, haɗap amunu taliliaknu lamen, amu lamen amunu odnu lamen, amu muɗi ele, ag keeke amu oh dabmettalagnu daadttappig.

Eksodas 39:33

Ag amu oh hena malona, ag keeke amu akkan, Moses toppa ⌊nug anidkkunu⌋ goppig. Keeke ag akkan goppig am inam: mettid haknu peh lag, nuhig keeke ele, nuhig huk-ring, nuhig gililnu ukku, nuhig emaitak maknu ad, nuhig biidod, amu nuhig diig ɠagattag daakkunu tatap ele;

Eksodas 35:11

Keeke haknu daatteb am inam: mettid haknu peh lag, amu peh lag amu tonaknu keeke ewam ele, aria nuhig huk-ring, gililnu ukku, emaitak maknu ad, biidod, amu diig ɠagattag daakkunu tatap ele.

Eksodas 26:31

Aria, ag amu hena, ag lamen okkai laa Oo Gun Ele, Oo Gunnab Ele makkulaknu hekkulag. Ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu akkeg! Ag hewona amu, ag lamen qaɗeppa bala koitaknu ag danab uɗat amu haknu doyak okkai ele madappeg, ag engel okkai-kerubim dottog lamen amuppa koitatteg!

Eksodas 27:16

Aria, haɗap amunu od oɗe qehakkaknu amu, ag lamen laa, elab nuhig 9 mita, ag lamen amu akkeg! Ag hekkulagnu amu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen amu akkeg! Ag akkona amu, ag lamen koitaknu doya autanab awak danab madappeg, ag amuppa kobol kobol ele koitatteg! Amu ag lamen aihkkulagnu ag biidod waɗele, diig ɠagattag daakkunu tatap waɗele, ele heig!

Eksodas 28:39

Aria, lamen laa, am lamen nakok elab amu, ag lamen amu, amu igippan lamen ele muɗi linen hakkab aon akkona, ag imuagppanu lamen hewona, ag koitaknu doya autanab awak danab medappeg, nug amuppa kobol kobol koitattaɗ!

Eksodas 38:18

Aria, haɗapnu od oɗe qehakkaknu amu, ag lamen laa, elab nuhig 9 mita amu, ag lamen amu agappig. Lamen amunu emaitak am 2 mita, 20 sentimita ele; amuam mettid haknu peh lagnu aɗnu lamen bia. Ag hekkulagnu amu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen amu agappig. Ag akkona amu, ag lamen koitaknu doya autanab awak danab mattaeg, ag amuppa kobol kobol ele koitadppig.

Eksodas 39:29

Aria, ag imuagppan lamen am linen muɗi hakkab, am linen muɗi kaala iɗu iɗu, am ed, perpel, kokoɗnab ele, ag amuppa lamen amu heppig. Danab ag koitak uɗat doon autna aoppig ele amu, ag heppig. Yawe Nug Moses amegppa haknunab aum, ag Nug aumbianab aakku heppig.

Esekiel 16:10

Da lamen kobol kobol koitak ele awe metten, da baeg gaɗa ena ele na baenppa memi. Ge, da linen lamen hakkab awe metten, men doɗo okkai mein, laala ele awen mettami.

Eksodas 28:15

Ag amu hena, ag momo tonaknu lamen ele heig! Danab ag lamen akkaknu doyak okkainab ele, ag amu hekkulag. Ag hekkulagnu amu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, am muɗi golppa hak ele aon, lamen amu, ag lamen enanag-epod heppig bianab, ag lamen imu ele anamib hekkulag. Lamen imuam mana mettak danab mette ele amu, nug lamen imuppa, keeke laa, keeke amuppa nug Yawenu dabmak doya, ib ena dim lamittaknu doyak aokku amu, nug keeke amu lamen imuppa ina, amuppa Kayaknu dabmak doya mala, danab ah ippunadkku.

Eksodas 35:15

Laa amu, kalu muttuɗig enanag ileb baknu qaɗab, amu qaɗab amu mawaknu tuqai aɗit, laittaknu goɗen, amu kalu muttuɗig ena ele, am lamen mettid haknu peh lag odppa aihak daakkunu ele.

Eksodas 40:5

Aria, na amu hewona, na kalu muttuɗig enanag ileb baknu qaɗab golppa hak aon, Tituanak Nainu Kunup kontrak inak ele daatte, amu eleleppa, Oo Gun Ele, Oo Gunnab Ele makkulaknu lamen, amu heqo laih Oo Gun Eleppa mekkut. Mewon, aria lamen dahil mettid haknu peh lag od oɗeppa daakkunu daatte amu, na lamen amu aihe!