Eksodas 26:35 - Nobonob Baibel

³⁵ Ag amu hewona, ag balal ⌊epeɗiaknab⌋ heppig amu, ag balal amu aon, lamen Oo Gunnab Ele noobppa aihak daatte amu, ag lamen amu laih Oo Gun Ele, oo amuppa gilil laa, gilil amu laih yawalti uɗitteppanu daatte amu, ag gilil amu guguittak balal amu meppeg dayebeb, ag lam maattaknu balal aon, ag gilil laa, gilil amu ulah yau uɗitteppanu daatte amu, ag lam maattaknu balal gilil amu guguittak meppeg dayaɗ!

Eksodas 26:35 Referans Kwoze

Eksodas 40:24

Moses nug anam hewowa, nug lam maattaknu balal awa, mettid haknu peh lag danab ah appa qagmetteb ele, nug lam maattaknu balal amu mettid haknu peh lag ooppa, lag Oo Gun Ele heqo laih, ulah yau uɗitteppanu, laih amuppa balal amu meum. Balal ⌊epeɗiaknab⌋ am laih daye, lam maattaknu balal am laih dayom.

Eksodas 40:22

Amu dimppa, amu Moses nug balal ⌊epeɗiaknab⌋ awa, mettid haknu peh lag danab ah appa qagmetteb ele, nug balal ⌊epeɗiaknab⌋ amu, mettid haknu peh lag ooppa Oo Gun Ele heqo laih, ulah yawalti uɗitteppanu, Oo Gun Ele, Oo Gunnab ele makkulaknu lamen guguittak, appa mewowa,

Hibru 9:2

Ag mettid haknu peh lag amu galaeg ooppa, makkulak anuqakppa amu lam maattaknu balal, balal laa, amu bret ag Kayak medappig ele, keeke amu oh aguppa daappig. Lag oo makkulak amuam onig, “Oo Gun Ele.”

Matyu 5:15

Danab ag ele lam amotna, tappiɗ waappa ii metteb. Iitta. Ag lam maknu balal attan meeg, amahlak nuhig danab lakka daatteb, amu oh amahlak madatte.

Eksodas 40:4

Aihona, na balal ⌊epeɗiaknab⌋ aon, mettid haknu peh lag ooppa nona mewona, keeke balal ⌊epeɗiaknab⌋ amuppa daakkunu daatte amu, na amu ele akkan, balal ⌊epeɗiaknab,⌋ amuppa me! Na amu mewona, amu na lam maattaknu balal aon, mettid haknu peh lag ooppa dona, ⌊abenppa mewona,⌋ lam ebekkudppa maatte!