Eksodas 25:16 - Nobonob Baibel

¹⁶ Aria, ag amu oh hewona, dimppa da geha men maha aɗit ɗo nai yaak niitte ele, da amu na medappi, na men aɗit amu Tituanak Nainu Kunup, na amu ooppa inate!

Eksodas 25:16 Referans Kwoze

1 King 8:9

Amu Tituanak Nainu Kunup ooppa am keeke kuɗum iitta; men maha aɗit, amuppa Kayaknu ɗo nai yaak ele, Moses Horep appa kunup amuppa meum ele amu, men aɗit amuib aguppa dayom. Horep appa amu, Israel danab ah ag Isip uun uɗin, Horep bena daaegeg, appa amu Yawe he, Israel Nug ele ag nug tituanna nai qagappig.

Duteronomi 31:26

Nug aum. “Butti, haen adekku ag Israel danab ah ag eheɗ hekkulag amu, ag genab eheɗ heppig ippunadkkunu, ag Ɗo Nai Buk imu aon, ag Yawe, ahilag Kayak, ag nuhig Tituanak Nainu Kunup kontrak inak ele heqo laih meppeg, anam dayaɗ!

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.

Eksodas 16:34

Moses nug anam a, aria Aron nug Yawe haknunab nai Moses amegppa aum, Aron nug amubia maana waappa ina, nug waa amu Tituanak Nainu Kunup kontrak inak ele, aguppa daakkunu, amu noobppa meum.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Aposel 7:44

Aria, ig mamelkad aɗi anukka ag atu taɗakppa daappig amu, haen amuppa ag mettid haknu peh lag men maha aɗit ɗo nai yaak niitte ele appa daattep amu, ag peh lag amu ele aon oippig. Ag mettid haknu peh lag heppig amu, ag hekkulagnu dottog Kayak Moses ippunittom amu, ag amubia heppig.

2 King 11:12

Ban danab ag bappaidna anam daaegeg, Jehoiada nug king bekka Joas, nug nug omala, dimittim uɗiom. Nug omala uɗia, king haɗ nug igippa ma, nug Kayaknu nug tituana nai qakkak nai buk itoɗiakppa yaak niitte metta, Nug nid amu nug king daattenu eum. Nug anam he, ag Joas king daakkunu goɗen gokkaɗakppa tituanna, ag eppig. “King nug haen elab bau dayaɗ!” enana appig. Danab ah ag amu anidna, ag amunu oolag gamag ahe, ag eppelag tap qenana, inam eppig. “King nug haen elab bau dayad!” aon eppig.

Namba 17:4

Aria, Israel dilag huu okkai anen anenppanu ikki danab anen anen ag hokkat medappeg amu, na hokkat amu dahil mettid haknu peh lag danab ah appa qagmetteb ele, na peh amuppa Tituanak Nainu Kunup kontrak inak ele noobppa maatte! Appa amu da ag ele qagmettem.

Eksodas 38:21

Imuam keeke oh ag Kayaknu mettid haknu peh lag, amuam mettid haknu peh lag men maha aɗit ɗo nai yaak niitte ele appa daattep, ag peh lag amu hekkulagnu keeke aon, uɗat medappignu ebqak. Moses nug Lewi buɗub amelagppa haknunab a, ag Aron, nug am mana mettak danab, ag nug bekka Itamar waappa daan, keeke amu oh ebqena yaappig.

Eksodas 34:29

Aria, haen Moses nug qauko Sinai uua, nug men maha aɗit ɗo nai yaak niitte mawa noa, nug Yawe ele nai madipiɗ, diig amunu nug iɗu huanak amahlom, nug amu ii doyom.

Eksodas 32:15

Aria, Moses nug eɗua aha, qaukoppanu noawa, nug men maha aɗit Kayak Nug amuppa ɗo yom ele, nug amu eppegppa aɗalata noum. Kayak Nug men aɗit amu heqolah laih laih ohppa ɗo nai yom.

Eksodas 31:18

Yawe Nug Sinai qaukoppa Moses amegppa nai amu oh mattia malowa, Nug men maha aɗit ɗo nai yaak niitte, amuppa Nug eppeg doɗoppa nai amu yom amu, Nug Moses men aɗit amu mettom.

Eksodas 30:36

Na amu hena, na amunu laa aon, batappe, kalu neeb, na kalu amu dahil mettid haknu peh lag danab ah appa qagmetteb ele, lag amu ooppa aon gona, da noolppa Tituanak Nainu Kunup kontrak inak ele guguittak, aben da na ele qagmekkunih amu, na aguppa me! Na keeke amunu am dahilnu tituanaknab daatte, na amu doye!

Eksodas 30:6

Amu ag amu oh hena malona, ag qaɗab amu dahil mettid haknu peh lag ooppa, Oo Gun Ele, Oo Gunnab Ele makkulaknu lamen guguittak Oo Gun Eleppa meig! Tituanak Nainu Kunup kontrak inak ele, kunup amu ameg, kunup qaɗeppa daatte, ameg amuam eheɗ haknu nob nau tiigppa iitta me elele medatte ippunadtte, da ag ele appa qagmekkunig amu, keeke amu oh am Oo Gun Ele, Oo Gunnab Ele makkulaknu lamen dimugppa Oo Gunnab Eleppa daatteb; amu ag qaɗab lamen amu guguittak, Tituanak Nainu kunup daatte, amu eleleppa, Oo Gun Eleppa meig!

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Eksodas 25:21

Anam dayebeb, da na men maha aɗit ɗo nai yaak niitte ele amu, da na amu medappi, na Tituanak Nainu Kunup ooppa inatna, ameg qeppe dayaɗ!

Eksodas 40:20

Aria, amu dimppa Moses nug men maha aɗit, Yawe Nug amuppa ɗo nai yom amu, nug amu awa, Tituanak Nainu Kunup ooppa ina, nug tuqai aɗit awa, Tituanak Nainu Kunup, amunu ring aɗit heqo laih laih amuppa aɗate waeh, nug kunup ameg kunup attan meum. Ameg amuam eheɗ haknu nob nau tiigppa iitta me elele medatte ippunadtte.

Josua 4:16

“Na mana mettak danab ag Tituanak Nainu Kunup kontrak inak ele, ag kunup amu maotteb ele, ag Jodan le uun audam bekkulagnu appenab doyeg!” awa aum.

2 Stori 23:11

Daup ag anam daaegeg, Jehoiada, nug bekkod ele ag king bekka, Joas, ag nug omalna, dimittim uɗippig. Ag omalna uɗin, king haɗ nug igippa mena, ag Kayaknu nug tituana nai qakkak nai buk itoɗiakppa yaak niitte mettan, ag nid amu nug king daattenu eppig. Ag Joas king daakkunu goɗen gokkaɗakppa tituanna, ag eppig. “King nug haen elab bau dayaɗ!” enana appig.