Eksodas 24:7 - Nobonob Baibel

⁷ Nug anam ha mala, nug nug tituana nai qakkak nainu buk awa, nug danab ah dooglagnu ebqeum. Nug ebqe doona, ag appig. “Ig Yawe aum amu, ig nai amu oh tutukku dim lamidkkunig. Genab, ig Nug oɗe doomut, dim lamidkkunig,” appig.

Eksodas 24:7 Referans Kwoze

1 Tesalonaika 5:27

Ig lainkad laa oh nai imu dooglagnu, da Naɗi onigppa ag ag amelagppa ebqekkulagnunab iikku attem.

Kolosi 4:16

Ag uɗug imu ebqewona amu, ag meppeg ukkeb, Laodisia Kristen tamaniak ele ebqeig! Aria uɗug Laodisia dilag yaami amu ag Kolosi daatteb amu, ag amu ele ebqeig!

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Eksodas 19:8

Mattie ⌊ag doon, danab ah amelagppa mattieg,⌋ danab ah oh ag appig. “Ig geha keeke oh Yawe Nug aum amu, ig hekkunig,” aon appig. Aria, danab ah ag anam appig amunu, Moses nug nai ag appig, nug nai amu awa ukka, Yawe toppa teum.

Josua 24:24

Josua anam a amu, danab ah ag Josua amegppa appig. “Ig Yawe, ihinig Kayak, ig Nug waappa daata, Nug oɗe dim lamidkkunig. Ig Nug aakkuib oɗe dim lamidkkunig,” aon appig.

1 King 8:9

Amu Tituanak Nainu Kunup ooppa am keeke kuɗum iitta; men maha aɗit, amuppa Kayaknu ɗo nai yaak ele, Moses Horep appa kunup amuppa meum ele amu, men aɗit amuib aguppa dayom. Horep appa amu, Israel danab ah ag Isip uun uɗin, Horep bena daaegeg, appa amu Yawe he, Israel Nug ele ag nug tituanna nai qagappig.

Sam 50:5

Nug atte. “Danab ah aun aɗi ag dahilnu tituana meɗak daatteb, ag aun aɗi ag doɗ main meɗaeg, amuppa ag da ele nug tituanta nai qakkat laippu daattem amu, ag dahilppa uɗieg!” awa atte.

Sam 78:36

Anam, amge nakok dimppa ag Nug amegppa nai genab iitta appig. Ao, ag nai hambuppuak Kayak amegppa appig.

Jeremaia 34:13

“Da, Yawe, da Israel dilag Kayak, da inam attem. ‘Anukka ag mamelkad aɗi ag Isip wanppa begbeg maɗi nid daan oiyegeg, da ag Isipnu diien, omalatti uɗippig, haen amuppa da hei, da ag ele ig nug tituanta nai qakkamut. Nug tituana nai qakkak amuppa da ami.

Jeremaia 42:6

Yawe, ihinig Kayak, na Nug unuqidkkutnu ig meittut gottem ele, Nug aɗi akku amu, ig ena, elele daagnignu, Nug keeke ig oonig hette hekkunignu akku dayeb, o Nug keeke ig oonig ii hette hekkunignu akku dayeb, am keeke hamu. Ig Nug aɗi akku aakkuib dim lamidkkunig. Aɗinu? Ig anam hekkunig dayeb, am ig ena, elele daagnig,” aon appig.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Malakai 2:10

Ig oh mamenig laippu iittate? Kayak laippu Nug ig oh iite heikkom? Ao, ig oh mamenig laippu, Nug ig oh heikkom Anam amunu, aɗinu ig lainkad amelagppa ig keeke laa hekkunignu nai qagattem, amge ig ii hettem? Aɗinu ig mamenkad aɗi ag Kayak ele nug tituanna nai qagappig amu, ig nai qakkak amunu am keeke hamu bia doot tippalttem?

2 Stori 15:14

Ag nai amu Yawe amegppa baalag okkaippa amu hekkulagnu anan, ɠagattag qettan, ag baalag okkaippa enana, ag trampet iwalna, ag doɗ qeqeɗi ele iwalppig.