Eksodas 24:6 - Nobonob Baibel

⁶ Ag mana mettak amu heegeg, Moses nug doɗ amu tiilag awa, tappiɗ laala diia, tiig laih tappiɗ amuppa gokkaɗe no, laih laa, gokkaɗe noum bia, nug laih amu qaɗabppa tauɗe teum.

Eksodas 24:6 Referans Kwoze

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

Eksodas 24:8

Ag anam aeg amu, Moses nug tiig tappiɗ laalappa dayom amu diia, danab ah qaɗelagppa tauɗe ugekke, nug aum. “Yawe Nug nai amu oh matta, amu geha Nug ag ele nai amu atte bia, Nug ag ele nug tituanna nai qagatteb. Aria, tiig imu amu, am nug tituana nai qakkak nai amu ɠagattag qedatte,” awa aum.

Hibru 9:18

Diig amunu nug tituana nai qakkak tatamnu ele am doɗ tiig gokkaɗakppa ɠagattag qettak ba dayom.

Lewitikas 4:6

Nug noa, eppeg doɗo laa meeb, tiig amu ooppa nob, taula awa, nug haen eblaih aɗit ele Yawe noobppa Oo Gun Ele, Oo Gunnab Ele makkulaknu lamen guguittak tauɗ qedakku.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Kolosi 1:20

Kayak Nug wanppan keeke oh, hab aabppanu keeke oh ele heeb, ag Nug ele oolag laippu daaglagnu oo dayom. Anam oo dayom amunu, Nug Kristus ad emaitakppa mauhehe, tiig gokkaɗe, Kristus tiigppa amu Nug nuhikkud kekeɗ oh amu ebehilag okkule, maɗoɗ daatte.

Lewitikas 3:8

Nug awa wana, nug eppeg igippa mewowa, mettid haknu peh lag danab ah appa qagmetteb ele, nug lag amu odppa baag otaɗkkuoitte. Aron bekkod ag sipsip tiig aon, qaɗab gigin waɗele ohppa tauɗ qettaglag.

Lewitikas 3:2

Laa nug mana mettak hette ele, nug eppeg doɗ amu igippa mewowa, nug mettid haknu peh lag danab ah appa qagmetteb ele, nug amu odppa baag otaɗkkuoitte. Mana mettak danab, Aron bekkod, ag doɗ tiig amu qaɗab gigin waɗele ohppa tauɗ qettaglag.

Lewitikas 1:11

Amu nug Yawe noobppa, qaɗab heqoppa, laih yawalti uɗitteppanu, nug appa, nug doɗ baag otaɗkkuoitte. Aron bekkod, ag mana mettak danab, ag tiig aon, qaɗab gigin waɗele ohppa tauɗ qettaglagoitte.

Lewitikas 1:5

Nug eppeg makau gaiɗ igippa mewowa, nug appa Yawe noobppa makau baag otaɗkkuoitte. Nug amu ha maleb, Aron bekkod, ag am mana mettak danab, ag geha tiig aon, Yawe mettanna, ag mettid haknu peh lag danab ah appa qagmetteb ele, ag lag amu odppa qaɗab daatte, ag qaɗab gigin waɗele ohppa tauɗ qettaglag.

Eksodas 29:20

na sipsip amu baag otaɗppe mauheb, tiig laa aon, Aron, nug bekkod ele daulag naɗiap bamippa mewona, eppelag naɗiap doɗo tanig amuppa mewona, amu ag baelag naɗiap doɗo tanig, amuppa ele me! Aria, tiig laa oh daatte amu, na aon, qaɗab gigin waɗele ohppa tauɗppe ukkaɗ!

Eksodas 29:16

na sipsip amu baag otaɗppe mauheb, tiig amu na aon, qaɗab gigin waɗele ohppa tauɗppe ukkaɗ!

Eksodas 12:22

Ag aqadna heppeg, tiilkad tappiɗppa nob, ag ad naunau onig hisop, amu eppeg nakok laa aon, tiigppa meppeg nob aona, od ukku aɗit daug laih laih, amu od ukku emaitak attan, amuppa ele tiig amu laaidkkulag! Ag laulkad anen anen ag oh anam hekkulag; amu keeke amu hewon, dimppa amu, laa nug lag daatteppa, nug aha, dimittim aib ukkom; lag ooppaib daappeg ukkeb, wagkkaɗkku.

Eksodas 12:7

Ag aqadna amu, aria ag anen anen, ag doɗ tiig amu aon, lag ag daanna, doɗ lakkulagnu hetteb ele amu, ag lag amunu odnu ad ukku aɗit laih laih daattep, aria ukku attan emaitak daatte, amuppa ele ag doɗ tiig amu aon laaidkkulag.

1 Korint 11:25

Amu ag ee lana malona, Nug matu heum, amubianab Nug kap awa, Nug aum. “Kap imuppa da nug tituana nai qakkak bau da tiilppa hettem. Ag lanana, ag dahilnu dabmekkulagnu lanaknu kobol imu heig!” Jesus Nug anam aum.

Hibru 8:9

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, ag nug tituana nai qakkak nai dahil ii dim lamidppig amunu, da dimattami.’ Naɗi anam awa atte.”

Hibru 9:19

Tatam amu Moses nug ɗo oh danab dooglagnu mehuqa malowa, dimppa nug makau nakkud tiilkad amu meeme tiilkad ele awa, le ele kabolia, nug sipsip uɗig kokoɗnab amu uud laa onig hisop gumuppa ita, amu amuppa nug tiig le ele nug tituana nai qakkaknu ɗo yaak buk itoɗiak qaɗeppa tauɗ qettowa amu danab oh ele tauɗ aqom.

Hibru 9:21

Anamib nug tiig amuppa Kayaknu mettid haknu peh lag tauɗ qetta, uɗat lag amuppa hetteb ele, amunu keeke naunau laa oh ele tauɗ aqattom.

2 King 17:15

Israel ag Yawenu ɗo nai, tituanak Yawe he, Nug ag mamelkad aɗi ele ag nug tituanna nai qagappig, ag nai amu, amu nau aomnanu nai nuhig ele oh, Nug ag mattom amu, ag nai amu oh uuppig. Ag gona, kayak hambuppuak, keeke hamu, bau iitta ele, ag ag dim lamadnana, Israel ag akka am keeke hamu, kayak hambuppuak, amubia beppig. Anukka Yawe Nug ag danab ah ag guguattak daatteb, ag amu dilag kobol ii dim lamidmananunab aum, amge Israel ag nai nuhig tappaeg ne, amu henana, ag kobol nau amu dim lamidppig.

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Jeremaia 31:32

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.