Eksodas 24:3 - Nobonob Baibel

³ ⌊Amge Yawe Nug nai amu Moses amegppa ii aum haenppa amu, haen amuppa⌋ Moses nug noa, nug danab ah nai oh Yawe mattiom, amu ɗo oh ele mattom, nug amu oh ele ag amelagppa aum. Nug anam a amu, danab ah oh ag nai amu doon, ag oh oɗelag ooho, ag appig, “Ig geha Yawe Nug keeke oh hekkunignu aumbia amu, ig anamib hekkunig,” aon appig.

Eksodas 24:3 Referans Kwoze

Eksodas 19:8

Mattie ⌊ag doon, danab ah amelagppa mattieg,⌋ danab ah oh ag appig. “Ig geha keeke oh Yawe Nug aum amu, ig hekkunig,” aon appig. Aria, danab ah ag anam appig amunu, Moses nug nai ag appig, nug nai amu awa ukka, Yawe toppa teum.

Eksodas 24:7

Nug anam ha mala, nug nug tituana nai qakkak nainu buk awa, nug danab ah dooglagnu ebqeum. Nug ebqe doona, ag appig. “Ig Yawe aum amu, ig nai amu oh tutukku dim lamidkkunig. Genab, ig Nug oɗe doomut, dim lamidkkunig,” appig.

Josua 24:22

Ag anam aeg amu, Josua ag amelagppa aum. “Ag Yawe waappa daan, Nug oɗe dim lamidkkulagnu appig amunu, ag anam ii hena, ag amunu aab ele daan, uug naunab dooglag,” awa aum. Nug anam a amu, ag Josuanu nai nob mena appig. “Yo, ig amu ii heta amu, ig beɗunigppa aab ele, uug naunab doognig,” aon appig.

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

Eksodas 24:2

Amu Moses na nakkaib am da gumiɗna dokkut. Ikki danab laala ag da gumiɗna ii domana, amu danab ah ag na ele qaukoppa ii bemana,” awa aum.

Josua 24:24

Josua anam a amu, danab ah ag Josua amegppa appig. “Ig Yawe, ihinig Kayak, ig Nug waappa daata, Nug oɗe dim lamidkkunig. Ig Nug aakkuib oɗe dim lamidkkunig,” aon appig.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Jeremaia 34:13

“Da, Yawe, da Israel dilag Kayak, da inam attem. ‘Anukka ag mamelkad aɗi ag Isip wanppa begbeg maɗi nid daan oiyegeg, da ag Isipnu diien, omalatti uɗippig, haen amuppa da hei, da ag ele ig nug tituanta nai qakkamut. Nug tituana nai qakkak amuppa da ami.

Malakai 2:10

Ig oh mamenig laippu iittate? Kayak laippu Nug ig oh iite heikkom? Ao, ig oh mamenig laippu, Nug ig oh heikkom Anam amunu, aɗinu ig lainkad amelagppa ig keeke laa hekkunignu nai qagattem, amge ig ii hettem? Aɗinu ig mamenkad aɗi ag Kayak ele nug tituanna nai qagappig amu, ig nai qakkak amunu am keeke hamu bia doot tippalttem?

Josua 24:21

Josua nug anam aum, amge danab ah ag Josuanu nai nob mena appig. “Iitta! Ig Yawe waappa daat, Nug oɗe dim lamidkkunig!” aon appig.

2 Stori 15:14

Ag nai amu Yawe amegppa baalag okkaippa amu hekkulagnu anan, ɠagattag qettan, ag baalag okkaippa enana, ag trampet iwalna, ag doɗ qeqeɗi ele iwalppig.

2 Stori 15:15

Juda danab ah ag ahilag nai amu hekkulagnu ag meulag ohppa ɠagattag qettan appig amunu, ag oh gamalag ahom. Ag Kayak anidna dim lamidkkulagnu dabmak ɠagattag unuqagppanu heeg, Nug he, ag Nug anidppig. Anam amunu, Yawe Nug he, kekeɗ ag eheɗ laa ahilagnu ii heppig.

Sam 50:5

Nug atte. “Danab ah aun aɗi ag dahilnu tituana meɗak daatteb, ag aun aɗi ag doɗ main meɗaeg, amuppa ag da ele nug tituanta nai qakkat laippu daattem amu, ag dahilppa uɗieg!” awa atte.

Hagai 2:5

Amu Yawe Nukka Ɠagattag Oh Ele Nug inam ele atte. “Ag Isip wan uun ahappig, haen amuppa da amu hekkulnu nug tituana nai qakkak hemi amunu, da aakku hettem. Da ag ele daattem. Ag aib baɗappig,” awa atte.