Eksodas 24:12 - Nobonob Baibel

¹² Amu dimppa, Yawe Nug Moses amegppa aum. “Na qaukoppa bena, da gumuiɗna uɗin daappe, da ɗo men maha aɗit laappa yaami, ɗo amuam danab ah ulum madatte amu, geha da na men maha aɗit amu medakkul,” awa aum.

Eksodas 24:12 Referans Kwoze

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.

Eksodas 31:18

Yawe Nug Sinai qaukoppa Moses amegppa nai amu oh mattia malowa, Nug men maha aɗit ɗo nai yaak niitte, amuppa Nug eppeg doɗoppa nai amu yom amu, Nug Moses men aɗit amu mettom.

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.

2 Korint 3:3

Ig ag oolagppa daat ehanattut, ag oolagppa genab dooppig amu, danab oh ag Kristus Nug nukka yaaknu uɗug amu yom anidtteb. Nug ya mekke, ig aot oittem. Nug gauppa, men mahappa, ii yom. Iitta. Nug Kayak Bauklel Ouɗippa danab oolagppa yom.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

2 Korint 3:7

Kayak Nug ɗo nai amu men mahappa ya otaɗa, Moses eppegppa me awom amu, ɗo nai amu ig oh dim lamidkkunignu am elele iitta. Amunu ɗo nai, nuhig uɗat amu ig ihinig hipuninnu oonig ii eɗuebeb, ig mauhta padal mekkunignu daatte. Amge Kayak Nug ɗo nai amu bekkunu he, nuhig binag amahlak oppiaawak ele ba, Moses iɗuppa amahlele, Israel ag nug iɗuppa neegkkulagnu elele iitta daappig. Moses nug ɗo nai mattia male, dimppa amu Kayaknu amahlak nug iɗuppa amu aakku iitta meum.

Duteronomi 4:14

Am haen amuppa Yawe Nug da ag ɗo iɗu iɗu, ag Jodan le mataɗna wana, wan ag aon daaglagnu hetteb, amuppa nona daanna, dim lamidkkulagnu da ag ippunadkkulnunab a, da anam hemi.

Eksodas 24:18

Nug anam e, aakku Moses nug qaukoppa taata, nug lombig ooppa noa, nug qauko igippa ta, nug appa amun 40, tuqan 40 ele dayom.

Eksodas 24:15

Moses nug nai mattia malowa, nug Sinai qaukoppa te, lombig tatam dayom amu, lombig amu qauko tona dayom.

Eksodas 24:2

Amu Moses na nakkaib am da gumiɗna dokkut. Ikki danab laala ag da gumiɗna ii domana, amu danab ah ag na ele qaukoppa ii bemana,” awa aum.

Matyu 5:19

Amunu danab laa nug ɗo nai ooppa ɗo nakoknab laa tippala, nug danab laa ele ag amu hekkulagnu ippunadkku amu, nug onig Kayaknu ɗo maɗoɗppa nakoknab daakku, amge danab ɗo dim lamittatta, danab laa dim lamidkkulagnu ele ippunadkku amu, nug Kayaknu ɗo maɗoɗppa onig okkai ele daakku.

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Esra 7:10

Yawe Nug Esra ehanittomnu diig am, Esra nug Yawenu ɗo ippunittak am aokkunu, ɗo amu dim lamidkkunu ele anuqak doyaya oiyom. Nug amunu anuqak doya, Israel danab ah laa, ag Yawenu ɗo naippa ɗo iɗu iɗu aɗi aɗi amuppa daatteb ele ippunadkkunu anuqak ele doya, amu heum.

Eksodas 34:1

Amu Yawe Nug Moses amegppa inam aum. “Na men maha aɗit, na aoɗatme ele amu, na men maha aɗit amubia otaɗna bappaidna diiatppe, aria geha da nai anukka ye otaɗmi, amuib da eɗue ye otaɗkkul.

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

1 King 19:11

Elaiya nug anam a amu, Yawe Nug aum. “Na ahan dimittim gona, qaukoppa da noolppa daappe, da laihnu uɗien, na noomppa laih gokkul,” awa aum. Nug anam a, ulah okkai naɗi uɗia he, qauko amu, amu qauko amunu men ele Yawe noobppa aoɗppig, amge Yawe Nug ulah amuppa ii dayom. Ulah amu uɗia ukke, mim laa neum, amge Yawe Nug mim amuppa ii dayom.

Eksodas 19:3

Aria, Moses nug ⌊Kayak ele aa nai mattiglahnu⌋ qaukoppa ta, ⌊nug Yawe gumitta te,⌋ Yawe Nug qaukoppanu Moses onigppa ewa, nug amegppa aum. “Nai laala na Israel danab ah amelagppa appe dooglagnu am inam. Ao, na Jakop buɗub, na ag amelagppa nai appe dooglagnu am inam.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Nehemaia 9:14

Na ig mamenkad aɗi ag nahip deɗ, nahipnu tituanak daatte, am Sabat, na ag nahip deɗ amu ippunatte doon, na nahip haknunab nai, ɗo iɗu iɗu ele, na nahip maɗi nid Moses amegppa ae, nug ag amelagppa a dooppig.

Sam 19:12

Auntai laa nug nuhig eheɗ hak doyaya ii hette oh ele, nug amunu oo maittak aokkunu elelete? Laa iitta. O Kayak, na oot da meɗan, hipunin da doyeye heinne, ii hettem ele amu, na uhuqna meɗakkutnu oɗ medattem.