Eksodas 24:10 - Nobonob Baibel

¹⁰ Ag tena amu, ag ⌊nakok uma daanna, neekkeg ukke,⌋ Israel dilag Kayak anidppig. Yawe baeg waappa amu, keeke laa dayom, am keeke otala wan tonak laa ele. Keeke amunu amu, neekkak nuhig am men sapaia, amubia; am hab oppiaawaknab, amubia daye anidppig.

Eksodas 24:10 Referans Kwoze

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Esekiel 10:1

⌊Amu tuleglegppa⌋ da Esekiel, da neekki ukke, da keeke tappiɗ naɗi okkai, danab nug eɗi noum bia, da matu anidmi amu, da keeke amu anidmi. Keeke amuam engel okkai-kerubim attan dayom, amu keeke amu attan keeke laa, sia king men sapaiappa hak bia aakku dayom.

Revelesen 4:3

Nug beɗu am men jaspa, amu men konilian ele, amubia amahlom. Amahlele, di apinak laa sia king ⌊anuqak⌋ amu talilittak men emeral bia anidmi.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Eksodas 33:23

geha da eppel amu eɗue aoppi, na da gomel aakkuib anidkkut, amge na da iɗul ii anidkkutoitte,” awa aum. ⌊Amu dimppa, Moses nug qaukoppanu neum.⌋

Eksodas 33:20

Amge danab laa nug da iɗul anidkku dayeb amu, nug mauhkku amunu, na da iɗul anidkkutnu am elele iitta,” awa aum.

Genesis 32:30

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Revelesen 21:11

Ippuniɗe amu, Kayak binag amahlak oppiaawak aab okkai amuppa amahale, aab am amahalom. Amahlak nuhig am aam men daden nob okkainab onig jaspa, amu ye, amahlak amia gotte, amubia. Men jaspa amuam men onig kristal, dubuttid nakok laa iitta, am dubuttid nakok laa iitta amubia daatte.

1 Jon 4:12

Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Revelesen 1:16

Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.

Jon 6:46

Danab ah wanppanu laippu laa nug amegppa Kayak ii anttom. Iitta. Laa nug Kayak toppanu uɗiom ele, Nug aakkuib Kayak anttom.

Solomonnu Ahi 6:10

Laa ag nug anidna, ag oɗ mettan atteb. “Imuam aun? Nug iɗu tuqaknab, aam digma bette bia, o kalamnu haɗak, amubia, o aamnu amahalak, amubia, o hoɗoppai ag ag ippulag dim lamidna gotteb, ag ahilag neekkak enanag ele, nug amubia daatte.” Ag anam atteb.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 24:11

Israel dilag ikki amu ag Kayak anam anidppig, amge Kayak Nug he, ag ii padal meppig. Aria, dimppa ag aben amuppa ag ee, le ele lappig.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Solomonnu Ahi 5:14

Nug eppeg am ad eppeg, golppa hak, men krisolait amuppa qataqak daatteb, aa amubia daattep; nug meu am aivori amemɗiag aotte ele, amu men sapaia, amuppa qataqak ele, am anambia daatte.

Gayak Nai 4:7

Juda dilag okkai ag beɗulkad enanag daappig; sno amemɗi aotte, anttak enanag ele, amubia, o huh hakkabnab daatte, amubia. Ge ag beɗulkad am enanag daappig; anttak ahilag am men rubi, amubia. O men sapaia, amubia.

Esekiel 1:1

Jehoiakin nug Juda dilag king daya, eheɗ he, Babilon dilag king Nebukatnesar, nuhikkud daup ele ag gona, Juda eɗadna, Nebukatnesar nug Jehoiakin awa, nug awa ukka laih me dayak danab daakkunu Babilon uɗie dayeye, maɗ waɗele uue, maɗ tanig elenu kalam tanig eleppa Kayak Nug digma, tulegleg imu Esekiel ippunitte anttom. Esekiel nug am Busi bekka, Nug am mana mettak danab. Am nug Babilon wanppa le Kebar daugppa dayeye, Kayak Nug he, nug tulegleg antta, Yawenu nai doyom. Appa Yawe Nug Esekiel, uɗat nuhig hekkunu aɗom. Amunu nai imuam Propet Esekielnu nai. Da Esekiel, da maɗ 30 ele daye, maɗ amuppa kalam waɗele, deɗ tanig eleppa da kekeɗ heeg, Israel danab ah ag Babilon wanppa le Kebar daugppa diia ukka laih me dayak danab ah daappig, da ag oolagppa daaiyi, Kayak hab matule, da digmein, tulegleg laala Kayak ippuniɗeɗe anadmi.

Daniel 10:17

Da am nahip maɗi nid. Na dahil okkai. Da attem heppi, na ele nai mattignih. Dahil ɠagattag iitta meum. Da noolppa hik aokkulnu uug doottem,” awe ami.

Genesis 32:31

Dimppa aam be, Jakop nug Penielnu aha, autaut ukkom. Aɗinu? Nug maɗog am guittak awom.

2 Stori 6:17

O Yawe, na am ig Israel, ihinig Kayak, na nahip maɗi nid Dawit amegppa nai anan qakkame amu, na heppe meu okkunu oɗ medattem,” awa unuqittom.