Eksodas 23:27 - Nobonob Baibel

²⁷ Da ag noolagppa anuqe ukke heppi, ahilag kekeɗ, ag ag ele ban hekkulag amu, ag eheɗ nau baɗappeg, ootot aqeb, ag eɗun, oolna gokkulag.

Eksodas 23:27 Referans Kwoze

Duteronomi 2:25

Gemu digmak da heppi, wan ohppan danab ag digmena, baɗak eheɗ nau ele ahilagnu dooglag. Ag aɗi hettebnu doona amu, ag naunab doon, ag baɗak okkai dooglag,” awa aum.

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

Duteronomi 7:23

Amge Yawe, ahilag Kayak, Nug ⌊hanebppa⌋ danab amu diia, ag eppelagppa maatta heeb, ootot okkainab doon daappeg amu, ag geha hadappeg nauhkkulag.

Duteronomi 11:25

Ag Nug oɗe dim lamidkkulag dayeb amu, ahilkad kekeɗ ag ag ii eɗadmana; kekeɗ ag geha oolna gokkulag. Ele amu Yawe, ahilag Kayak, Nug ahilkad kekeɗ dilagppa heeb, kekeɗ ag ahilagnu baɗak eheɗ nau dooglag. Nug amu hekkunu nai anan qakkom, amu aakku hekkunab. Nug ag wan madatte, ag wan amuppa adeppa adeppa oiglag amu, Nug amuppa anamnab aakku hekku.

Sam 18:40

Na hee, dahil kekeɗ ag da dimeɗan ooladna goppig. Ao, da laa ag dahilnu nau ninig ele dooppig amu, da ag hatti nauhppig.

2 Stori 14:14

Amu Gerar danab ah, aab naunau, aab okkai amu talilidna daappig ele, danab ah appanu ele ag ⌊Kus ehanadppig amu,⌋ ag Yawe Nug Juda ehanatta he, Juda ag Kus daup dilagppa attem heppig doon, ag baɗak eheɗ nau Yawenu doon, ban hekkulagnu elele iitta amunu, Juda ag aab amu oh eɗadna heeg nauhppig. Nauheg, en kuɗumnab amuppa dayom amunu, ag en amu ele aoppig.

2 King 7:6

Aɗinu? Aram ban danab amu oh oolna goppig. Amunu diig am, tueb amuppa Naɗi Nug he, Aram ag oqotti okkai dooppig; ban danab ameg naɗi, hos, bannu karis ele dilag oqotti okkainab bia doon, ag inam appig. “Israel ag Hit danab, Isip danab ele, ahilkad king daden matteg, ahilkad ban danab ag banenig uɗin, ig iqaglagnu uɗitteb,” aon appig. Ag anana, ag paha ahan, daappig aben amu uun, oolna goppig.

1 Samuel 14:15

Jonatan, nuhig bannu keeke mawaknu nid ele aa anam heeh, Pilistia dilag daup laa oh, laa ag haen tutu dayaknu aab kalak ahilagppa daaegeg, laa ag haen tutu dayaknu aab kalak dimittim daappig ele amu, ag amu doyeg, wan uɗale, Kayak he, ag eheɗ baɗan,

Duteronomi 11:23

Yawe Nug geha wan laala Kanan wan imuppa daatteb, amuppan danab ah, ahilag ɠagattag am ag Israel, ahilag eɗittak amu, Nug ag lamatta heeb, ag Israel ag ag ahilkad wanppanu lamadna aoglag.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

2 Samuel 22:41

Na hee, dahil kekeɗ ag da dimeɗan ooladna goppig. Ao, da laa ag dahilnu nau ninig ele dooppig amu, da ag hatti nauhppig.

Sam 21:12

Aɗinu? Geha na lat nahip aon pimalppe, ag lat aeg ag yaaladkku anidna, ag eɗun, oolna gokkulag.

Eksodas 34:24

Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

Duteronomi 6:19

Ag geha Yawe Nug ag anamnab hekkulagnu aum bia, Nug heeb, ag Israel ag danab amu, ahilag kekeɗ amu, ag ag lamadkkulag.