Eksodas 23:25 - Nobonob Baibel

²⁵ Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Eksodas 23:25 Referans Kwoze

Duteronomi 7:15

Geha Yawe Nug ag oɗe digdig aomnanu atognoadkku. Nug geha ag uuatteb, ag Isip uppa oɗe naunab anidppig bia ii aomna. Nug geha heeb, oɗe amuam laa, ag ahilagnu nau ninig ele dootteb amu, ag anidkkulag.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Josua 22:5

Ag gona, appa daaglag, amge ag dabmettan autnanab aonna, ag Yawenu maɗi nid Moses, nug haknunab anak, ɗo ele ag mattom amu, ag amu tutukku dim lamitteg! Amuam ag Yawe, ahilag Kayak, ag nuhignu oolag mauheb, ag nuhig kobol oh dim lamidna oinna, nuhig haknunab anak oh ele dim lamidnan, ag Nugib waappa daaglagnu Nug ouqak ele daan, amu ag meulag ohppa, oolag ohppa ele Nug waappa daan, Nug oɗe dim lamitteg!” awa aum.

Aisaia 33:24

Haen amuppa danab ah Sion daatteb, ag oolagppanu laa nug, “Da oɗe ele,” ii ama. Danab ah appa daatteb ele amu, Yawe Nug ahilag hipunin uhuqa madakku.

Sam 103:3

Nug dahil hipunin oh uhuqa meɗa, dahil oɗe ele qe iitta mette.

Duteronomi 7:13

Nug ag ahilagnu oo mauheb, ag itatta heeb, ag appatna, kuɗum bekkulag. Nug geha heeb, ag nid naunau kuɗum ele daappeg, Nug heeb, wan ahilag ittag ele dayebeb, doɗ ele ag mattoi ii daamna. Haen ag wan Nug ag mamelkad aɗi madakkununab nuhig nai ɠagattag qetta aum ele, amuppa nona amu, ag en kuɗum ele daaglag: amuam ee aeg, wain bau, olip goɗen, amu makau, sipsip, meeme ele, ag amu kuɗum ele daaglag.

Duteronomi 10:12

Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Duteronomi 6:13

Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Josua 24:21

Josua nug anam aum, amge danab ah ag Josuanu nai nob mena appig. “Iitta! Ig Yawe waappa daat, Nug oɗe dim lamidkkunig!” aon appig.

Duteronomi 13:4

Ag Yawe, ahilag Kayak, ag Nug dim lamidnana, ag Nug aakkuib, ag nuhignu ebehilag oh bodoetta le maɗ! Ag nuhig haknunab anak nai dim lamidnan, Nug waappa daan Nug oɗe dim lamidnana, ag Nug guguittaknab dayeg!

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.

Josua 24:24

Josua anam a amu, danab ah ag Josua amegppa appig. “Ig Yawe, ihinig Kayak, ig Nug waappa daata, Nug oɗe dim lamidkkunig. Ig Nug aakkuib oɗe dim lamidkkunig,” aon appig.

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Lewitikas 11:44

Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Lewitikas 26:3

Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

Eklisiastis 5:20

Aɗinu? Danab amubia amu, Kayak he, nug gamag ahak dootte amunu, nug wanppan dayak nuhignu dabmak okkai ii aotte.

Daniel 1:15

Nug anam a, deɗ eblaih laih ele uue, nug Daniel laikkud ele italatta anatta, nid bau laa ag kingnu ee lappig ele, nug ag ele italatta anatta, Daniel laikkud ele ag beɗulag am enanag, nid bau laa oh eɗattak daaegeg anttom.