Eksodas 23:21 - Nobonob Baibel

²¹ Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.

Eksodas 23:21 Referans Kwoze

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.

Sam 78:40

O gadon, atu taɗakppa ag haen kuɗum Nug waappa daaglagnu uuna, ag nuhig nai tappaeg neum. Ao, wan meu waknu nakokib elele, amuppa ele ag haen kuɗum heeg, Nug uug doyom.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Jon 10:38

Amge da Mamenu uɗat hettem dayeb, ag amuppa dahil nainu oolagppa genab dooglagnu elele iitta dabmak aotteb dayeb, da uɗat laala, danab haknu elele iitta hettem amu, ag amu anidna, oolagppa genab doyeg! Amuppa ag doyak aona, Mame Nug dahilppa dayeye, da nuhigppa daattem amu tutukku dooglag,” awa aum.

Jon 10:30

Da Mamel ele amu i am laippu,” awa aum.

Josua 24:19

Ag anam appig amu, Josua nug danab ah amelagppa aum. “Yawe Nug am oppiaawak daatte, Nug ahilagnu dahil doya laa aomanu doyak aɗa daatte amunu, ag Yawe, kayak laala ele waappa daan, ag oh oɗelag dim lamidkkulagnu elele iitta. Am ag tuɗid ele hipunin hekkulag dayeb, Nug ahilag nai tappe nak, ahilag hipunin elenu bu aqadkku; bu qak iittappa ii uhuqa mattama.

Eksodas 3:14

Moses nug anam a amu, Kayak Nug oɗeppa awa aum. “Laa hanhan daatte, am daib. Da anam daattem amunu, na Israel danab ah amelagppa, ‘Laa Nug, “Da Daattem,” atte amu, Nug da meiɗe, ag gumatte uɗimi.’ Na anam aon a!” awa aum.

Kolosi 2:9

Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Duteronomi 18:19

Am inam daakku. Nai dahil danab amu oɗeppanu uɗitte amu, aun laa nug nai amu doyaknu uukku amu, da nug bu medakkul.

Namba 14:11

Ag antteg amu, Yawe Nug Moses amegppa aum. “Danab ah imu ag dahilnu, ‘Keeke hamunab,’ dootteb; amu haen gane laa ele ukkeb, ag dabmak amu uuglag? Da ag oolagppa dahilnu dabmettaknu kobol danab haknu elele iitta iɗu iɗu hattami, amge ag dahilnu oolagppa genab ii dootteb. Amu haen gane laa ele ukkeb, ag dabmak amu uun, ag dahilnu oolagppa genab dooglag?

Namba 14:35

Da, da Yawe, geha da keeke imu oh genab, danab oh ag da diimeɗan, nau heppig ele, da ahilagppa hekkulnunab ami amu hekkul. Ag oh tamanin, da nai ami amu tappaeg neum. Ag geha atu taɗakppa iitta mekkulag; ag geha aben amuppa mauhkkulag,” awa aum.

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

Eksodas 6:3

Anukka da Abraham, Aisak, am Jakop ele gumatte nei, ag da onil, Kayak Nukka Ɠagattag Oh Ele, ag amuppa da dooiɗppig. Amge da onil Yawe, da onil amuppa, ag da dooiɗkkulagnu amu, da ii ippunadmi.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 2:8

Nug anam ana, Nug nai tuɗitta aum. “Na nai da attem imu Smerna Kristen tamaniaknu ikki danab, nuhignu inam ye! Nai imu, laa Nug hanhan daatte; anuqakppa, batakppa ele Nug daatte, anukka Nug mauhom, amge Nug gemu bau daatte, nuhigppan uɗitte.

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.

Hibru 3:16

Anukka aun aɗi ag Kayak oɗe doona, hibguitta hena, nai nuhig tappaeg neum? Amuam danab oh Moses nug omalatte, Isip uun, ahan goppig ele. Ag kobol amu heppig.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Jeremaia 23:6

Haen nug king dayebeb amu, Juda ag geha padal memananu ehanittak aon daaglag. Ao, Israel danab ah ag baɗak iittappa daaglag. Geha ag king amu onig am inam ataɗkkulag. ‘Yawe Nug Kobol Genab Tutukku, Nug Amunu Diig Daatte.’ ” Yawe Nug anam atte.

Jeremaia 5:7

Da anam dabmemi, amu Yawe Nug inam atte. “O Juda danab ah, da attem hein, bu ii madapa? ⌊Ag eheɗ heegeg,⌋ ag bekkalkad ag da dimeɗan, ag kayak laala, ag kayak hambuppuak amu onilagppa ahilag nai ɠagattag qedatteb. Da ahilag keeke oh ag bau daaglagnu ag mattami, amge ag ohnab ag kayak hambuppuak laulkadppa gona, nug noobppa dup nona binag mena, ah appa daatteb ele, ag amu ele ewau pakkuna gappai kobol hetteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 45:6

Wan atu ohppanu danab ah, ag laa da bia ii daatte dooglagnu amu, da diig amunu ɠagattag medakkul. Da aakkuib am Yawe; Kayak laa ii daatte.

Aisaia 42:8

Da am Yawe, amuam da onil. Da uuppi, dahil binag amahlak oppiaawak ele am kayak hambuppuak laa, nuhigppa ii daama. Ao, da uuppi, kayak hambuppuak dottog laa da binal ii aoma.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Duteronomi 9:7

Ag Yawe, ahilag Kayak, ag Nug atu taɗakppa heeg, Nug oppoɗi beum amu, ag amu oh ag daulagppa doaɗ! Haen ag Isipnu digmen ahappig uɗie, gemu ele, ag Nug oɗe tappaeg neene daatteb.

Ikki Danab 13:18

Manoa nug anam a, Yawenu engel nug nob ma aum. “Na aɗinu da onilnu oɗ mettem? Da appi doolom amu, na oot ii maidlo,” awa aum.

Aisaia 9:5

Amu ban danab dilag keeke beɗulagppa mena gona, ban hetteb ele, amu oh geha aab eokku. Baeg gaɗa okkai okkai ahilkad, am bannu danab dilag lamen, tiilag laittak ele, amu oh geha aab eweb, iitta mekku.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.