Eksodas 22:28 - Nobonob Baibel

²⁸ Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Eksodas 22:28 Referans Kwoze

Aposel 23:5

Aeg Pol aum. “O lailad, nug mana mettak ikki danab daatte amu da ii doomi. ⌊Da ena ii hemi.⌋ Aɗinu? Kayaknu Nai am inam daatte, ‘Na nahip huuppan ikki danabnu amu, na nai nau aib ame,’ awa atte,” awa aum.

Eklisiastis 10:20

Na oɗenppa aib king aon aon qettame, amge amuib iitta! Dabmakppa ele na anam aib heme! Ge, na danab okkai dilagnu na laut ooppa, niittem abenppa daanna, ag eheɗ laa awaknu anak waappa daaglagnu aib ame. Aɗinu? Ai laa nug doya, nahip dabmak, o nahip nai amu ag amelagppa akkutai. Ge, ai laa hagagaɗa oiyaya doya, ukka mattieb dooglagtai.

Jut 1:8

Aria, danab tamaniak ooppa lokkumna noppig, ag dabmak tutukku iitta amu, ag Sodom aɗi heppig bianab hetteb. Ag hipunin digdig heeg, ag beɗulkad dubuttid tak ele daatteb. Ag Kayak oɗe dimettan, nuhig nai tappaeg ne, hab aabppan engel dilagnu baeg qak nai maditteb.

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.

Eksodas 21:17

Am danab ⌊nug mamegnu, o anignu oo nauheb,⌋ nug anig, o mameg eheɗ laa aokkunu anak waappa daakkunu akku dayeb amu, aria ag nug qeppeg mauhaɗ!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

Aposel 23:3

Nug Pol mataɗkkulagnu a amu, Pol nug amegppa aum. “Na am gilil dubuttid tak, amuppa gau hakkab hamu attanttan laaidppig, na amubia daattem! Geha Kayak Nug na oidkku! Na ɗo aɗi atte amuppa epeɗilkkutnu uɗime, amge na danab imu amelagppa, ‘Ag nug oig!’ ame, amuppa na ɗo tappae neum,” awa aum.

Sam 138:1

O Yawe, da nahipnu meul ohppa, “Ena heme,” awe akkul. Da hambuppuak kayak laa oh noolagppa da na binan mak ahi edakkul.

Sam 32:6

Amunu O Yawe, danab oh ag genab tutukku hak kobol dim lamidtteb ele, ag uug bette haenppa na unuqidkkulag am ena. Ao, ag na unuqidkkulag dayeb amu, uug okkai, le naɗi hiɗ bette bia beeb, uug amu ii tonadma.

1 Samuel 26:9

Abisai nug anam aum, amge Dawit nug nob ma aum. “Na nug aib qeppe mauhom. Aɗinu? Yawe Nug Saul, Israel dilag king daakkunu goɗen gokkaɗakppa tituanom, amu aun laa nug Saul qeeb mauhkku amu, Yawe Nug danab amu nug eheɗ heum, nug beɗuppa aab ele antta, ⌊am geha Nug danab amu nob nau medakku⌋,” awa aum.

1 Samuel 24:10

Gemu, geha iikku na wan oɗeppa dayeye, Yawe Nug na da eppelppa meum amu, na gemu na amenppanab keeke amu aakku anidttem. Laa ag da na nidappi mauhkkutnu appig, amge da uumi. Da uumi amunu, na ii mauhme. Da anam heinne amu, da inam ami. ‘Yawe Nug dahil naɗi nug king daakkunu goɗen gokkaɗakppa tituanom amunu, da nug heppi nauhkkunu, da keeke eheɗ laa da eppelppa ii hepa. Iittanab!’ Da anam ami.

1 Samuel 24:6

Dawit nug Saulnu eheɗ heum, amunu dabmak huan qeum, ⌊amge nuhikkud danab ag nug Saul qeeb mauhkkunu eɗun appig⌋ amunu, Dawit nug ag amelagppa aum. “Yawe Nug Saul, dahil okkai, am nug Israel dilag king daakkunu goɗen gokkaɗakppa tituanom amunu, da nug iinab qeppi mauhma. Iittanab! Nug Israel dilag king daakkunu Yawe Nug goɗen gokkaɗakppa tituanom amunu, da nug heppi nauhkkunu aib okkainab aakku daatte,” awa amelagppa aum.

Lewitikas 24:16

Ao, aun laa nug Yawenu dabittak nai akku amu, ag nug qeppeg mauhaɗ! Israel dilag tamaniak oh ag nug menppa makkuɗkkulag. Nug Israel ted laate, iitta wan laihnu danab laatai, nug Yawenu dabittak nai akku dayeb amu, ag nug qeppeg mauhaɗ!

Lewitikas 24:11

Nug qak ooppa, Israel ah, gamu Isip ted, nug bekka, nug Israel ted baeg qa, nug Yawe eheɗ laa awaknu anak waappa daakkunu aum. Yawenu nai aum, amuppa nug Yawenu dabittak nai mattiom. Nug anam heum amunu, ag danab amu Moses toppa ⌊hettoɗiak hekkunu⌋ aon goppig. Nug anig am onig Selomit. Nug am Dibri aɗeg, Israel dilag huu okkai laa Dan, amuppanu.

Lewitikas 24:15

Ag anam hena malappeg amu, na Israel danab ah appe doyeg! ‘Aun laa nug nuhig Kayak, Nug eheɗ laa aokkunu anak waappa daakkunu akku amu, nug eheɗ aakku ha, nug amunu bu aokku.

2 Samuel 16:5

Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

2 Samuel 16:9

Simei nug anam ana e ukke ukke, Seruia bekka Abisai nug King Dawit amegppa aum. “Dahil okkai, dahil king, danab amu nug danab ena iitta, qai mauhak bia daatte, am aɗinu ig nug uupput, nug na eheɗ laa awaknu anak waappa daakkutnu nai unam atte? Na appe, da wain, duug oppi, beɗu laih ukkebeb, ikki am laih gokku,” awa aum.

2 Samuel 19:21

Nug anam a, Seruia bekka Abisai nug aum. “Yawe Nug Dawit king daakkunu goɗen gokkaɗakppa tituanom, amge Simei nug King Dawit eheɗ laa awaknu anak waappa daakkunu aum. Amu diig amunu nug mauhaɗ!” awa aum.

1 King 21:10

Dayebeb, aria ag danab nau aɗit laa, Nabot daakku, amu guguittak maatppeg daayya, aa Nabot nug Kayak, king ele aa eheɗ laa awaknu anak waappa daaglahnu aum, amu Nabot beɗuppa yaapeɗ, ag doon, dimppa Nabot aon, aab okkai dimittim gona, menppa makkuɗppeg mauhaɗ!” Nug uɗugppa anam yom.

Eksodas 13:2

“Ag Israel amu, ag ahilkad nid danab tatamnu oh amu, ag dahil daaglagnu tituanna meɗeg! Ahilkad nid danab tatamnu, amu ahilkad doɗ manan oh nalkad dawai tatamnu ele, amu oh am dahil,” awa aum.

Eksodas 13:12

ag ah oolkadppanu nid danab tatamnu oh, ag Yawe mettaglagoitte! Amu doɗ nalkad dawai tatamnu oh ele, ag Yawenu daaglag.

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Eksodas 23:19

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig.