Eksodas 22:18 - Nobonob Baibel

¹⁸ Ah nug eman kobol hette ele, ag nug qeppeg mauhaɗ!

Eksodas 22:18 Referans Kwoze

Lewitikas 20:27

Am ag danab o ah laa, nug mauhak ele gamag danab daatte, o nug mauhak ele mattiak danab daatte ele amu, ag menppa qeppeg mauhkkuoitte. Am laa ag amu hetteb, ag beɗulagppa, ag aqappeg mauhkkulag,” awa aum.

1 Samuel 28:3

Haen matu Samuel mauhe, Israel ag nuhignu qanana, appag diigppa Rama boumppig. ⌊Amge haen Samuel ii mauhom dayeye,⌋ Saul nug he, mauhak ele gamag danab, amu mauhak ele mattiak danab ag Israel wanppa ii daappig.

Lewitikas 20:6

Am aun nug danab ah oolagppa, dahilnu ooppa genab ii doya, nug mauhak ele gamag danab, mauhak ele mattiak danab ele dabmadatta dim lamadkkunu gumatta gokku, nug amu dilag kobol digdig ele dim lamidkku dayeb amu, da geha danab amu eheɗ hedakkulnu doyeye dayen, da heppi, nug Israel oolagppanu geɗittak daakku.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Lewitikas 19:31

Ag mauhak ele gamag danab, mauhak ele mattiak danab ele gumadna goppeg, ag heppeg, dahil neekkakppa ag oolagppa dubuttid tak ele daaglag amunu, ag aib gumadna goppig. Da am Yawe, ahilag Kayak.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

Aposel 19:19

Amu ag oolagppanu danab kuɗum ag anukka onig awak buk ele aon aɗan, uɗat amu heppig ele amu, ag buk amu akkan qagmena, danab ah oh noolagppa manatteg ewom. Ag buk amu oh, ahilag nobnu men doɗo ebqeppig amu, am koin onig drakma 50,000 dayom.

1 Samuel 28:9

Saul nug anam aum, amge ah nug inam aum. “Amu Saul keeke heum amu, na iite doottem. Saul nug he, danab ah ag mauhak ele gamag danab, o ag mauhak ele mattiak danab amu, ag Israel wanppa ii daatteb. Aɗinu na da mauhkkulnu pelem mettem?” anam aum.

Jeremaia 27:9

Yawe Nug anam anana, Nug imu ele atte. “Da Yawe, da ag ahilkad okkai amelagppa akkulagnu imu ele attem. ‘Anam bekku amunu, ag ahilkad propet, ahilkad eman danab, danab ahilkad ag tul niiakppan meu heeg miag atitte, ahilkad mauhak ele gamag danab, amu ahilkad emaɗ hak danab ele dilag nai aib dabmeppig. Ag anen anen, ag amelagppa, “Na Babilon dilag king waappa maɗi nid ii daan, nuhig uɗat ii hemana,” aon atteb amge, ag ahilag nai amu aib dooppig; aib dabmeppig.

Jeremaia 27:10

Aɗinu? Danab amu ag dimppa aɗi bekkunu nai hambuppuak aakku maditteb amunu, ag ahilag nai doon, dabmekkulag dayeb, uug naunab ahilagppa beeb, ag ahilkad wanppa baula eɗun ii daamna. Da heppi, ag wan laappa gona daanna, mauhkkulag.

Lewitikas 18:23

Danab laa nug doɗ laa ele gappai iinab aoglahoitte. Laa nug amu hekku dayeb amu, nug da, Yawe, nug dahil neekkakppa dubuttid tak ele daakku. Am ah laa nug doɗ dawai laa ele gappai aoglahnu gumitta iinab wakkuoitte. Da Yawe, da amunu oolppa uuaknab doottem. Kobol anam am, hipunin kaboliaknab aakku.

Duteronomi 27:21

Appeg, Lewi buɗub ag inam akkulag. “Laa nug doɗ laa ele gappai aottep, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.