Eksodas 21:15 - Nobonob Baibel

¹⁵ Am danab laa nug mameg, o anig makkuɗeb, anig o mameg nug mauhkku, o iitai mauhkku, aria ag danab nug anam heum amu, ag qeppeg mauhaɗ!

Eksodas 21:15 Referans Kwoze

1 Timoti 1:9

Ig ele doottem, ɗo nug genab tutukku hak danab dilagnu ii daatte. Iitta. Ɗo nug ɗo ii dim lamittak danab dilagnu, am nai tappe nak danab dilagnu, am Kayak dimettak danab dilagnu, am hipunin danab dilagnu, am laa Kayaknu oppiaawak ele ii daatteb dilagnu, am laa Kayak dab-ii-mena wannu kobol dim lamidtteb dilagnu, am laa ag mamelkad anilkad aqaeg mauhtteb dilagnu, am danab ag lailkad aqaeg mauhtteb dilagnu,

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Prowerb 30:11

Laa ag mamelkad eheɗ laa awaknu anak waappa daaglagnu anana; ag anilkad ele ii itadtteb.

Duteronomi 27:24

Appeg, Lewi buɗub ag inam akkulag. “Aun laa nug danab laa lokkumakppa qette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab anam dayaɗ,” akkulag.

Eksodas 21:14

Amuam danab nug layag ii doyaya qe mauhttenu ɗo, amge danab laa nug hekkunu lokkumakppa dabmaama, maittak eheɗ awa, danab laa qeeb mauhkku dayeb amu, ag danab amu qeppeg mauhaɗ! Genab! Nug ena daakkunu qaiqaɗ ukka, dahil qaɗabppa ta aɗakku dayeb am keeke hamu. Ag amu aib dabmeppig. Ag nug amuppanu aon gona, qeppeg mauhaɗ!

Eksodas 21:16

Am danab laa nug danab laa lokkumakppa aɗa, nug begbeg maɗi nid daakkunu meeb, laa nug nuhig begbeg maɗi nid daakkunu daden mekku anidna amu, aria ag danab nug laa aɗom ele, ag nug qeppeg mauhaɗ! O nug danab amu lokkumakppa aɗa, laa nug nuhig begbeg maɗi nid daakkunu daden mekkunu dabmette, amge nug amu ii ha malom, nug danab amu aakku aɗa daatte dayeb anidna amu, ag nug layag aɗom ele qeppeg mauhaɗ!