Eksodas 20:15 - Nobonob Baibel

¹⁵ Na yabhok aib heme.

Eksodas 20:15 Referans Kwoze

Rom 13:9

Ɗo imu oh, “Na ewau aib pakkuna gappai heme; na danab aib qeppe mauhom; na yab aib heme; na layapnu keeke aib amen qeeb aolomnab dabmak eheɗ aome,” ele, ɗo amu, amu ɗo laala ele daatteb, amu oh dilag ikki tamaniak, ɗo okkai laippu daatte am inam. “Na nakka nahipnu oot mauhtte, amubia na laipad dilagnu oot mauhaɗ!”

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Lewitikas 19:11

Ag aib yab heppig. Ag aib nai hambubuppig. Ag aib lailkad dilagppa ameg qakkak kobol heppig.

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Matyu 19:18

Anam a amu danab amu nug aum. “Aɗi ɗo dim lamidkkul?” awa aum. A amu Jesus Nug aum. “Na danab aib qeppe mauhom. Na ewau aib pakkuna gappai heme. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime.

1 Korint 6:10

o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

Prowerb 11:1

Danab nug doyaya, keekenu uug anidkkunu skel uɗat pehettak ii hettep-ppa mette amu, Yawe Nug amunu ooppa uuaknab dootte; amge danab nug uug doyaknu keeke pehettak skelppa uɗat mattak amu, Yawe Nug amunu ooppa enanagnab dootte.

Duteronomi 24:7

Amu laa nug Israel ted laa aɗa awa, nug nuhig begbeg maɗi nid bia hedakku dayeb, o nug heeb, laa daden mekkulag dayeb amu, danab amu heum ele nug mauhkkuoitte. Kobol nau ag oolagppa daamanu, ag heppeg, aib dayom!

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

Matyu 21:13

Jesus Nug anam hewowa, Nug aum. “Kayak naippa yaak inam daatte. ‘Danab ag da laul am danab ah dilag unuqiɗak lag daatte dooglag,’ amge ag heeg, nug yab danab naunab dilag lokkumak aben bia daatte!” awa aum.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.

Eksodas 21:16

Am danab laa nug danab laa lokkumakppa aɗa, nug begbeg maɗi nid daakkunu meeb, laa nug nuhig begbeg maɗi nid daakkunu daden mekku anidna amu, aria ag danab nug laa aɗom ele, ag nug qeppeg mauhaɗ! O nug danab amu lokkumakppa aɗa, laa nug nuhig begbeg maɗi nid daakkunu daden mekkunu dabmette, amge nug amu ii ha malom, nug danab amu aakku aɗa daatte dayeb anidna amu, ag nug layag aɗom ele qeppeg mauhaɗ!

Matyu 15:19

Kobol eheɗ imu oh dabmakppanu bette; dabmak eheɗ, danab qe mauhak kobol, ewau pakkua gappai hak kobol, gappai hak kobol digdig laa, yabhok kobol, nai genab iitta anak kobol, baeg qak kobol ele,

Duteronomi 5:19

Na yabhok aib heme.