Eksodas 20:10 - Nobonob Baibel

¹⁰ amge deɗ ebqak eblaih aɗit ele, amuam Sabat deɗ, deɗ amunu amu, da Yawe, ahilag Kayak, da ag hik aoglagnu deɗ amu mattami. Deɗ amuam Sabat, na deɗ amuppa uɗat aib heme. Ge, na, nahipad nid, nahipad maɗi nid maɗi ah ele, doɗ nahipad, wan laihnu danab nug uɗia, ag oolagppa daatte amu, ag oh deɗ amuppa uɗat ii hemana.

Eksodas 20:10 Referans Kwoze

Eksodas 34:21

Mettid ohppa ag deɗ eblaih laippu ele uɗat hekkulag, amge deɗ eblaih aɗitppa ag uɗat ii hemana, ag hik aweg! Datta wan obatak dayeb, o datta ee oɗuom, awa lakka mak haen daakku dayeb amu, ag amunu aib uug aqom, amunu ele dabmak aib aoppig. Ag deɗ ebqak eblaih aɗit ele amu, ag deɗ amuppa uɗat ii hemana; ag hik aweg!

Luk 23:56

Ag anttona amu, ag eɗun lakka gona, ag spais, leppu muttuɗig enanag ele Jesus beɗu laaittaknu amu babaittona, ag Sabat amu, ɗo atte bia, ag hik aoppig.

Nehemaia 10:31

Wan laalappan danab ag ig talililgna daatteb amu, ag keeke laala, o ee aeg aon uɗin, Sabat deɗppa mena daden mekkunignu hebeppeg, ig Sabat deɗppa, o deɗ laa Kayaknu tituanak daatte, amuppa ig daden ii memata. Ig ee wanppa ebapput ukkeb ukkeb, maɗ eblaih laippu ele teeb, maɗ eblaih aɗitppa ig keeke laa wanppa ii eppamta. Maɗ amuppa ele ig Israel buɗub laa ihinigppa lon awa, eɗua ii daden meum dayeb amu, ig megakkunu baula ii amata.

Eksodas 31:13

“Na Israel danab ah amelagppa inam a! ‘Ag dahil Sabat ohnu amu, ag deɗ amu dabmenana, da ɗo deɗ amunu mattami amu, ag amu dim lamitteg! Aɗinu? Da am Yawe, da hei, ag dahilnu tituanak daatteb, amu Sabat deɗ, deɗ amuam da ag ele gamagppa amunu at hanhan, buɗub buɗub doobob, anamib daakku.

Eksodas 16:26

Mettid ohnu deɗ ebqak laippu ukka, eblaih laippu ele batak amu, ag ee aoglag. Aria, deɗ ebqak eblaih aɗit ele, amuam Sabat, amu geha deɗ amuppa ee wanppa ii daama,” awa aum.

Eksodas 35:2

Mettid oh amu, ag deɗ eblaih laippu ele uɗat hekkulag, amge deɗ ebqak eblaih aɗit ele amu, amuam deɗ Yawenu tituanak daakku. Am Sabat deɗ, am hik awaknu deɗ, Yawe Nug deɗ amunu, nuhignu tituanak daatte anidtte. Danab aun nug deɗ amuppa uɗat hekku amu, ag nug qeppeg mauhaɗ!

Lewitikas 23:3

Deɗ eblaih laippu oh amu ag uɗat hekkulagnu daatte, amge deɗ eblaih aɗit ele amuam sabat deɗ, am hik awaknu deɗ. Deɗ amuppa ag Kayak noobppa qagmena dup nona Nug binag mekkulagnu deɗ. Deɗ amu, aben ag adeppa adeppa daatteb amu, deɗ amuam sabat; am Yawe binag awaknu deɗ.

Esekiel 14:7

Aɗinu? Israel danab laa, o wan laihnu danab nug uɗia, Israel oolagppa daatte amu, amu laa nug nukka nug dahilnu nug awaitta dimeɗa, nug kayak hambuppuak dim lamadkkunu dabmak nug ooppa meum daatte, nug kayak hambuppuak dottolkad, amuam keeke nau, danab he na qette amu, nug amu noolagppa dup noa binalag mette dayeb, nug amu haaha oiya, nug aha, dahil propet laa keeke laanu oɗ medakkunu gumitta gokku dayeb amu, da, Yawe, da dakka nuhig hipunin dabmeinne, da amunu nob elele medakkul.