Eksodas 2:18 - Nobonob Baibel

¹⁸ Aria dimppa ag eɗun, mamelag Reuel, ⌊Jetro ele atteb,⌋ amu, ag nug toppa ukkaeg, nug inam awa oɗ mattom. “Aɗinu ag gemu pahanab eɗun uɗippig?” oɗ mattom.

Eksodas 2:18 Referans Kwoze

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Eksodas 4:18

Yawe Nug Moses amegppa nai amu mattia male, Moses nug eɗua, tana Jetro gumitta ukka, amegppa aum. “Na uuiɗppe, da eɗue Isip ukken, da lailad anadkkulnu ool daatte. Ag ana daattebtai, o ag mauhppigtai amu, da dookkul,” awa aum. Jetro nug amunu ena doya, nug Moses amegppa aum. “Amu elele, na maɗoɗ ele ukke!” awa aum.

Namba 19:20

Amge danab laa nug keeke laa he, nug da ele ouqa dayaknu elele iitta daatte, amge nug da ele ouqa dayaknu ɗo ii dim lamidtte dayeb, nug da ele ouqa dayaknu elele iitta daatte dayeb, amuppa nug he, da, Yawe, dahil neekkakppa dahil mettid haknu peh lag dubuttid tak ele daatte amunu, nug Israel oolagppanu geɗittak daakkuoitte. Amunu diig am, le heeb, danab nug da, Yawe, da ele ouqa dayaknu elelenu le amu, laa nug le amu nuhigppa ii tauɗ qettom amunu, nug da ele ouqa dayaknu elele iitta.

Eksodas 2:19

Anam oɗ matte, ag appig. “Isip danab laa nug ig ehanikke, doɗ sipsip gumak danab ag ig ii lamigppig. Amu ele, nug le ita, ihinig doɗ sipsip, meeme ele amu, nug le mattom,” aon appig.

Jon 9:12

Nug anam a amu ag nug oɗ medappig. “Danab amuam adeppa daatte?” aon appig. Aeg amu nug aum. “Da ii doottem,” awa aum.