Eksodas 2:16 - Nobonob Baibel

¹⁶ Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.

Eksodas 2:16 Referans Kwoze

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Genesis 24:11

Ukka te, deɗ amuppa tueb meeme, nug aab beeppa, le itak abenppa ta dayaya, nug he, kamel heɗep nena daappig. Tueb amu ah le awak haen.

Genesis 41:45

Anam ana amu, Paro nug Josep onig bau, Sapenat Panea ataɗom. Laa ele Paro nug aab onig On dilag mana mettak danab onig Potipera aɗeg Asenat nug wau daakkunu Josep mettom. Aakku Josep nug Isip wanppa oiyom.

Genesis 14:18

Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

Genesis 24:13

Antte! Da le moɗ gukkuitten daattem, amu aabppan ah makkun ag le itaglagnu uɗitteb

Genesis 29:2

nug neekke ukke, gikkiɗah dad okkaippa le moɗ, men okkai tonak dayeye, amu sipsip ameg ewam ele, ag le moɗ amu guguittak niiegeg anattom. Sipsip gumak danab ag haen oh le moɗ amuppa le itaeg, sipsip ladappig amunu, ag gukkuidna niippig.

Eksodas 18:1

Amu Jetro, Midian dilag mana mettak danab, Moses tana amu, Nug keeke oh Yawe Nug Moses Israel ele ehanattatta he, ag Isip uun uɗiegeg, amu Kayak ehanittak laala ele ag mattom amu, Jetro nug amu ohnu nai doyom.

Eksodas 18:12

Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.