Eksodas 2:15 - Nobonob Baibel

¹⁵ Moses nug danab qe mauhom dimppa, Paro nug Moses keeke heum amu nai oiye doya, makkuɗeb mauhkkunu dabmeum, amge Moses nug amu doya, ⌊nug Paro baɗitta,⌋ nug oola, Midian wanppa ukkom. Nug ukka ta, le moɗ laa giginppa dayom.

Eksodas 2:15 Referans Kwoze

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Aposel 7:29

Nug nai amu a amu, Moses aakku oola ukka, Midian dilag wanppa, nug appa wan laihnu danab dayaya, dimppa ah awa, nid danab aɗit menuatom.

Genesis 24:11

Ukka te, deɗ amuppa tueb meeme, nug aab beeppa, le itak abenppa ta dayaya, nug he, kamel heɗep nena daappig. Tueb amu ah le awak haen.

Genesis 29:2

nug neekke ukke, gikkiɗah dad okkaippa le moɗ, men okkai tonak dayeye, amu sipsip ameg ewam ele, ag le moɗ amu guguittak niiegeg anattom. Sipsip gumak danab ag haen oh le moɗ amuppa le itaeg, sipsip ladappig amunu, ag gukkuidna niippig.

Jon 4:6

Anukka Jakop nug appa le moɗ nuhig buuom. Amu Jesus Nug ukka, amuppa ta, beɗu maidadaɗom amunu, Nug le moɗ amu guguittak hik awa, appa dayom. Haen amu aam ameg tutukku anam.

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Prowerb 22:3

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Eksodas 4:19

Jetro nug anam a, Moses nug ⌊gokkunu⌋ Midian wanppa dayeye, Yawe Nug amegppa aum. “Danab na nittaglagnu heppig ele amu, ag ii daatteb; ag mauhppig amunu, na eɗun Isip ⌊gokkutnu aib baɗame! Na⌋ ukke!” awa aum.

Genesis 25:4

Midian bekkod am Epa, Eper, Hanok, Abida, Elda ele. Ag am Keturah buɗub aakku.

Genesis 25:2

aa nid danab eblaih laippu ele menuadpiɗ. Ag onilag am Simran, Joksan, Medan, Midian, Isbak, Sua ele.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.

Habakuk 3:7

Da neekki ukke, Kusan danab ag uug nau doon daappig anidmi. Ao, Midian danab ag guittak okkainab ele daaegeg anadmi.