Eksodas 19:24 - Nobonob Baibel

²⁴ Moses nug anam a amu, Yawe Nug eɗua nob ma inam aum. “⌊Iitta!⌋ Na nona appe dooppeg, amu na Aron aoppe, aa oh ippa bekkulah, amge mana mettak danab, am danab ah ele, ag tom iinab letamna. Ag anam hekkulag amu, geha da ag eheɗ nau madakkul,” awa aum.

Eksodas 19:24 Referans Kwoze

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Hibru 12:29

Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Galesia 3:19

Aria, aɗinu Kayak Mosesnu ɗo meum? Amuam iikku. Kayak Nug hipunin diig geha miag atikkunu oo dayom amunu, Nug Abraham amegppa nug keeke aokkunu nai qakka aum dimppa, Nug ɗo amu aakku he beum. Amu ɗo nug dayeb ukkeb, geha Jesus bekku, amu batak daakkunu meum. Kayak a, engel ag Moses ɗo ippunitteg, nug gamag danab dayaya ɗo awa, danab ah ippuanattom.

Rom 4:15

Ɗoppa keeke ena amu bekkunu elele iitta. Aɗinu? Ɗo nug Kayak oppoɗi bak he bette, amge ɗo iitta dayeb amu, danab ag ɗo tippalkkulagnu am elele iitta.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Matyu 11:12

Jonnu haen uɗie uɗie gemu ele Kayaknu ɗo maɗoɗ nug okkai mekkunu wagai mette, amu wagai mak danab ag ele Kayaknu ɗo maɗoɗ aɗaglagnu wagai metteb.

Eksodas 24:9

Moses nug amu oh ha male, dimppa nug, Aron, Nadap, Abihu amu Israel dilag ikki danab 70 ele, ag qaukoppa teppig.

Eksodas 24:1

Yawe Nug amu oh Moses amegppa mattia mala, dimppa Nug amegppa inam aum. “Na, Aron, Nadap, Abihu, amu Israel dilag ikki danab 70, ag ele, geha ag oh qaukoppa da gumiɗna bena, nakok gukkuiɗna dona, ag nakok piɗe hippaidna daanna, ag dup nona, da binal mekkulag.

Eksodas 19:12

Na danab ah ag qauko temananu, na qauko diigppa tom bappaidna, danab ah amelagppa inam appe doyeg! ‘Geha ag tom letan, ooppa nona, qauko iinab temana. Ao, ag qauko diigppa, tom ooppa baelag meppeg ii wama. Laa nug tom amu ooppa qauko aɗeb amu, ag nug genab qeppeg mauhaɗ!

Eksodas 19:25

Yawe nug nai amu a, Moses doya, nug danab ah gumatta noa, Yawe nai amegppa aum amu, nug nai amu oh ag amelagppa aum.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

1 Stori 13:9

Ag amu henana, ag Kidonnu ee aeg mumuɗaknu abenppa gona teegeg, makau okkai ebehi ele uɗatnu karis amu eeɗpiɗ, aa taataɗ qettak heeh, Kayaknu Tituanak Nainu Kunup, uɗatnu karis attan uɗalom amunu, Usa nug ɠagattag daakkunu eppeg bahia aɗom.