Eksodas 19:20 - Nobonob Baibel

²⁰ Amu kobol amuppa Yawe Nug Sinai qauko igippa na dayaya, Moses tekkunu onigppa e, aria Moses nug teum.

Eksodas 19:20 Referans Kwoze

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Eksodas 34:4

Yawe Nug anam a, aria Moses nug men maha aɗit tatam daapiɗ bia otaɗowa, buttuanab aha, eppegppa mawata, Sinai qaukoppa teum; Yawe Nug amegppa haknunab aumbia, Nug heum.

Eksodas 34:2

Na men maha aɗit amu bappaidna, butti buttua na qaukoppa bekkutnu bappaidna, qauko Sinai be! Amu na qauko amu igippa da gumiɗna uɗie!

Eksodas 24:18

Nug anam e, aakku Moses nug qaukoppa taata, nug lombig ooppa noa, nug qauko igippa ta, nug appa amun 40, tuqan 40 ele dayom.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 19:3

Aria, Moses nug ⌊Kayak ele aa nai mattiglahnu⌋ qaukoppa ta, ⌊nug Yawe gumitta te,⌋ Yawe Nug qaukoppanu Moses onigppa ewa, nug amegppa aum. “Nai laala na Israel danab ah amelagppa appe dooglagnu am inam. Ao, na Jakop buɗub, na ag amelagppa nai appe dooglagnu am inam.

Duteronomi 9:9

Haen amuam da qaukoppa men maha aɗit, Yawe Nug he, Nug ag ele nug tituana nai qakkak heppig, Nug nai amu men maha aɗit amuppa yom, amu da men maha aɗit amu diiatkkulnu temi. Da attan appa deɗ 40, tuqan 40 oh daami, da ee laa ii lami, le ele ii lami.

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

1 King 19:11

Elaiya nug anam a amu, Yawe Nug aum. “Na ahan dimittim gona, qaukoppa da noolppa daappe, da laihnu uɗien, na noomppa laih gokkul,” awa aum. Nug anam a, ulah okkai naɗi uɗia he, qauko amu, amu qauko amunu men ele Yawe noobppa aoɗppig, amge Yawe Nug ulah amuppa ii dayom. Ulah amu uɗia ukke, mim laa neum, amge Yawe Nug mim amuppa ii dayom.

Eksodas 24:15

Moses nug nai mattia malowa, nug Sinai qaukoppa te, lombig tatam dayom amu, lombig amu qauko tona dayom.