Eksodas 18:9 - Nobonob Baibel

⁹ Jetro nug Yawe Israel danab ah Isip eppelagppanu eɗua diiomnu nai amu oh doya, nug enanagnab doyom.

Eksodas 18:9 Referans Kwoze

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Aisaia 66:10

Ag oh ag Juda danab ah dilagnu oo mauhak dootteb ele, ag ag ele oolag gamag huana ahaɗ! Ao, ag Juda danab ah dilagnu oo doyak doon, mahitteb amu, ag ahappeg, ag ele oo gamag ahak doyeg!

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

1 Samuel 15:6

Amu Ken buɗub ag Amalek guguittak daappig amunu, Saul nug ag dooglagnu nai imu ahilagppa me ukkom. “Israel danab ag Isip uun uɗiegeg amu, ag Ken danab, ag alalkad aɗi ag Israel, ahilagnu oo mauhaknab dooppig amunu, da dahilad daup ele ig Amalek aqadtata, ig ag ele aqadmata, ag ahan, laih ukkeg!” awa aum. Saul nug nai anam me ukke, Ken buɗub ag nai amu doon, ag ahan, laih goppig.

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.