Eksodas 18:24 - Nobonob Baibel

²⁴ Aria Jetro, Moses tana, nug anam Moses amegppa a, Moses nug Jetro nai aum amu doya, nug Jetro aum amubia heum.

Eksodas 18:24 Referans Kwoze

1 Korint 12:21

Amunu ameg nug eppegnu, “Da dakka am elele. Na da ehaniɗkkutnu uɗat laa ii daatte,” ii akkunu elele iitta. Amu ikki ele nug baekuɗ dilah, “Da dakka am elele. Aa da ehaniɗkkulahnu uɗat laa ii daatte,” akkunu elele iitta. Iittanab!

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Esra 10:5

Sekania nug anam Esra amegppa aum amunu, Esra nug aha, mana mettak danab anuqak, Lewi buɗubppan mana mettak danab iitta, amu Israel danab oh ele ag ah amunu nai amu dim lamidnana, ag laihnu ah, ahilkad nid ele appeg gokkulagnu anana, ahilag nai amu Kayak onigppa ɠagattag qettana akkulagnu aum. Nug anam aum amu, danab amu ag aakku Kayak onigppa ahilag nai amu ɠagattag qettan, nai amu appig.

Esra 10:2

Esra anam he, Jehiel bekka Sekania, nug Elam buɗub laa, amu nug aha, Esra amegppa aum. “Danab ah ag ig miag taliligna daatteb, ig ahilagppan ah diimut, amuppa ig ihinig Kayak ippunikkomnu oo metta ii uuak kobol ii dim lamidta hemut. Ig anam hemut, amge dahil ooppa genab doyakppa, da ig oonig eɗueb, ig eɗut, ib tutukkuppa oignig dayeb amu, Kayaknu ehanittakppa ig Israel, ig ena bekkunu dabmak aɗa dayaknu dabmekkunignu elele.

Eksodas 18:19

Gemu da na uɗat nahip hekkutnu ulum nai laala appi, na doye! Da appi, na Kayak oɗe bia dookkut dayeb amu, na da attem bia hekkut. Na inam helom. Na Kayak noobppa danab ah dilag anuqak danab daanna, na ahilag uug amu aon, Nug amegppa akkut.

Eksodas 18:23

Am keeke oh da na hekkutnu amenppa ami amu, Kayak Nug na anam hekkutnunab oo dayeb, na amenppa ab, na da nai ami amu dim lamidkkut amu, aria geha uɗat amuppa na beɗun bahi iinab yaama. Amu na amu doyak danab laala ele, ag danab ah ele dilag eheɗ hak, amu nai ele anam elele bappaidppeg, danab ah ag oolag maɗoɗ ele daanna, ag eɗun lakka ukkadkkulag.” Jetro nug Moses amegppa anam awa aum.

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Duteronomi 1:9

Haen amuppa da ag amelagppa ami. “Da dakka, da ag mawatten gumadkkulnu elele iitta.

Sam 78:53

Kayak Nug danab ah nuhikkud elele ena omalatta atognoattom amunu, ag ii baɗappig, amge yu kekeɗ ahilkad tonattom.