Eksodas 17:7 - Nobonob Baibel

⁷ Israel ag Yawe ma anttak mettan, “Yawe ig ele daattemte?” appig amunu, Moses nug aben amu onig laa, Masa ataɗom. Aria, Israel ag Moses ele nug mehqeppig amunu, Moses nug aben amu onig laa Meriba ele ataɗom.

Eksodas 17:7 Referans Kwoze

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Sam 95:8

Nai amuam inam. “Ag mamelkad aɗi ag Meriba appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom. Ao, ag mamelkad aɗi deɗ laa Masa appa, Masa am atu taɗakppa daatte amu, ag appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom.

Namba 20:13

Kobol imu Meriba appa beum; appa amu Israel ag Yawenu naittuɗ meeg, Nug am oppiaawak daatte ag ippuanattom.

Duteronomi 9:22

Ag Tabera, Masa, Kibrot Hatawa ele, appa ele heeg, Yawe oo nauhom.

Eksodas 17:2

danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Namba 20:24

“Aa oh Meriba appa dahil haknunab nai tappaeh neum amunu Aron, nug wan da Israel madakkulnu hettem ele, nug amuppa ii noma. Nug geha ippa mauhkku.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Josua 22:31

Ag oolagppa ena, elele doona, mana mettak danab Pinias, Eleasar bekka, nug nai nob ma, Ruben, Gad amu Israel dilag huu okkai Manase mahaib dilag danab amelagppa aum. “Ag Yawe ippunikkomnu oo metta ii uuak kobol dim lamidkkulagnu ii uun, kobol nau ii heppig amunu, gemu ig doottem, Yawe Nug ig oh oonigppa aakku daatte. Amu gemu ag heeg, Yawe Nug ig Israel bu ii iqama,” awa aum.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 27:14

Na Aron ele oh, aa Sin atu taɗakppa appa dahil nai tappaeh neum. Haen danab ah ag le moɗ Meriba appa naittuɗ menan heegeg amu, aa da am Yawe oppiaawak daattem, aa da haknunab ami bia Israel ippunadkkulahnu ii hepiɗ. Amuam Sin atu taɗakppa, le moɗ Meriba, Kades guguittak, appa anam beum,” awa aum.

Duteronomi 6:16

Ag Masa appa, ag Yawe, ahilag Kayak naittuɗ mena, ma anttak medappig bia aib heppig.

Duteronomi 33:8

Aria, Moses nug amu awowa, nug Israel dilag huu okkai Lewinu imu aum. “O Yawe, Lewi ag nahipnu oo metta ii uuak kobol dim lamidnana hetteb, amu na Urim, Tumim ele ag mattame. Am na Masa appa Lewi buɗub dilagppa ma anttak mettak ahilagppa heme. Ao, Meriba leppa, appa na Lewi buɗub ele mehqak heppig.

Sam 78:18

Ag doonna, ag eenu oolag huananab heumnu Kayak oɗ mettanna, ag Kayak ma anttak medappig.

Sam 81:8

O dahilad danab ah, da ag nau aomnanu nai attem imu doyeg! Ao, Israel danab ah, ag dahil nai doolob!

Sam 106:32

Meriba appa ele, Israel danab ah ag heeg, Yawe oo nauhom, diig amunu Moses nug Yawe oɗe tappe ne, Yawe Nug bu mettom.