Eksodas 16:35 - Nobonob Baibel

³⁵ Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Eksodas 16:35 Referans Kwoze

Josua 5:12

Ag wanppanu ee aon lappig amu, deɗ amuppa maana iitta meum. Haen amu ukkak amu, maana baula Israel danab ah dilagppa iitta dayom. Ag aɗi Kanan wanppa beum amu, ag amu aon lappig.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Nehemaia 9:15

Haen ag enug aqom amu, na habppanu bret me ne lappig. Ag le baalag diie, na hee, le menppanu ne, ag aon lappig. Amu wan laa, na wan amu ag madakkutnu na eppen human, madakkutnu anana, nahip nai am ɠagattag qettan ame amu, na ag gona, wan amu aoglagnu amelagppa ame.

Namba 33:38

Yawe Nug mana mettak danab Aron, nug qauko Hor tekkununab a, teum. Nug qauko amuppa mauhom. Deɗ nug mauhom, amuam Israel ag Isipnu ahan oiyegeg, maɗ 40 uue, maɗ amuppa kalam ebqak tanig ele, kalam amunu deɗ digmakppa mauhom.

Aposel 7:36

Amu Moses nug danab amu ag Isip wanppanu gokkunu omalattatta, nug Kayak dabmettaknu kobol danab haknu elele iitta digdig heum. Nug omalatta ugakka, nug Isip wanppa, Le Kokoɗppa amu atu taɗakppa ele, appa maɗ 40 batak anamib heum.

1 Korint 10:3

Ag oh amu Kayak Nug ag bret matte lappig.

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 8:4

Am maɗ 40 amu ohppa, lamen ahilkad alag ma ii pattiɗattom, ag baelkad ele ii titiɗom.

Duteronomi 29:4

Amge anukka, gemu ele ⌊ag kobol amu ohnu diignu doyak tutukku aoglagnu oolagppa guittak ii dootteb⌋ amunu, Yawe Nug ag anidkkulagnu, o ag daulagppa dooglagnu amu, Nug heeb, ag diignu doyak tutukku aoglagnu ii heum.