Eksodas 16:28 - Nobonob Baibel

²⁸ Ag anam heeg amu, Yawe Nug Moses amegppa aum. “Ag dahil nai, dahil haknunab anak ele dim ii lamidtteb; amu haen gane laa ele ukkeb, ag kobol amu uuglag?” awa aum.

Eksodas 16:28 Referans Kwoze

Sam 78:10

⌊Ag aɗinu anam heppig?⌋ Ag Kayak ele nug tituana nai qakkak heppig ele amu, ag amu tippalppig. Ag nuhig ɗo waappa dayak uuppig ⌊amunu, Nug ag ii ehanattom⌋.

Sam 106:13

Amge ag pahanab Nug aɗi heum, ag amunu daulag atiom! Ag ulum nai mattaglagnu Nug ameg ii meppig!

Esekiel 20:13

Da amu oh hemi, amge Israel danab ah ag atu taɗakppa dahil nai tappaeg neum. Ag dahil ɗo iɗu iɗu uuna, ii dim lamidppig. Ɗo amunu amu, danab nug amu dim lamidtte ele, nug bau daakku, nug padal ii mema. Amge ag dahil nai, dahil ɗo amu ele ii dim lamidnana, ag ɗo da ag Sabat deɗppa dim lamidkkulagnu ami amu, ag amunu hamu bia doon, iinab dim lamitteg, dahil neekkakppa deɗ amu ena ii dayom. Ag amu heppig amunu, da atu taɗakppa eheɗ nau hadappi, padal mekkulagnu dabmein ami.

2 King 17:14

Propet aɗi ag anam mattieg dooppig, amge Israel ag Yawenu nai dooglagnu uun, ag Nug oɗe dim lamidmananu dabmak ahilag ɠagattag eppe, ag mamelkad aɗi dilag kobol dim lamidppig. Ag mamelkad aɗi, ag Yawe, ahilag Kayak, ag nuhignu oolagppa genab ii dooppig. Iitta.

Namba 14:11

Ag antteg amu, Yawe Nug Moses amegppa aum. “Danab ah imu ag dahilnu, ‘Keeke hamunab,’ dootteb; amu haen gane laa ele ukkeb, ag dabmak amu uuglag? Da ag oolagppa dahilnu dabmettaknu kobol danab haknu elele iitta iɗu iɗu hattami, amge ag dahilnu oolagppa genab ii dootteb. Amu haen gane laa ele ukkeb, ag dabmak amu uun, ag dahilnu oolagppa genab dooglag?

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Esekiel 20:16

Da amu mattiminu diig am, ag dahil ɗo iɗu iɗu, ag amu uuna, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Aɗinu ag nau amu oh heppig? Ag kayak hambuppuak dottolkad ahilkad, ag amu dilag oolag huan heum; uuaknu uun autnanab aoppig.

Esekiel 5:6

Amge Jerusalem danab ah ag nau henana, ag dahil ɗo iɗu iɗunu nai tappaeg neum. Wan laappan danab ah ag ele dahil ɗo iɗu iɗu tappaeg nette, amge Jerusalem danab ah ag amu huana, laa oh eɗattak hetteb. Aɗinu? Jerusalem danab ah ag dahil ɗo iɗu iɗu uun, dim ii lamittegeg uɗie, gemu ele anamib hetteb,” awa atte.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Aisaia 7:13

Anam a amu ⌊Aisaia⌋ nug aum. “King Dawit buɗub ag, ag gemu tutukku doyeg! Ag kobol ahilag amunu amu, danab ah ag ahilagnu bahilag yaatte amunu, gemu ag heppeg, dahil Kayak Nug ele ahilagnu bahi yaakkute?

Sam 78:22

Yawe Nug aɗinu ahilagnu oppoɗi beum? Ag Kayak, ag nuhignu oolagppa genab ii dooppig. Ao, Nug ag atognoadkkunu genab elele ii dooppig.

Namba 20:12

Amge Yawe Nug Moses, Aron ele amelahppa aum. “Aa Israel danab ah da am Kayak oppiaawak ele daattem Israel danab ah ippunadkkulahnu dahilnu oolahppa elele genab ii doopiɗ amunu, aa geha da wan Israel danab ah madakkulnu hettemnu ami amu, aa appa ii diiya nomaya,” awa aum.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 16:27

⌊Moses nug ee deɗ ebqak eblaih aɗitppa ii daamanu aum,⌋ amge danab ah laala ag ee aoglagnu goppig. Ag goppig, amge ag gona hamu madippig; ee amu laa ii dayom.

Eksodas 16:29

Yawe Nug anam a amu, Moses nug danab ah amelagppa aum. “Ag imu doon autna aweg! Aɗinu? Yawe Nug ag deɗ imu, am Sabat, Nug ag mattom amunu, deɗ ebqak eblaih laippuppa amu, geha Nug ag ee deɗ aɗitnu elele madatte. Aria, deɗ ebqak eblaih aɗitppa amu, danab ah oh ag daattebppaib daaglag. Danab o ah laa nug ee wanppanu awaknu dimittim ii goma,” awa aum.

2 King 17:15

Israel ag Yawenu ɗo nai, tituanak Yawe he, Nug ag mamelkad aɗi ele ag nug tituanna nai qagappig, ag nai amu, amu nau aomnanu nai nuhig ele oh, Nug ag mattom amu, ag nai amu oh uuppig. Ag gona, kayak hambuppuak, keeke hamu, bau iitta ele, ag ag dim lamadnana, Israel ag akka am keeke hamu, kayak hambuppuak, amubia beppig. Anukka Yawe Nug ag danab ah ag guguattak daatteb, ag amu dilag kobol ii dim lamidmananunab aum, amge Israel ag nai nuhig tappaeg ne, amu henana, ag kobol nau amu dim lamidppig.