Eksodas 16:15 - Nobonob Baibel

¹⁵ Haen Israel ag keeke amu anidna amu, ag amu ii dooppig amunu, ag akka akka inam nug oɗ medappig, “Keeke imuam aɗi keeke?” aon appig. Ag anam aegeg, Moses nug ag amelagppa aum. “Yawe Nug ag ee laa madakkunu aum amu; imuam ee amu, Yawe Nug ag lakkulagnu mattom,” awa aum.

Eksodas 16:15 Referans Kwoze

Eksodas 16:4

Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Jon 6:58

Bret imu amu ag mamelkad aɗi maana lappig, amge dimppa mauhppig, am amubia iitta. Bret imu am hab aabppanu neum, am aun nug bret imu latte amu, nug haen oh bau daakku,” awa aum.

Eksodas 16:31

Am Israel danab ah ag ee amunu, “maana,” aon appig. Maana am keeke hakkab, ad laa onig koriander, nuhig meu bia. Am nug lanaknu ubuhi am bisket teppu iitta, uppuh leppu ele kabolin hetteb bia anam.

Duteronomi 8:3

Nug he, ag enug daaeg, amu Nug ag maana matte lappig. Ee maana amu, ag anukka amunu ii dooppig, mamelkad aɗi ele ag amunu ii dooppig. Nug ahilagnu anam ha, amuppa Nug ag onilag qe neum. Nug amu heumnu diig am, Nug anam heeb, danab ah eeppaib bau daanna ii oitteb. Iitta. Danab ah ag Yawenu nai ohppa bau daan oitteb ippunadkkunu heum.

1 Korint 10:3

Ag oh amu Kayak Nug ag bret matte lappig.

Nehemaia 9:20

Na nahip Ouɗi, Nug Ouɗi enaib, Nug ag ulum madakkunu ag mattame. Ag ee lakkulagnu amu, na maana mattana, ag le baalag diieye, na le ele mattame.

Nehemaia 9:15

Haen ag enug aqom amu, na habppanu bret me ne lappig. Ag le baalag diie, na hee, le menppanu ne, ag aon lappig. Amu wan laa, na wan amu ag madakkutnu na eppen human, madakkutnu anana, nahip nai am ɠagattag qettan ame amu, na ag gona, wan amu aoglagnu amelagppa ame.

Josua 5:12

Ag wanppanu ee aon lappig amu, deɗ amuppa maana iitta meum. Haen amu ukkak amu, maana baula Israel danab ah dilagppa iitta dayom. Ag aɗi Kanan wanppa beum amu, ag amu aon lappig.

Jon 6:49

Ag mamelkad aɗi atu taɗakppa ee onig maana lappig ele amu, ag mauhppig.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

Eksodas 16:33

Moses nug anam Israel danab ah amelagppa awowa, nug Aron amegppa aum. “Na waa hanak laa aon, maana inam, kilogram aɗit waa amuppa inana, na Yawe noobppa meppe dayebeb, geha buɗub buɗub doobob, ag alalkad, buɗulkad aɗi amu dimppa bekkulag ag anidkkulag,” awa aum.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.

Luk 12:30

Amu wan imuppanu iitta aɗi ag keeke amu ohnu hik aqadtte, amge ag dahilad amu, ag Mamelag Nug ag keeke amu oh aoglagnu dootte.

Sam 78:24

Nug ee onig maana ag lakkulagnu, Nug he, ee amu neum. Ao, Nug ag lakkulagnu habppanu ee ag mattom.

Sam 105:40

Ag teppunu oɗ meeg, Nug ai onig kwel kuɗumnab maatte uɗippig. Nug habnu maana habppanu me ne, ag laeg, oolag aɗom.