Eksodas 15:5 - Nobonob Baibel

⁵ Le naɗi ag tonatta malom. Ao, ag am men bia nona, unuqagnab nona, diig batakppanab noppig.

Eksodas 15:5 Referans Kwoze

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Eksodas 15:10

Ag anam appig, amge Yawe, na haen laippuib ouɗi iwale, yu nug Isip tonom. Ao, ag am yu naɗi ooppa unuqagnab men bia noppig.

Eksodas 14:28

Yawe Nug anam he, yu eɗua pana na, Paronu ban daup ag bannu karis attan daan, ban heppig, daup ag hos attan daan, ban heppig ele, daup oh ag Israel dim lamadna yu gamagppa nona ukkaegeg tonattom. Laippu laa ii dayom; oh mauhppig!

Esekiel 27:34

Anam, amge nauhak haen nahip-ppa amu, na uub laa nauha, yu gamagppa noa ukka batakppanab noa daye, uubppan keeke oh, danab ah ele aakku oh padal metteb, nahip-ppa anam beum.

Revelesen 18:21

Nai amu oh male amu, engel ebehi ele laa, nug men laa, okkai nuhig am ee aeg ganuaɗaknu men okkai bia, nug amu huma, yuppa buɗie noowo aum. “Babilon onig, ɠagattag ele, Kayak Nug heeb, aab amuam men yuppa pahanab noum bia na qekku; baula ii daama.

Matyu 18:6

Danab laa nug nid nakok laa, nug dahilnu ooppa genab dootte ele, nug nuhig ooppa genab doyak heeb nauhkku dayeb amu, amuam naunab. Danab amunu amu, nug ii heum haenppa danab ag nug baagppa ee aeg ganuɗaknu men okkai qakkan, maoppeg yuppa noa mauhlo, amuam nakok nau, amge nug dayaya, nid nakok laanu ooppa genab doyak heeb nauhkku, amuam naunab nau.

Maika 7:19

Na am Kayak anam amunu, na baula ihinignu oot bodoetta, le mekku. Na ihinig hipunin tabappe nekkulag. Ao, na eheɗ hak ihinkad buɗiadppe, yu gamag unuqagnab ele, appa nokkulag.

Jona 2:2

“O Yawe, da uug nauppa dayeye, na oninppa ei, na da baal doome. Ge! Da moɗppa niimi bia dayeye, aben amuppanu da na oninppa ei, na dahil unuqittak doome.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Sam 106:11

Israel ag le amu mataɗna malaeg, aakku le eɗua abenppa doa, ahilkad kekeɗ tonattom; laippu laa bau ii dayom.

Prowerb 8:24

Nug yu ii heum haenppa, Nug ah nid menutte bia da heiɗe bemi. Ao, Nug le qeppuɗin betteb ii hattom haenppa, da heiɗom.