Eksodas 15:26 - Nobonob Baibel

²⁶ Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Eksodas 15:26 Referans Kwoze

Sam 103:3

Nug dahil hipunin oh uhuqa meɗa, dahil oɗe ele qe iitta mette.

Duteronomi 7:15

Geha Yawe Nug ag oɗe digdig aomnanu atognoadkku. Nug geha ag uuatteb, ag Isip uppa oɗe naunab anidppig bia ii aomna. Nug geha heeb, oɗe amuam laa, ag ahilagnu nau ninig ele dootteb amu, ag anidkkulag.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Sam 147:3

Nug danab ah ag oo doyak okkai, naɗi dootteb ele ehanatte, ag eɗun, ena daatteb. Ao, Nug danab layag baegppa ihi keeke ele itatte bia, Nug ag atognoadtte.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.

Hosea 6:1

⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.

Lewitikas 26:13

Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.

Job 5:18

Aɗinu? Kayak Nug danab bu mette, ihiud medatte, amge dimppa Nug ihiud amu itatte. Ge, Kayak Nug danab bu mette, ihiud medatte, amge Nug he, ihiud qaɗaiedatteb.

Duteronomi 28:60

Nug heeb, oɗe nau ag Isip appa daaegeg, Isip aqaeg anidna baɗappig ele amu, oɗe amu ahilagppa beebeb, ag eɗun, ena ii daamna.

Duteronomi 12:28

Amu ahilagppa, ahilkad nid dilagppa ele ena, elele ba daakkunu amu, ag haknunab anak amu tutukku dabmettan dim lamitteg! Ag anam hekkulag dayeb amu, keeke oh ahilagppa ena gokku. Am ena gokkunu diig am, ag Yawe, ahilag Kayak, ag Nug nuhig neekkakppa aɗi am ena, aɗi am tutukku amu, ag amubianab hekkulag.

1 King 11:33

Da geha kobol imu Solomon, ⌊nuhikkudppan⌋ ele dilagppa hekkul. Aɗinu? Ag da uuiɗna dimeɗan, Saidon dilag kayak ah Astoret, Moap dilag kayak Kemos, amu Amon dilag kayak Molek ele noolagppa dup nona binalag meegeg uɗie, gemu ele hetteb. Am ib ena ag oiglagnu da tituanen mattami amu, ag uuna, am ɗo nai dahil oh ag ii dim lamidnana, ag kobol oh dahil neekkakppa ena daatte ele amu, ag ii heegeg uɗie, gemu ele ii hetteb. Ag Solomon mameg Dawit keeke amu oh dim lamittom bia ii heegeg uɗie, gemu ele ii hetteb.

Aisaia 57:18

Da dahilad danab ah ag attem hena oitteb amu, da antten malami, amge da heppi, ag eɗun, enaib daan oiglag. Da ahilag ulum aɗen, da oo mak ag madakkul.

Duteronomi 13:18

Ag Yawe, ahilag Kayak, ag Nug oɗe doon, ag nuhig haknunab anak da gemu attem am dim lamidnana, ag Nug oo hette, ag kobol tutukku amu dim lamidkkulag dayeb amu, diig amunu Yawe Nug ahilagnu oo gai-iitta doya oo metta ehanatta heeb, ag danab ah kuɗum daaglag.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Duteronomi 28:27

Yawe Nug geha Isip dilagppa mamattin he aqom bia ahilagppa heeb bekku. Nug heeb, ag beɗulagppa mamattin beppeg, beɗulagppa ihuanhuan, yu qak ele kuɗum ele daappeg, nahig huana aqakku. Ag heppeg, oɗe digdig amu iitta ii memana.

Esekiel 18:5

Am inam. Danab laa nug genab tutukku hak danab daattetai. Nug nai doya mala hettoɗia epeɗia elele mettak kobol dim lamittatta, kobol genab tutukku ele hette.

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

2 King 22:2

Josaia nug Yawenu neekkakppa kobol genab tutukku ele dim lamittom; nug alag Dawit kobol oh heum bia, nug heum. Nug ib ena dim lamittom. Nug ib eheɗppa ii ukkom.

Lewitikas 26:3

Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

1 King 11:38

Am na geha dahil haknunab nai oh dim lamidna, ib ena da tituanmi, amuppa na oinna, na ɗo nai oh, haknunab nai dahil ele dim lamidnana, amuppa na kobol oh dahil neekkakppa am ena ele heppe, dahil maɗi nid Dawit heum amubia, am da na ele daaɗa, da na ehanidkkul. Da heppi, na Israel dilag king daakkut. Am haen oh geha, da heppi, na buɗunad oolagppanu laala ag ahilag haen anen anenppa ag geha king daaglag. Da Dawitnu hemi amubia heinne, Israel medappi gumadkkut.

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Duteronomi 12:25

Am keeke oh ahilagnu, ahilkad nid naunau dilagnu ele, ena gokkunu amu, ag aib tiig lappig. Ag amu hekkulag dayeb amu, keeke oh ahilagppa ena gokkunu diig am, ag Yawe, Nug nuhig neekkakppa aɗi am tutukku, ag amubianab hekkulag.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

2 King 2:21

Aria, Elisa nug le qeppuɗia bak amuppa ukka, nug yu kalu buɗie, leppa noono, nug aum. “Yawe Nug inam atte. ‘Da, Yawe, da hei, le imu ena beum daatte. Am gemu digma ukka, le nug baula heeb, danab ag ii mauhmana, wan ele am meu okku,’ awa atte,” awa aum.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Jeremaia 11:7

Aɗinu? Haen da ag, Israel, ag mamelkad aɗi Isipnu omalatti uɗippig, haen amuppa da digmein, nau aomnanu dabmettak nai haen kuɗum ag amelagppa matti uɗie, gemu batak. Da nau aomnanu dabmettak nai mattieye, da, “Ag da oɗel dim lamitteg!” ami.

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,

Jeremaia 30:17

O Jakop buɗub, laa ag ahilagnu nau, danab ah hamu bia dootteb. Ao, ag danab ah Sion daatteb, laa ag ahilagnu oo doyak ii dootteb. Amunu da heppi, danab beɗuppa oɗe nau ele, nug eɗua ena daatte, amubia ag eɗun ena daaglag. Ge, da heppi, ag danab ihi nau ele eɗua ena daatte, ag amubia ena daaglag.” Yawe Nug anam awa atte.

Namba 12:13

Aron nug anam Moses amegppa aum amunu, Moses nug Yawe unuqitta aum. “O Kayak, na nug ehanidppe, nug eɗua ena daakkunu oɗ medattem!” awa unuqittom.

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Sam 81:9

Ag kayak hambuppuak ahilagppa iinab daakkuoitte. Ao, ag kayak hambuppuak laanu iinab dup nokkulagoitte.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Hosea 11:3

Da dakka da danab nug bekka baegppa oikkunu ippunidtte, da amubia ag Israel ippuanatten ehanadmi. Da danab bekka eppeg aɗa omala gotte, amubia da ag eppelag aɗualatte omaladmi. Da ag atognoatten autenab aomi, amge ag da uɗat hemi amu, ag amu diignu doyak tutukku iitta ele. Iitta.