Eksodas 15:15 - Nobonob Baibel

¹⁵ Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

Eksodas 15:15 Referans Kwoze

Josua 5:1

Amo dilag king oh ag Jodan lenu qaban uɗitteppanu daappig, amu Kanan danab ah dilag king Mediterenia yu daugppanu ele, haen ag Yawe Nug he, Jodan le qaɗaiette, Israel danab ah ag mataɗeg dooppig amu, ag baɗak okkai doon, ag Israel danab ele ban hekkulagnu oo ɠagattag qak ii dooppig.

Josua 2:11

Haen ig ag king aɗit, ahilti danab ah ele dilagppa heppig doomut amu, ag Israel, ahilagnu amu, ig baɗak okkai doota, ooppa ɠagattag doyak ihinig iitta meum. Aɗinu? Yawe, ahilag Kayak, Nug hab aabppa Kayak daatte, ippa wanppa ele Kayak daatte.

Duteronomi 2:4

Amge na danab ah haknunab nai imu appe doyeg! ‘Ag geha ag Edom dilag wan oppatna gokkulag. Esau buɗub, ag Edom, onig laa Seir, appa daatteb. Edom ag, ag Israel ele, ag nakok tiig laippu daatteb. Ag gobeppeg amu, Edom ag geha ahilagnu baɗaglag, amge ag dabmeig!

Genesis 36:40

Esau buɗub ag aab ikki anen anen mamelkad daappig amu, ag onilkad am Timna, Alwa, Jetet, Oholibama, Ela, Pinon, Kenas, Teman, Mipsar, Makdiel, Iram ele. Amu aab ikki anen anen ag wan atu adeppa daappig amu, aab ikki amu onig am wan amuppa ele ataɗak dayom.

Habakuk 3:7

Da neekki ukke, Kusan danab ag uug nau doon daappig anidmi. Ao, Midian danab ag guittak okkainab ele daaegeg anadmi.

Nahum 2:10

Kekeɗ ag Niniwenu keeke oh aakku ban hena aoglag. Ag aon gokkulag. Ag anam hebeppeg, Niniwe danab ah ag beɗulag gai-iitta mekku. Oolagppa am ag ɠagattag laa ii doomna. Ag hahaɗppeppeg, ag iɗulag am hakkab ebakku.

Esekiel 21:7

Na anam mahin gaappe, Israel laa ag ‘Aɗinu na anam hettem?’ oɗ medappeg, na inam appe doyeg! ‘Kayak Nug kobol laa uug naunab ele bekkun daatte am da amelppa aum amunu, da inam hettem. Kobol laa beeb, danab ohnab ag dabmak ɠagattag iitta ele daappeg, ag eppelkad ele gai-iitta mekkulag. Ag oolagppa ɠagattag dayaknu dabmak laa iinab dayeb, ag gatelkad am eɗun, le bia daaglag. Kobol amuam genabnab genab bekku.’ ” Naɗi Yawe Nug anam atte.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 13:7

Yawe Nug geha anam hekku amunu, danab ah oh geha ebehilag gokkaɗa nekku. Ao, ag oh ag oolagppa ɠagattag iinab daamna.

Sam 68:2

O Kayak, ulah kahug iwale gotte bia, na ag lamadppe gokkulagnu ool daatte. Yo, nau hak danab ag uppuh biig aab gakkaɗakppa gakkaɗa, le mette bia, Kayak Nug heeb, ag nauhkkulagnu ool daatte.

2 Samuel 17:10

Nai amubia aheb amu, nahipad daup oh baɗaglag. Ge, nahip daup laa nug laion, doɗ laa oh ii baɗadtte bia daatte, daup amu nug hanhan keeke laanu ii baɗatte, ooppa ɠagattag doyakib dootte, amge nug nai amu doya, nug ele eheɗnab baɗakku. Aɗinu? Israel oh ag na mamennu, nug ban danabnab daatte doon, nuhig daup ag ban hekkulagnu ag oolag ɠagattag doyak okkai daatte ele dootteb.

1 Samuel 14:16

ag oolegeg, Saulnu daup ag kekeɗ maadkkulagnu, Benyamin wanppa aab onig Gibea, aab amu guguittak daappig, ag Pilistia dilag daup oolegeg anadna,

Josua 14:8

Da wan amunu anam aakku mattimi, amge da lailad, da ele oh gomut ele amu, ag ahilag naippa heeg, danab ah ag eheɗ baɗappig. Amge dahilnu amu, da Yawe, dahil Kayak, da meul ohppa Nug oɗe dim lamidmi.

Josua 2:24

Aa ele apiɗ, “Yawe Nug genabnab wan imu oh ig mekkom amunu, danab ah wan amuppa daatteb, ag oh ihinignu baɗak okkai dootteb,” aoya apiɗ.

Duteronomi 20:8

Ban daup ikki ag anam awona, ag tuɗidna, inam ele akkulag. “Aun laa na baɗak, o na ban haknu elele ii doottem? Na anam bia doottem dayeb amu, na laa amu ippunidppe, nug ele anam doya, nug baɗa, ban ii hemanu na aabppa ukke!” Ag amu ele akkulag.

Genesis 36:15

Esau alakkud ag aab ikki anen anen mamelkad daappig ele amu, ag onilkad am inam. Esau bekka naanaeg Elipas, nug bekkod, ag aab ikki anen anen mamelkad daappig ele, ag onilag am Teman, Omar, Sepo, Kenas,

Sam 48:5

Amge ag gukkuidna gona amu, Kayak Nug aab okkai amu dabmetta, atognowo anidna, ag dabmak huanak aon, ag eheɗ nau baɗan, oolna goppig.

Jeremaia 49:23

Damaskus danab ah dilagnu amu, Yawe Nug inam atte. “Danab ah Hamat, Arpat ele daatteb, ag oo uug nau qak dooglag. Aɗinu? Ag nai uug ele aakku dooglag. Ag nai amu doon, ag dabmak kuɗum aon, gai-iitta daaglag. Ag oolag maɗoɗ ele ii daama. Iitta. Ag oolag am yu nug hanhan noa gotte, eɗua bette, ag oolagppa anambia dooglag.

Genesis 36:16

Kora, Gatam, Amalek ele. Danab amu ag Edom wanppa Elipas buɗub aab ikki mamelkad daappig. Ag am Adah alakkud.

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.