Eksodas 14:25 - Nobonob Baibel

²⁵ Yawe Nug he, bannu karis baelag nauhom amunu, bannu karis ag huan gokkulagnu elele iitta daye, aakku Isip ag appig. “Doyeg! Yawe Nug Israel ehanatta, ig iqakkunu hette amunu, ig pahanab oolta gotu! Ig ag paha uuadkkunig,” aon appig.

Eksodas 14:25 Referans Kwoze

Eksodas 14:14

Doyeg! Kobol amu bekkunu amu, ag keeke laa ii hemana. Iitta! Ag toettan daappeg, Yawe Nug ag ehanatta, ban hekku.” Moses nug anam aum.

Jeremaia 51:21

Da na aɗaetten heppi, danab waa o aoɗtte, amubia hos, daup ag gomelagppa daatteb ele nauhkkulag. Da na aɗaetten heppi, danab waa o aoɗtte, amubia bannu karis, daup bannu karisppa oitteb ele nauhkkulag.

Job 20:24

Kekeɗ laa lat doɗo aeg aenppa hak eeb, qe-eɗidkku dayeb, kekeɗ laa nug lat doɗo aeg brasppa hak ewa, qeeb mauhkku.

Duteronomi 3:22

Ag aib danab appa daatteb dilagnu baɗappig! Aɗinu? Yawe, ahilag Kayak, Nug ag Israel, Nug ag ehanatta, ban hekku,” awe ami.

Amos 9:1

Da, Amos, da Naɗi Nug qaɗab guguittak dayeye anitti, Nug da amelppa aum. “Na lagnu biidod menppa hak ikki huanaknab oppe, lag mawaknu ukku uɗalebeb, lag oh na qaɗ! Heppe, lag na qa, danab ah tonalatta, laa aqatteb mauhppeg, laa ii mauhkkulag ele amu, da heppi, kekeɗ ag qep elabppa aqappeg mauhkkulag. Laippu laa oola ii goma; oh mauhkkulag.

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Sam 76:6

O Jakopnu Kayak, haen na haknunab ae amu, kekeɗ ihinkad dilag hos ag mauhatteg, ahilkad bannu karis ulum aɗak danab, ag ele mauhppig.

Sam 68:12

⌊Anam aakku bekkunu ame amunu, anam aakku beum.⌋ Kekeɗ dilag king, amu ahilkad ban daup ele ag oolna gonana, keeke uuadna goppig ele, Israel ban danab ag diin panippig.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Job 27:22

Ulah amuam danab dilagnu oo gai-iitta doya oo metta ehanittak kobol ii dootte amunu, ulah amu huanaknab na he, nau hak danab nug oolkkunu haaha, elele iitta daatte.

Job 11:20

Na anam hekkut, amge laa ag nau hetteb ele, ag amelag nauhppeg, gatatu ooppa daaglag. Ag kekeɗ eppelagppa daan, oola ukkaknu ib laa iinab anidmana. Ag eɗun, ena bena daaglagnu dabmak aɗan oiglagnu hebeppeg ukkeb, anam ii bema anidkkulag amunu, ag anamib bena daaglagnu dabmak aon aɗan daanna, ag mauhkkulag.” Sopar nug Job amegppa anam aum.

Amos 1:14

Amon danab ag anam heppig amunu, da heppi, Amon dilag aab okkai Raba aab eweb; Rabanu aab aɗ ɠagattagnab ele, aab amu ele ewatteb, iitta mekkulag. Kobol amu bekku amu, deɗ amuam bannu deɗ, danab ag ban henana, ban haknu ewak huana hebeppeg, uug mettak deɗ amuppa ulah huanaknab ele uɗikku.

Ikki Danab 4:15

Barak nug Sisera, nuhikkud daup ele banelag te amu, Yawe Nug he, Sisera, nuhikkud bannu karis lamittak danab, ban danab laa ele oh ag Barak aɗi qep elabppa ban ɠagattagnab heeg anadna, ag eheɗ baɗappig. Anam daye, Sisera nug bannu karis nuhig attannu oola, honap na, baegppaib oola ukkom.

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Eksodas 14:18

Haen da geha Paro, aria nuhikkud daup ele ag bannu karis attan daan, ban hetteb, nuhikkud daup ag hos attan daan, ban hetteb ele eɗatten, amuppa da binag amahlak oppiaawak ele aokkul amu, Isip danab ag da dakka am Yawe dooglag,” awa aum.

Duteronomi 32:31

Nai amu genab daattenu diig am, ig Israel, ihinig Kayak, Nug hanhan ɠagattag daatte. Anam amge, ihinkad kekeɗ dilag kayak, ag am ɠagattag iitta. Ahilag kayak am ihinig Kayak bia iitta. Anam amu, ihinkad kekeɗ ag amu doon maditteb.

Nehemaia 6:16

Ihinig Kayak ehanikke, ig aɗnu uɗat heut, gogppa teum. Kayak he, gogppa teum amunu, ihinkad kekeɗ, ag wanppan wan laala Juda wan talilidna daatteb, appan danab ah amu, ag amu doon, ag baɗan, akka ahilagnu elele iitta dooppig.

Eksodas 15:3

Yawe Nug am ban daup ɠagattagnab; Nug onig am Yawe.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Josua 10:14

Genab, deɗ amuppa Yawe Nug Israel dilagnu, ag ban eɗadkkunu ehanatta, kobolnab heum amunu, deɗ anam bia laa, haen laal ii beum. Deɗ amuppa Yawe Nug Josua, Nug oɗ mettom amu, Nug amu heum, amge Nug kobol heum, anam bianab, laa dilagppa ii heum.

2 Stori 20:29

Wanppan wan laa ohppan danab ag Yawe anam aakku Juda ehanatte, ahilkad kekeɗ nauheg dooppig amunu, Kayak Nug ahilagnu ele anam hemanu ag baɗappig.

Nehemaia 4:14

Da amu hein maloya, da keeke oh antte, itale malen, da anuqak danab, Juda dilag ehanittak anuqak danab, amu danab ah laa oh ele amelagppa ami. “Ag kekeɗ dilagnu aib baɗappig. Naɗi, Nug ɠagattag okkai ele, danab Nug antta, ebehi oh bodoetta le mette elenu Kayak, Nug daatte amunu, ag Nug dabmenana, ag, ag awalkad amalkad, ag bekkalkad aɗelkad, ag waalkad, ag laulkad ele ena daaglagnu ban heig!” awe ami.

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Sam 35:1

O Yawe, na laa ag da ele mehqak hettem ele amu, na ag ele nug mehqak hekkulagnu oɗ medattem. Yo, na laa ag da ele ban hettem amu, na ag ele ban hekkulagnu unuqidttem.

Aisaia 31:4

⌊Amuam genab bekku.⌋ Aɗinu? Yawe Nug da amelppa inam aum. “Laion nug doɗ laa qe mauhe, nug liɗimama guma daatte. Ao, laion bau nug doɗ laa qe mauhe, nug liɗimama guma daatte. Anam amu, sipsip gumak danab ameg okkai ag qagmena lamidkkulagnu muttub okkai qettebtai, amge laion amu nug amunu ii dabmette. Ag huanaknab enana, muttub naɗi qettebtai, amge laion nug ii baɗatte. Ao, ag oqotti digdig heegeg, oqotti ottetai, amge laion amu nug uug laa ii dootte. Laion nug anambia hette amu, ⌊amubia da kekeɗ dahilad ii baɗadpa; ahilag hak ele ii dabmepa⌋,” awa aum. Yawe Nukka Ɠagattag Oh Ele, Nug na, Sion qaukoppa dayebeb, nuhikkud kekeɗ ele ban hekkulagnu daakku.