Eksodas 14:24 - Nobonob Baibel

²⁴ Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Eksodas 14:24 Referans Kwoze

Eksodas 13:21

Ag ukkaegeg, Yawe Nug amunppa lombig attan tak ooppa dayaya, ib ippunadkkunu anuqa ugakka, tuqan amu, Nug aab ewak attan tak ooppa dayaya, amahlak madakkunu anuqa ugekke goppig. Nug anam heum amunu, ag amun, tuqan ele gokkulagnu elele.

Eksodas 14:25

Yawe Nug he, bannu karis baelag nauhom amunu, bannu karis ag huan gokkulagnu elele iitta daye, aakku Isip ag appig. “Doyeg! Yawe Nug Israel ehanatta, ig iqakkunu hette amunu, ig pahanab oolta gotu! Ig ag paha uuadkkunig,” aon appig.

Sam 48:5

Amge ag gukkuidna gona amu, Kayak Nug aab okkai amu dabmetta, atognowo anidna, ag dabmak huanak aon, ag eheɗ nau baɗan, oolna goppig.

Job 40:12

Genab, na dada danab ohnab neekkadna anadna heppe, ag danab nukka onig qe ne oitte bia dayeg! Ao, na nau hak danab oh ag daattebppa oɗoɗadppe, ag nauheg!

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Job 34:20

Ag oh tuqan tugmag, haen amuppa ag paha mauhtteb. Danab ag dabmak maɗoɗ iitta daan, mauhtteb. Danab ɠagattagnab ag mauhtteb, amge danab heeg ii mauhtteb. ⌊Iitta. Kayak he, ag mauhtteb.⌋

Sam 104:32

Yawe Nug wan neekkitte, wan uɗaltte. Yo, Nug eppeg bahia, qauko lauɗatte, appanu kahug attan tette.

Job 22:13

Kayak Nug anam dayaya, keeke oh anidtte, amge na attem. ‘Kayak Nug keeke laa antta doottete? Ge, Nug gatatu teppu ele attan daatte amunu, Nug neekka, aɗi kobol wan imuppa hetteb ele antta, epeɗiadttete? Iitta.

1 Samuel 11:11

Aria, wagɗe buttuanab, amahlak laa digma ii beum, haen amuppa Saul nug he, nug daup ag ameg ewam daaegeg, wagkkaɗeɗe ag ahan, Amon daappigppa gona, Amon ele ban hekkulagnu wappig. Ag ban hena, Amon eheɗ aqaeg ukke, belo meum. Aria, belo me, Amon laippu laippu daappig amu ag oolna matatun gona, anen anen oolppig.

Sam 78:14

Nug amunppa lombigppa ag noolag awa ukkom. Ao, tuqan haenppa Nug aab ewewe, amahlak amuppa ag noolag awa ukkom.

Amos 9:4

Israel danab dilag kekeɗ ag eɗadna lamadppeg, ag diia ukka laih me dayak danab ah wan laappa gona daaglagtai, amge appa da haknunab appi, kekeɗ ag qep elabppa aqappeg mauhkkulag. Da ag neekkatten dayeye, da ag eheɗ hadakkul. Da ena ii hadapa.” Yawe Nug anam awa atte.