Eksodas 14:23 - Nobonob Baibel

²³ Amu Israel ag yu mataɗna waeg, Isip dilag ban daup ag Israel dim lamadna nona gona, ag ele yu mataɗna gona gamagppa goppig; daup ag bannu karis attan ban heppig, amu daup ag hos attan daan, ban heppig ele, ag oh goppig.

Eksodas 14:23 Referans Kwoze

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Eksodas 15:19

Yawe Nug he, Le Kokoɗ gamagppa ib laa qaɗaiettak daye, Israel ag gona, laih teppig, amge Paronu daup ag bannu karis attan daan, ban heppig, daup ag hos attan daan, ban heppig ele, ag Israel dim lamadppig amu, ag ukkaegeg, yu eɗua doa, ag oh tonattom amunu,

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

1 King 22:20

Ag anam daaegeg amu, Yawe Nug engel oɗ matta inam aum. ‘Aun nug geha Ahap oo eeɗeb, geha nug aab Ramot, Gileat wanppanu, banelag ukka, banppa mauhkku?’ awa oɗ matta aum. Nug anam a amu, engel laala anen anen ahilag dabmak Yawe amegppa madippig. Laa nug ana male, laa nug laa aum.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.