Eksodas 14:22 - Nobonob Baibel

²² Aria, gamagppa wan qaɗaiettak ena dayeye, Israel ag ena gona, yu amu mataɗna, laih teppig; yu nug oppata, laih laih ɠagattag gilil bia dayeye, ag gamagppa goppig.

Eksodas 14:22 Referans Kwoze

Hibru 11:29

Israel danab ag Kayaknu oolagppa genab dooppig amunu, ag wan qaɗaiettakppa oittem, amubia ag le kokoɗ mataɗna laih wappig. Amge Isip ag anam hekkulagnu heegeg, le tonatte ag oh mauhppig.

Sam 66:6

Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Sam 78:13

Nug ag noolagppanab he, yu obate, laih laih dayeye, amuppa omalattom! Ao, Nug he, le gilil bia heqolag laih laih hippaidya daapiɗ!

Eksodas 15:19

Yawe Nug he, Le Kokoɗ gamagppa ib laa qaɗaiettak daye, Israel ag gona, laih teppig, amge Paronu daup ag bannu karis attan daan, ban heppig, daup ag hos attan daan, ban heppig ele, ag Israel dim lamadppig amu, ag ukkaegeg, yu eɗua doa, ag oh tonattom amunu,

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

1 Korint 10:1

O lailad, ig alankad ag keeke anidppig ele amu, da ag amunu dabmenana oiglagnu ool daatte. Ig alankad aɗi ag lombig waappa oinna, ag baelagppa Le Kokoɗ mataɗppig.

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Eksodas 15:8

Na hee, ulah ɠagattag iwale, le nug qagma ta, anam ɠagattag dayom. Ao, genab, ulah nahip le duttuna he, oppate, ib le gamagppa dayom. Ge, ulah nahip he, le nug laih laih gilil bia ɠagattag eppa dayom.

Namba 33:8

Ag haen tutu dayaknu aab Pihahirot guguittak appa kalan daappig amu uun ahan, ag Le Kokoɗ appa goppig. Yawe Nug ahilag ib babaitte, ag nona, yu mataɗna gona, atu taɗakppa goppig. Ag gona, atu taɗak onig Etam, appa ag deɗ ewam anam oin oin, ag haen tutu dayaknu aab Mara appa kalan daappig.

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Josua 3:17

Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

Josua 4:22

ag ag amelagppa inam aig! ‘Ig Israel danab ah Jodan le mataɗmut, amge le iitta, wan qaɗaiettakppa mataɗmut.’

1 Samuel 25:16

Amun tuqan ele haen ig ag gukkuadta oita, sipsip gumadtat oitut, danab amu ag am ihinig aɗ ɠagattag ig taliligna daappig.

2 King 2:8

Elaiya, Elisa ele aa anam le daugppa daayya, Elaiya nug nuhig ulahnu lamen elab uɗa awa itoɗia, amuppa le makkuɗe, le oppata, laih laih nanehppa, naɗiap-ppa ele ukkaeh, wan qaɗaiette, aa noya goya mataɗpiɗ.

Sam 74:15

Naib hee, le qeppuɗia bakppanu, lenagppanu ele, le bena goppig. Ao, ⌊amge keeke laa ele⌋ naib na hee, le hanhan gonanaib daatteb, ii qaɗaiedatteb ele amu, na hee, aakku qaɗaiedappig.

Sam 136:14

⌊Ig Yawe,⌋ Nug he, Le Kokoɗ obate, Nug aakku Israel danab ah omalatte, yuppa qagaiettak laa iitta, enaib mataɗna goppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Aisaia 43:16

Amu Yawe Nug anukka Israel ag yu mataɗkkulagnu Nug he, le naɗi gamagppa ib dayom. Ao, Yawe Nug Israel ag yu mataɗkkulagnu Nug he, le koɗkoɗ qak ele gamagppa ib aakku dayom.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

2 King 2:14

Elisa nug Elaianu lamen amuppa Elaiya heum bia le makkuɗom. Haen nug le makkuɗaɗa, nug inam aum. “Yawe, Elaianu Kayak, Nug adeppa daatte?” awa aum. Awa a, le oppata, laih laih nanehppa, naɗiap-ppa ele ukka, ɠagattag dayeye, Elisa nug noa ukka, le daug laih teum.

Sam 106:9

Nug he, ib man qaɗaiettak Le Kokoɗppa beum. Nug he, yu unuqagppa wan qaɗaiettak, atu taɗakppa qaɗaiettak daatte bia dayom; amu amuppa Israel danab ah omalattom.

Sam 136:13

⌊Ig Yawe,⌋ Nug he, Le Kokoɗ obatom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Aisaia 11:15

⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Aisaia 11:16

Yawe Nug anam heeb, nuhikkud danab ah oɗo yaak Asiria daatteb amu, ag ahilagppa ib ena beeb, ag eɗun ahilag wanppa uɗiglagnu ib uug iitta ena daakku. Haen matu anukkanab, Yawe Nug nuhikkud danab ah Isip uuglagnu ib ahilag heum, kobol anambia, amuppa geha Nug ib madakku.

Aisaia 51:10

Na hee ⌊ib daakkunu⌋, yu okkai, umanab noa ukkak ele, yu ⌊aben amuppa⌋ iite qaɗaiettom. Na amu hena, na danab ah nahipad ag qagaiettakppanu eɗua uhuqak hena mattame ele, na ag laih gokkulagnu na ib laa, yu amu gamagppa iite bappaidme?