Eksodas 14:21 - Nobonob Baibel

²¹ Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 14:21 Referans Kwoze

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Eksodas 15:8

Na hee, ulah ɠagattag iwale, le nug qagma ta, anam ɠagattag dayom. Ao, genab, ulah nahip le duttuna he, oppate, ib le gamagppa dayom. Ge, ulah nahip he, le nug laih laih gilil bia ɠagattag eppa dayom.

Sam 66:6

Kayak he, ib qaɗaiettak laa le naɗi gamagppa ba dayeye, ig alankad ag baelagppa le amu laih laih gilil bia dayeye, ag le mataɗna, laih wappig. Kayak Nug anam heum amunu, ig nuhignu oonig gamag okkai aheb, binag humatu!

Aisaia 51:10

Na hee ⌊ib daakkunu⌋, yu okkai, umanab noa ukkak ele, yu ⌊aben amuppa⌋ iite qaɗaiettom. Na amu hena, na danab ah nahipad ag qagaiettakppanu eɗua uhuqak hena mattame ele, na ag laih gokkulagnu na ib laa, yu amu gamagppa iite bappaidme?

Sam 78:13

Nug ag noolagppanab he, yu obate, laih laih dayeye, amuppa omalattom! Ao, Nug he, le gilil bia heqolag laih laih hippaidya daapiɗ!

Sam 74:13

Na nahip ɠagattagppa he, yu laih laih dayom. Na nahip ɠagattagppa na yuppan doɗ okkai nau ele ikkilkad oɗoɗatte aoɗppig.

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Josua 4:23

Aɗinu? Yawe, ihinig Kayak, Nug he, Jodan le qaɗaietta, anamib dayeye, ig mataɗta, laih wamut. Yawe, ihinig Kayak, Nug anukka Le Kokoɗppa he, le qaɗaietta, anamib dayeye, ig mataɗta, laih wamut, amubia Nug Jodan leppa heum.

Sam 136:13

⌊Ig Yawe,⌋ Nug he, Le Kokoɗ obatom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Eksodas 14:16

Israel ag geha nona, ena gona, wan qaɗaiettakppa laih tekkulagnu amu, na dudqak hokkat nahip human, yu epponppe, geha yu nug oppata, aɗit laih laih ukka, ɠagattag gilil bia daakku.

Aisaia 51:15

Da am Yawe, da am ahilag Kayak. Da hei, yu eheɗnab koɗkoɗ qette,” awa atte. ⌊Laa anam maditte amu,⌋ Nug onig am Yawe Nukka Ɠagattag Oh Ele.

Job 26:12

Kayak Nug nuhig ɠagattag okkainab eleppa he, yu manin niiom. Ao, Nug nuhig doyak dabmak ena okkai eleppa yuppan doɗ naɗinab Rahap, Nug doɗ amu eɗitta okkule, beɗu huppu naunau neum.

Aposel 7:36

Amu Moses nug danab amu ag Isip wanppanu gokkunu omalattatta, nug Kayak dabmettaknu kobol danab haknu elele iitta digdig heum. Nug omalatta ugakka, nug Isip wanppa, Le Kokoɗppa amu atu taɗakppa ele, appa maɗ 40 batak anamib heum.

Genesis 8:1

Le hiɗ naɗi anam ba daye ukke, Kayak Nug Noa, nug baekkudppa ele, doɗ dakkuɗ, doɗ aabppanu ele, ag Noa ele uubppa daappig amu, Nug amu oh dilag dabmak awa he, ulah uɗia le iwale, digma hiɗa noum.

Eksodas 7:19

Amu geha Yawe Nug Moses amegppa inam aum. “Na ⌊Paro amegppa anam awona, na⌋ Aron amegppa appe, nug dudqak hokkat nuhig amu awa, Isip le okkai oh, le nag oh, le ameg oh ele, amu epponattaɗ! Nug anam heeb, le amu oh eɗun, tiig daaglag. Le amu tiig eɗuglag amu, haen amuppa Isip oh dilagppa le tappiɗ, adppa hoippigppa daatte, am nippud menppa heppigppa daatte ele, le amu oh ele eɗun, tiigib daaglag.” Yawe Nug Moses amegppa anam aum.

Eksodas 14:20

Amu lombig amu tuqan amuppa Isip, Israel ele gamalahppa dayom. Lombig anam dayaya he, laih Isip daappigppa gatatu dayom, amge laih Israel daappigppa, lombig he, ag amahlakppa daappig. Anam aakku dayom amunu, tuqan amuppa Isip, Israel ele ag nug gumidna wakkulagnu elele iitta.

Josua 2:10

Ig ahilagnu baɗak okkai doottemnu diig am, Yawe Nug ehanatta, haen ag Isip uun bena uɗieg Nug he, Le Kokoɗ qaɗaiettom. Aria, Amo dilag king aɗit, aa Jodan lenu kaɗag uɗitteppanu daapiɗ amu, ag Israel, ag attem haatppig amu, ig amu ele doomut. Ag king aɗit amu, Og, Sihon ele, ag aa, amu danab ah wan ahilti, amuppa daappig ele, ag heeg, ag oh Yawenuib nuhig pelemppa daappig.

Josua 3:17

Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

2 King 2:8

Elaiya, Elisa ele aa anam le daugppa daayya, Elaiya nug nuhig ulahnu lamen elab uɗa awa itoɗia, amuppa le makkuɗe, le oppata, laih laih nanehppa, naɗiap-ppa ele ukkaeh, wan qaɗaiette, aa noya goya mataɗpiɗ.

Aisaia 23:11

Yawe Nug yu qaɗeppa eppeg humom daye, wan oh uɗaltteb. Nug ⌊kekeɗ ag⌋ Ponisia, ⌊amuam Tair Saidon aɗi, ag amu⌋ dilag aab aɗ ɠagattagnab ele hadappeg nauhkkulagnunab aum.

Aisaia 43:16

Amu Yawe Nug anukka Israel ag yu mataɗkkulagnu Nug he, le naɗi gamagppa ib dayom. Ao, Yawe Nug Israel ag yu mataɗkkulagnu Nug he, le koɗkoɗ qak ele gamagppa ib aakku dayom.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Habakuk 3:8

O Yawe, na lenu oot nauhomte? Ao, na lenagnu oppoɗin beumte? Na yunu oppoɗin huan beumte amunu, na ban danab, bannu karis, hos eeɗtteb eleppa ban hette bia hena, kekeɗ ihinkad eɗadme?

Job 38:24

Amemɗi adeppanu digma, amuppanu ya uɗitte amu, na aben amuppa ukkaknu ib doottemte? O amu iitta, kaɗag adeppanu digma uɗia, wanppa aben adekku adekku iwaltte amu, na aben amu doottemte?

Sam 148:8

amemɗi, ais doɗo, sno, lombig, gu, amu ulah naɗi, Nug aɗi haknu a hette ele,

Aisaia 44:27

Da le yuppa gotteb, yu ele qaɗaiettaglagnu ai ag qaɗaiedatteb.