Eksodas 13:3 - Nobonob Baibel

³ Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 13:3 Referans Kwoze

Duteronomi 24:18

Isip appa, ag begbeg maɗi nid daaegeg, Yawe, ahilag Kayak, Nug ag begbeg maɗi nid dayak amunu qagaiettakppanu eɗua uhuqak dayaknu heum, gemu ag appa ii daatteb amu, dabmak amu hanhan ag daulagppa doaɗ! Diig amunu da ag haknunab anak nai imu madattem.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Duteronomi 16:12

Ag anukka Isip appa begbeg maɗi nid daappig dabmettanna, aakku ag ɗo imu oh tutukku dim lamitteg!

Duteronomi 5:6

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Duteronomi 15:15

Am ag anukka Isip wanppa begbeg maɗi nid daaegeg, Yawe, ahilag Kayak, Nug ag ehanatta, nuhig ɠagattag okkaippa amunu qagaiettakppanu eɗua uhuqak heum amu, ag appa baula begbeg maɗi nid ii daatteb, ag amu daulagppa doaɗ! Diig amunu gemu da ag haknunab anak imu madattem.

Duteronomi 6:12

ag Yawe daulag atimanu dabmeig! Nug ag Isip, ag appa begbeg maɗi nid daaegeg, Nug appanu diia, omalatte uɗippig.

Duteronomi 16:3

Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.

Duteronomi 8:14

geha, haen ag keeke amu oh ele, ag oolagppa dada danab bena, Yawe, ahilag Kayak, ag Nug daulag atimanu dabmeig! Nug ag Isipnu diia, omalatte uɗippig. Ao, ag wan laappa begbeg maɗi nid daaegeg, Nug amuppanu diiom.

Eksodas 13:14

Moses nug anam ana, Nug tuɗitta aum. “Dimppa ag bekkalkad ag, ‘Kobol imuam diig aɗi?’ aon oɗ mattaglag amunu, ag inam amelagppa akkulag! ‘Ig Isip wanppa begbeg maɗi nid daautut, Yawe Nug uɗat ɠagattagnab ha, ig Isipnu awikka, omaikka uɗiom.

Josua 24:17

Aɗinu? Am kayak auntai laa iitta, Yawe, ihinig Kayak, Nugnab ig mamenkad, amu ig ele begbeg maɗi nid daautut, Isipnu awikkom. Amu Nug nuhignu dabmettaknu kobol danab haknu elele iitta okkainab hatte, ig anidmut. Nug ig aben ohppa gomut amu dabmekka auta awewe, wan laala ig nakok gamag oppatadtata uɗimut.

Duteronomi 13:10

Yawe, ahilag Kayak, Nug ag Israel, Isipnu diia, omalatte uɗippig. Ao, ag Israel, ag wan laappa begbeg maɗi nid maɗi ah ele daaegeg, Yawe Nug amuppanu diiom. Amu danab eheɗ amu hekku amu, nug ag Israel danab ah laa, nug ag Yawe, nuhigppanu matakkatta diikkunu hekku amunu, ag menppa makkuɗppeg mauhaɗ!

Duteronomi 24:22

Ag anukka Isip wanppa begbeg maɗi nid daappig amu amelagppa doaɗ! Ag Isip dilag begbeg maɗi nid daappig, diig amunu da ag haknunab anak nai imu ag madattem.

Eksodas 12:42

Deɗ amu tuqan amu, Yawe Nug Israel Isipnu diia, omalatta gokkunu dabmatta auta awom amunu, buɗub buɗub doobob, maɗ ohppa hanhan Israel oh ag deɗ amu do, tuqan am, ag Yawe heumnu dabmena autna aoglagnu daatte.

Duteronomi 13:5

Propet hambuppuak, o danab nug tul niitte, amge tul amu Yawenu ii uɗitte, danab amu nug ag Yawe, ahilag Kayak, nug ag Nug dimettaglagnu hette ele, ag nug qeppeg mauhkkuoitte. Aɗinu? Nug ag Yawenu nai tabappeg neeb oiglagnu aum. Yawe, ahilag Kayak, Nug ag Isipnu diia, omalatte uɗippig. Ao, Nug ag Isip appa begbeg maɗi nid daaegeg, Nug nuhig ɠagattag okkaippa ag amunu qagaiettakppanu eɗua uhuqak heum. Danab hambuppuak amu hette ele, nug ag ib laa, ib Yawe Nug ag dim ii lamidmananu haknunab aum amu, nug amuppa gokkulagnu hette. Kobol nau ag oolagppa daamanu, ag heppeg, aib dayom!

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Eksodas 23:15

Hobul amu laa am Bret Yis Iitta Lanaknu Hobul Nakok. Ag hobul amu gamag ahak ele hena, da ag Israel amelagppa haknunab ami, amubia ag bret yis iitta deɗ ebqak eblaih aɗit ele lakkulag. Da ag amu hekkulagnu haen tituanmippa hekkulag. Da haen tituanmi am kalam onig Abib, kalam amuppa ag Israel ag Isip uun uɗippig amunu, ag kalam amuppa hobul amu heig! Ag amu henana, ag ɗo hamu mettak dahilnu aon uɗiglagoitte. Ag hamu aib uɗippig.

Eksodas 20:8

Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte, na amu dabmettanna, ɗo da deɗ amunu mattami dim lamidnana oiye!

Eksodas 12:19

Hobul amunu deɗ eblaih aɗit ele amu, deɗ amu ohppa yis ag laulagppa aib dayom! Aɗinu? ⌊Hobul amunu deɗ amu ohppa,⌋ mudippan danab lailag laatai, o wan laihnu danab laatai, nug bret yis ele lab amu, aria nug Israel oolagppanu geɗittak daakkuoitte.

Eksodas 12:8

Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Eksodas 6:1

Moses nug anam aum, amge Yawe Nug Moses amegppa aum. “Gemu amu, da Paro, nuhigppa keeke hekkul amu, na anidkkut. Da dahil ɠagattagppa ⌊eheɗ hedappi,⌋ diig amunu nug geha ag Israel uuatteb gokkulag. Ao, geha da dahil ɠagattagppa ⌊nug eheɗ naunab hedappi,⌋ diig amunu nug ag wan nuhigppanu lamatteb gokkulag,” awa aum.

Eksodas 3:20

amunu, geha, da kobol digdig, danab haknu elele iitta Isip wanppa dahil ɠagattagppa geha heppi, kobol amu Isip danab ah eheɗ oɗoɗadkku. Aria, anam dayeb amu, dimppa Paro nug ag paɗatteb gokkulag.

Eksodas 12:15

Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!

Sam 105:5

O Abraham buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Epesus 1:19

Amu ele, da ag nuhig ɠagattag okkainab, batak iitta ele, ɠagattag amu ig ooppa genab doyak ele, ihinigppa niitte, ɠagattag amu ihinigppa uɗat hette ele amu, ag ɠagattag amu ele dooglagnu unuqidttem. Ɠagattag amuam Kayak Nug nuhig ɠagattagppa he, Jesus eɗua hibaittom, amu aakkuib.

1 Korint 11:24

Mameg amegppa, “Ena heme,” awowa, pane ne Nug aum. “Imuam da beɗul, amuppa da ag ehanadkkul. Ag dahilnu dabmekkulagnu lanaknu kobol imu heig!” awa aum.

1 Korint 5:8

Amunu ig Pasowanu Hobulppa bret yis alag eleppa aib lamut. Yis amuam oo aeg bak kobol, am hipunin laa oh hak kobol ele. Ig Pasowanu Hobulppa bret yis iitta ele latu! Bret amuam kobol tutukku, kobol doyak diig genabibppanu ele ippunigtte.

Luk 22:19

Nug anam awowa, Nug bret awa, Mameg amegppa, “Ena heme” awowa, pane ne, pania madatta Nug aum. “Imuam da beɗul, da amuppa ag ehanadkkulnu madattem. Ag dahilnu dabmekkulagnu lanaknu kobol imu heig!” awa aum.

Nehemaia 9:10

Nahipnu dabmettaknu kobol danab haknu elele iitta, amu uɗat ɠagattagnab ele na hee, Paro, nuhikkud ehanittak anuqak danab, nuhikkud danab ah ele anattegeg, uug aqom. Isip danab ag beɗuppa tak danab dilag kobol henana, ag ig mamenkad aɗi eheɗ hattegeg anidme amunu, na anam aakku heme. Na kobol digdig amu hee, danab ah wan atu kuɗumnabnu doon, ag na onin okkai daatte aakku dooppig, gemu ele, ag dootteb.

1 Stori 16:12

O Israel buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Matyu 10:12

Ag lag ooppa nona amu, ag lag amunu danab ah itittak ena matteg!

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Eksodas 7:4

Da anam hekkul, amge Paro nug nahip nai amu ii dooma. Anam hekku amunu, da geha Isip bu eheɗ mattoya, geha da anuqe ukke, Israel dilag huu oh, ag dahilad danab ah amu, da ag omaladppi, ag Isip uun gokkulag.

Eksodas 12:17

Da gemu, deɗ imuppanab ag omaladppi, ag wan imu uun gokkulag amunu, ag amu dabmekkulagnu ag Bret Yis Iitta Lanaknu Hobul Nakok imu gamag ahak ele hekkulag. Ag haen oh, buɗub buɗub doobob, maɗ anen anenppa hekkulag; ag aib tippalppig!

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Duteronomi 7:8

Yawe Nug ahilagnu oo mauhtte, amu ahilagnu keeke hekkununab nuhig nai ɠagattag qetta, ag mamelkad aɗi amelagppa aum, diig aɗit amunu Nug ag uppa Isip dilag king Paro waappa begbeg maɗi nid daamnanu, Nug nuhig ɠagattagppa ag amunu qagaiettakppanu eɗua uhuqak haaha, Nug ag Isipnu diia, omalatte uɗippig. Yawe Nug amu hekkunu, nuhig ɠagattag okkaippa heum.

Sam 114:1

Israel danab ah ag Isip uuppig dimppa, ge, Jakop buɗub ag laa dilag wan, amuam Isip, wan amuppan danab ag nai laa madippig amu, haen ag wan amuppanu ahan goppig dimppa, Kayak Nug he, nuhig mettid lag am Juda oolagppa dayom. Ao, Israel ag oh Nug waappa daaeg, Nug ag gumattom.

Sam 136:11

⌊Ig Yawe,⌋ Nug Israel danab ah Isipnu diiom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Genesis 15:16

Na gemu Amo danab oolagppa oittem amu, ag gemu hipunin huana, okkainab ii hetteb amunu, na gemu wan imu aokkutnu elele iitta. Amge dimppa da anidttem, ag hipunin tuɗidppeg, elab bekku. Aria, haen amuppa da hipunin okkainab ahilag amunu heppi, na buɗunad ag wan imu aoglag. Buɗub buɗub doak waɗeleppa, haen amu gamagppa ag eɗun uɗin aoglag,” awa aum.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Eksodas 12:2

“Kalam imu amu, geha maɗ anen anenppa ahilag kalendappa kalam anuqak daakku.

Eksodas 12:41

Ag maɗ 430 Isip daaegeg, deɗ maɗ 430 amu iitta meum, deɗ amuppanab amu, Yawenu danab ah, Israel, ag Isip uuppig.

Eksodas 34:18

Ag Bret Yis Iitta Lanaknu Hobul Nakok aib daulag atiom; ag gamag ahak ele heig! Ag henana, haknunab nai deɗ amunu oh da mattami amu, ag amu dim lamitteg! Ag kalam Abibppa Isip uuppig amunu, maɗ ohppa, kalam amuppa, da amibia, ag bret yis iitta deɗ eblaih aɗit ele laig!

Duteronomi 6:21

Ag anam oɗ mekkulag amunu, ag inam appeg dooglagoitte. “Ig am Isip uppa Paronu begbeg maɗi nid daamut, amge Yawe Nug nuhig ɠagattag okkaippa Isipnu awikka, omaikka uɗiom.

Duteronomi 9:12

Yawe Nug meɗowa, Nug da amelppa aum. “Na pahanab no! Aɗinu? Danab ah na Isipnu omaladna uɗime ele, ag aakku kobol diig ena iitta uɗig wak ele digmen heppig. Ag paha nai haknunab anak da ag mattami ele tappaeg neum. Ag aakku golppa keeke dottog hena, ⌊amu noobppa dup nona binag metteb,⌋” awa aum.

Duteronomi 13:6

Na awante, amapte, bekkatte, aɗente, waatte, o na layapnabte, nug lokkumakppa na gumitta uɗia, na amenppa, “Doppe goɗa, kayak laa noolagppa dup noɗa binalag meɗu,” awa akkutai. Amuam kayak ag, amu ag mamelkad aɗi ele ii doyadppig.

Duteronomi 13:11

Ag anam heppeg, Israel oh ag anam heppig doona, ag baɗan, auntai laa ag oolagppa kobol nau amu baula ii hema.

Duteronomi 16:1

Amu kalam Abibppa, Yawe, ahilag Kayak, Nug tuqanppa ag Isipnu diia, omalatte uɗippig amunu, ag Israel danab ah, ag kalam amu dabmena, ag kalam amuppa Yawe binag mekkulagnu Pasowanu Hobul gamag ahak ele hekkulagoitte.

Duteronomi 26:8

Yawe Nug anam antta, Nug nuhig ɠagattagppa, Nug ebehippa, Nug he, baɗak eheɗ nau dayom, amuppa, Nug nuhignu dabmettaknu kobol danab haknu elele iitta, amu uɗat ɠagattagnab ele heumppa, keeke amu ohppa Nug ig Isipnu awikka, omaikka uɗiom.

Ikki Danab 2:12

Ag Yawe, Nug ag mamelkad aɗi dilag Kayak, Nug Israel Isipnu diia, omalatte uɗippig amu, ag Nug uuidppig. Ag kayak laala, danab ag taliliattak daappig, ag amu dilag kayak dim lamadnana, ag amu noolagppa dup nona binalag meppig. Amuppa ag heeg, Yawe Nug oppoɗi beum.

Ikki Danab 6:8

Yawe Nug propet laa Israel dilagppa me ukka, nug aum. “Yawe, Israel dilag Kayak, Nug inam atte. ‘Da ag begbeg maɗi nid daaegeg, Isipnu diie, omalatti uuppig.

Nehemaia 1:10

O Yawe, Israel danab ah ag am nahipad maɗi nid maɗi ah ele. Na eppen bahin, na nahip ɠagattag okkaippa na ag laa eppelkadppan qagaiettakppanu eɗua uhuqak daakkunu heme.

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Sam 136:12

⌊Ig Yawe,⌋ Nug nuhig ɠagattag okkai amuppa anam heum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Jeremaia 34:13

“Da, Yawe, da Israel dilag Kayak, da inam attem. ‘Anukka ag mamelkad aɗi ag Isip wanppa begbeg maɗi nid daan oiyegeg, da ag Isipnu diien, omalatti uɗippig, haen amuppa da hei, da ag ele ig nug tituanta nai qakkamut. Nug tituana nai qakkak amuppa da ami.

Daniel 9:15

Amunu, O Naɗi, ihinig Kayak, na nahipad danab ah Isipnu nahip kobol ɠagattagppa omalatte, Isip uun ukkaeg, amuppa na onin okkai awe, gemu ⌊nai imu yaak haenppa⌋ ele, na onin okkai daatte, amu ig na noomppa ig hipunin hemut; ge ig nau hemut am na amenppa attem.