Eksodas 13:21 - Nobonob Baibel

²¹ Ag ukkaegeg, Yawe Nug amunppa lombig attan tak ooppa dayaya, ib ippunadkkunu anuqa ugakka, tuqan amu, Nug aab ewak attan tak ooppa dayaya, amahlak madakkunu anuqa ugekke goppig. Nug anam heum amunu, ag amun, tuqan ele gokkulagnu elele.

Eksodas 13:21 Referans Kwoze

Nehemaia 9:12

Amunppa na lombig teppu ele attan takppa daan, noolag aon gonana, tuqan na aab ewak okkai attan takppa daan, noolag aonna, amahlak mattan, atten atten oiglagnu daye ippunadnana, noolag aon gome.

Sam 99:7

Nug lombig teppu ele attan takppa dayaya, ag amelagppa nai mattiom. Nug mattie, ag ɗo mak amu dim lamidppig. Ao, ag ɗo Nug ag mattom amu, ag amu dim lamidppig.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.

Sam 105:39

Yawe Nug amunppa ehanatta he, lombig ikkilagppan blanget bia tonatte goppig. Ao, tuqanppa amu Nug he, aab dittiak naɗi gatatuppa amahlom.

Sam 78:14

Nug amunppa lombigppa ag noolag awa ukkom. Ao, tuqan haenppa Nug aab ewewe, amahlak amuppa ag noolag awa ukkom.

Nehemaia 9:19

Kayak, na nahipad danab ah dilagnu oo bodoetta le mak kobol dim lamidna, atu taɗakppa danab ah amu uuatte, hamu ii oippig. Amunppa na hee, lombig teppu ele attan takppa ag ib ippuanattette, tuqan aab ewak okkai attan tak ib atten aon gokkulagnu ippuanattom.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Namba 10:34

Amu deɗ anen anenppa Yawenu lombig, am ag aben adekkuppanu digmen ahan godappig amu, lombig am deɗ oh ag ikkilagppa alet anam dayeye anidnana godappig.

Eksodas 16:10

Moses nug Aron amegppa anam a, aakku Aron nug Israel oh amelagppa nai mattieye, haen amuppa ag neekkeg, atu taɗakppa ugekke, ag Yawenu binag amahlak oppiaawak ele lombigppa be anidppig.

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Sam 68:7

O Kayak, na danab ah nahipad Isipnu omalatte uɗippig. Yo, na danab ah nahipad wan meu waknu nakokib elele, na amuppa omaladme. Sila.

Sam 77:20

Na nahipad danab ah sipsip ameg laa diia ukkak bia omaladme. Na Moses, Aron ele ehanate, aa amu hepiɗ.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Eksodas 10:10

Moses nug anam aum, amge Paro nug aum. “Da ag, ahilkad ah, ahilkad nid ele oh paɗadppi golob, am genab, Yawe Nugib ehanatteb, da anam helom, amge anam iitta. Ag nau hekkulagnu oitteb amunu, da ag oh paɗadppi, iinab gomana.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.