Eksodas 13:16 - Nobonob Baibel

¹⁶ Aria, kobol amuam geha danab nug aɗi keeke dabmekkunu oo hette ele amu, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, kobol imuam amubia, Yawe Nug uɗat naɗi ihinignu he, ig Isip uut uɗimutnu at daatte. Aɗinu? Yawe Nug nuhig ɠagattag naɗippa ig awikka omaikke, ig Isip uut uɗimut.’ ” Moses nug danab ah amelagppa anam mattiom.

Eksodas 13:16 Referans Kwoze

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Duteronomi 11:18

Anam amunu, ag nai dahil imu aɗan autnanab aweg! Ag eɗun dabmekkulagnu, ag eppelkadppa at dayaknu qakkaladppeg daaglag. Ag hanhan anidkkulagnu, ag uɗalkadppa qata-aqadkkulag.

Eksodas 13:14

Moses nug anam ana, Nug tuɗitta aum. “Dimppa ag bekkalkad ag, ‘Kobol imuam diig aɗi?’ aon oɗ mattaglag amunu, ag inam amelagppa akkulag! ‘Ig Isip wanppa begbeg maɗi nid daautut, Yawe Nug uɗat ɠagattagnab ha, ig Isipnu awikka, omaikka uɗiom.

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Duteronomi 26:8

Yawe Nug anam antta, Nug nuhig ɠagattagppa, Nug ebehippa, Nug he, baɗak eheɗ nau dayom, amuppa, Nug nuhignu dabmettaknu kobol danab haknu elele iitta, amu uɗat ɠagattagnab ele heumppa, keeke amu ohppa Nug ig Isipnu awikka, omaikka uɗiom.

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Aposel 13:17

Ig Israel buɗub daattem amu, ihinig Kayak, Nug ig mamenkad aɗi tituanatta he, ag appateg, dimppa Nug nuhig ɠagattagppa Isipnu eɗua diia uɗiom.

Eksodas 6:1

Moses nug anam aum, amge Yawe Nug Moses amegppa aum. “Gemu amu, da Paro, nuhigppa keeke hekkul amu, na anidkkut. Da dahil ɠagattagppa ⌊eheɗ hedappi,⌋ diig amunu nug geha ag Israel uuatteb gokkulag. Ao, geha da dahil ɠagattagppa ⌊nug eheɗ naunab hedappi,⌋ diig amunu nug ag wan nuhigppanu lamatteb gokkulag,” awa aum.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Eksodas 12:41

Ag maɗ 430 Isip daaegeg, deɗ maɗ 430 amu iitta meum, deɗ amuppanab amu, Yawenu danab ah, Israel, ag Isip uuppig.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Duteronomi 6:21

Ag anam oɗ mekkulag amunu, ag inam appeg dooglagoitte. “Ig am Isip uppa Paronu begbeg maɗi nid daamut, amge Yawe Nug nuhig ɠagattag okkaippa Isipnu awikka, omaikka uɗiom.

Ikki Danab 2:12

Ag Yawe, Nug ag mamelkad aɗi dilag Kayak, Nug Israel Isipnu diia, omalatte uɗippig amu, ag Nug uuidppig. Ag kayak laala, danab ag taliliattak daappig, ag amu dilag kayak dim lamadnana, ag amu noolagppa dup nona binalag meppig. Amuppa ag heeg, Yawe Nug oppoɗi beum.

Nehemaia 1:10

O Yawe, Israel danab ah ag am nahipad maɗi nid maɗi ah ele. Na eppen bahin, na nahip ɠagattag okkaippa na ag laa eppelkadppan qagaiettakppanu eɗua uhuqak daakkunu heme.

Sam 136:11

⌊Ig Yawe,⌋ Nug Israel danab ah Isipnu diiom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Prowerb 6:21

Na nai i auɗ doome ele amu, na hanhan amunu dabmenana oiye! Ge, danab nug keeke laanu dabmekkunu ha, kaleleppa amunu at qakka, baagppa pale daatte, amubia nai i auɗ doome, nai amu hanhan nahip dabmakppa daakkunu dautppa dayaɗ!

Daniel 9:15

Amunu, O Naɗi, ihinig Kayak, na nahipad danab ah Isipnu nahip kobol ɠagattagppa omalatte, Isip uun ukkaeg, amuppa na onin okkai awe, gemu ⌊nai imu yaak haenppa⌋ ele, na onin okkai daatte, amu ig na noomppa ig hipunin hemut; ge ig nau hemut am na amenppa attem.