Eksodas 12:8 - Nobonob Baibel

⁸ Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Eksodas 12:8 Referans Kwoze

Eksodas 34:25

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!

Duteronomi 16:7

Ag sipsip amu aben Yawe, ahilag Kayak, Nug epeɗikku, ag amuppa main lakkulag. Ag anam hewona, buttua amu, ag eɗun gona ahilkad pehppa daaglag.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Eksodas 23:18

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Laa amu, ag da dabmeɗanna qagmak gamag ahak ele henana, ag doɗ main, da meɗatteb amu, ag doɗ amu ittag meppeg dayebeb, butti buttua aib meɗappig. Iitta. Ag gemu main meɗeg!

Eksodas 13:7

Deɗ eblaih aɗit ele amuppa amu, ag bret yis iitta aakkuib lakkulag! Ag yis, aria bret yis ele amu, ag amu aib uuppeg, ahilag aabppa, o wanppa dayom.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

Galesia 5:9

Yis nakoknab he bret oh titiɗtte, ⌊amubia dabmak nau nakoknab, amuam heeb, ag oh padal memananu dabmeig⌋!

Matyu 26:26

Jesus Nug anam a, ag ee lanana daanna, Jesus Nug bret awa, Mameg amegppa, “Ena heme” awowa, pane ne, pania nuhikkud ippunittak awak danab madatta, Nug aum. “Ag aon laig! Imuam da beɗul,” awa aum.

Matyu 16:12

Jesus anam a amu ippunittak awak danab ag dooppig, Nug yisnu ii aum. Iitta. Nug ɗo gumak danab-Parasia amu ɗo gumak danab-Sadyusi ele dilag nainu aum.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Amos 4:5

Ag ena heme anaknu ofa hekkulagnu bret yis ele aon uɗin, maneg! Yo, ag akka ag ɗo hamu mettaknu ofa laala ele henan, danab ah laa amelagppa ag akka binalag mena, ag appeg doyeg! Ge, ag Israel danab ah, ag akka ag amunu binalag meig! Aɗinu? Ag amu hekkulagnu oolag huana daatte.” Naɗi Yawe Nug anam atte.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Eksodas 12:9

Ag doɗ teppu ii ewom aib lappig; amu ag waappa ele aib battin lappig. Ag amu ii hemana. Iitta. Ag aab aɗuppaib manon laig! Ag ikki, eppeg, baeg, ooppan keeke ele aab aɗuppa maippeg eweb laig!

2 Stori 35:13

Anam amu, Lewi buɗubppan ag mana mettak danab iitta ag Pasowanu sipsip ɗo ippunadtte bia ag aab aɗuppa manappig. Amge Lewi buɗubppan mana mettak danab iitta, ag mana mettak laa, Yawenu tituanak daappig amu, ag doɗ amu teppulkad waappa, bilikenppa ele battin, ag teppu amu danab ah oh lakkulagnu paha panippig.