Biblia Todo Logo
Bib sou entènèt

- Piblisite -




Eksodas 12:37 - Nobonob Baibel

37 Israel ag aab okkai Rameses uun ahan, ag aab okkai Sukot goppig. Am danab 600,000 keeke anam ahan goppig, amge ag ah, nid naunau ele amu, ii ebaqappig.

Gade chapit la Kopi




Eksodas 12:37
15 Referans Kwoze  

Israel danab ah ag Ramesesnu ahan gona, Sukot appa haen tutu dayaknu aab kalan daappig.


Israel danab ah ag Isip uun ahappig, maɗ amu, kalam digmakppa, deɗ 15, amuppa ag ahan, aab okkai onig Rameses uuppig. Deɗ amuam Pasowa digmak dimugppa. Yawe Nug ag atognoatta dabmadette, ag Ramesesnu ahan, baɗak iitta ele Isip danab uuadppig.


Yawe Nug Moses amegppa anam a amu, Moses aum. “Gemu da danab 600,000 oolagppa daaiyi, na, ‘Da heppi, danab ah imu oh ag kalam laippu ohppa doɗ teppu lakkulag,’ attem. ⌊Na amu attem, amge da amu bekkunu ib iinab anidttem.⌋


Anam amu Josep nug nug mameg, awakkud, amag ele ag Isip wanppa aben enanagnab daaglagnu matte, ag aguppa daappig. Aben amuam wan atu onig Gosen, onig laa Rameses. Paro aum, amubia Josep nug heum.


Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.


Aria, Israel danab, ag maɗ 20, o iitta maɗ 20 eɗittak, ag ban hekkulagnu elele amu, ag oh ahilag ebaqak am 601,730 beum.


Israel ag mamelkad alalkad onilkad waappa, Moses, amu ikki danab ele amelagppa aegeg, ag ebaqappig. Ahilag ebqak oh am 603,550 dayom. Ebqak amuam huu okkai waɗele amuppanu. Huu okkai waɗele anen anenppa amu, huu ewam daappig.


Jakop anam a amu, Kayak Nug aum. “Da Kayak, na mamennu Kayak. Na Isip gokkutnu aib oot baɗom. Aɗinu? Na appa daappe, da heppi, na buɗunad ag appatna, huu okkainab, ɠagattag ele daaglag.


Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.


Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.


A amu, Moses nug oɗeppa awa aum. “Ig oh gokkunig. Ig danab ah bau, danab ah kaino, ihinkad nid, nid ahin oh ele, amu doɗ sipsip oh, doɗ meeme oh, amu makau oh ele, ig amu oh diit gokkunig. Aɗinu? Ig Yawe dabmettata, qagmak gamag ahak ele hekkunig,” awa aum.


Aria, Israel ag Isip appa daappigppanu ahan, aab okkai Sukot appa gowona, ag appanu ahan gona, Etam aabppa teppig. Etam nug atu taɗak guguittak appa dayom, amu ag appa Etam guguittak haen tutuib dayaknu aab kalappig.


“Na Aron ele aa Israel danab oh, ag maɗ 20, o iitta, maɗ 20 eɗittak, ag ban daup ooppa daanna, ban hekkulagnu elele anadya, ebaqeɗ! Aa ebaqadya, ag onilkad, ahilag aab ikki onilag, amu ag baelkadppa ele waappa onilag yaaglah.


Swiv nou:

Piblisite


Piblisite