Eksodas 12:36 - Nobonob Baibel

³⁶ Am Yawe Nug he, Isip danab ag Israel dilagnu ena anadppig, amu Isip ag Israel aɗi keeke aoglagnu oolag daye appig amu, ag madappig. Israel ag kobol anam heppig amunu, amuppa ag Isip danab ah dilag keeke amu ohbia aɗadppig.

Eksodas 12:36 Referans Kwoze

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Genesis 15:14

Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, wan amuppanu keeke kuɗum aon aɗaglag.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

Sam 105:37

Yawe Nug nuhig danab ah enaib Isipnu diie ahan, ag silwa, gol kuɗum akkan ele gonana, Israel dilag huu okkai oh oolagppa auntai laa eheɗ laa ii oiyom.

Eksodas 11:3

Aria, Yawe aum bia Israel anam heppig haenppa amu, Yawe Nug he, Isip danab ah ag Israel dilagnu, ag maɗi nid maɗi ah ele bia ii anadppig. Iitta! Ag danab ah ena anadppig, amu Paronu ehanittak anuqak danab ele, ag Mosesnu, nug am danab okkainab ele dooppig ⌊amunu, ag keekenu appig amu, ag hagakka ii aoppig. Iitta ag appig bia madappig⌋.

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Eksodas 11:2

⌊amunu,⌋ na gemu Israel danab ah oh, danabib iitta, ah ele, na ag oh amelagppa, ag Isip danab ah miag daatteb amu, ag ag gumadna gona, gol balanu, silwa balanu ele oɗ mattaglagnu appe doyeg!” awa aum.

Esra 1:6

Ag gokkulagnu dabmenan babaittegeg, ahilkad mudippan lailkad ag ehanadna, ag keeke silwa, gol eleppa hak, lamen keeke, doɗ, keeke daden maknu men doɗo okkai ele ahilag daakkunu, amu ɗo hamu mettaknu ofa hekkulagnu doɗ keeke ele ag madappig.