Eksodas 12:29 - Nobonob Baibel

²⁹ Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Eksodas 12:29 Referans Kwoze

Sam 78:51

Kayak Nug Isip danab ah dilag nid ⌊danab⌋ tatamnu he mauhppig. Ao, Isip danab ag am Ham buɗub, amu Kayak Nug he, ahilkad nid danab tatamnu oh mauhppig.

Eksodas 4:23

amu da na amenppa ami, Na dahil nid paɗappe, nug ukka, da noolppa dup noa binal maɗ! ami. Da anam ami, amge na da ami bia ii hena, ii uuatte goppig amunu, da nahip nid danab tatamnu amu qeppi mauhkku.” ’ Na anam appe doyaɗ!” Yawe Nug Moses amegppa anam aum.

Sam 135:8

Nug he, nid ⌊danab⌋ tatamnu oh, doɗ nalkad ⌊dawai⌋ tatamnu ele Isip appa mauhppig.

Sam 105:36

Nug anam ha male, Yawe Nug nid ⌊danab⌋ tatamnu Isip dilag oh aqom. Nug baelkadppa anen anenppa nid danab tatamnu, nid amu nug anig mameg nuhigppa nid danab menuadkkulahnu digmepiɗ ele amu, Nug nid ⌊danab⌋ amu oh aqom.

Sam 136:10

⌊Ig Yawe,⌋ Nugib he, Isipnu nid ⌊danab⌋ tatamnu mauhppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Namba 8:17

Israel ooppa nid danab tatamnu, doɗ dawai tatamnu ele amu dahilad. Haen da Isip dilag nid ⌊danab⌋ tatamnu, doɗ amu ele oh aqadmi amu, da ag Israel, da ag oolagppanu nid danab tatamnu, doɗ dawai tatamnu ele oh dahilad daaglagnu anam tituanadmi.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Namba 33:4

Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.

Eksodas 13:15

Paro nug tatam nuhig dabmak ɠagattag eppe, dabmak amu dim lamitta he, ig paɗaikkeb uɗignignu oo ii dayom amunu, Yawe Nug Isip dilag nid ⌊danab⌋ tatamnu, doɗ nalkad ⌊dawai⌋ tatamnu oh ele, Nug ag aqe mauhppig amunu, ig doɗ ⌊lanaknu epeɗiak daatteb⌋ nalkad dawai tatamnu, ig amu oh mait, Yawe medattem. Amge nid danab tatamnu oh amu, ig ag tituanakppanu eɗua uhuqak dayaknu hettem.

Hibru 12:23

Amu ag Kayak bekkod tatamnu, Kayak Nug ag onilag matu hab aabppa yom daatteb, ag amu dilag qagmak naɗi amuppa wappig. Ag Kayak, Nug am danab oh epeɗiadtte ele amu, Nug gukkuidna wappig. Amu ag danab anukkanu, Kayak Nug ahilagnu, “Genab tutukku hak danab,” aum, ag mauhadna hab aabppa elelenab daatteb ele amu, ag gemu daatteb, ag oolagppa genab dootteb ele, ag amu gumadna, ahilagppa teppig.

Sekaraia 9:11

Da hei, da ag Israel ele ig nug tituanta nai qakkamut. Amu nai qakkak dahil amu, am doɗ tiigppa ɠagattag qak dayom. Ig anam hemut amunu, diig amuppa da geha heppi, ahilagnu laa ag maniguittak danab moɗ naɗi le iitta eleppa daatte, ag amubia daatteb amu, ag amuppa ii daamna.

Jeremaia 38:13

ag muɗippa nug eeɗeg ba, dimittim beum. Nug ba, dimittim uɗia, nug aakku daup king gumappig laulag haɗap-ppa dayom.

Jeremaia 38:6

Sedekaia anam aum amunu, danab amu ag muɗi aon, le moɗ laa daup king gumappig laulag haɗap-ppa dayom, le moɗ amuam king bekka Malkiyanu amu, ag muɗi amuppa Jeremaia paɗaeg no, le ii dayeye, lekkoh gai-iittaib dayom amunu, Jeremaia beɗu laih am lekkohppa noum.

Aisaia 51:14

Da heppi, danab ag uug nau ele maniguittakppa daatteb amu, ag uhuqak paha aoglag. Ag maniguittak nau gatatu ele, ag amuppa ii mauhmana, eenu ele tutu ii memana.

Aisaia 24:22

Yawe Nug geha wanppan king aɗi oh qagmaatta, maniguittakppa maniguadkku. Ag danab maniguittak nau gatatu eleppa daatte, amubia maatteb daaglag. Ao, ag maniguittak anam daappeg, haen nakok elab ukkeb, ahilag nob awak haen ana beeb, nob nau madakku.

Job 34:20

Ag oh tuqan tugmag, haen amuppa ag paha mauhtteb. Danab ag dabmak maɗoɗ iitta daan, mauhtteb. Danab ɠagattagnab ag mauhtteb, amge danab heeg ii mauhtteb. ⌊Iitta. Kayak he, ag mauhtteb.⌋

Namba 3:13

Aɗinu? Haen da Isip appa Isip dilag nid ⌊danab⌋ tatamnu oh aqadmi amu, da Israel dilag nid ⌊danab⌋ tatamnu ag dahilad daaglagnu tituanadmi. Danabnu nid ⌊danab⌋ tatamnu, o iitta doɗnu ⌊dawai⌋ tatamnu, amu oh am dahilad. Ag dahilad daatteb. Da am Yawe.” Yawe Nug anam aum.

Eksodas 9:6

Aria, Yawe Nug keeke amu hekkunu aum amu, wagɗe deɗ amuppa Nug aakku heum. Nug he, Isip danab dilag doɗ oh ⌊bia⌋ mauhppig, amge Israel dilag doɗ oh amu, ag ena daappig; laippu laa ii mauhom.

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Sam 78:50

Kayak Nug Isip dilagnu oo anam nauhe, Nug bu aoglagnu ib babaittom. Ao, Nug ag mauhmananu ib oo ii neum. Iitta. Nug oɗe nau danab kuɗum aqe mauhtteb ele aqeb, ag mauhkkulagnu amu, Nug oɗe amu ib mettom.

Habakuk 3:5

Oɗe nau danab kuɗum aqe mauhtteb ele ⌊danab nau hetteb ele aqaknu⌋ Nug noobppa ukke; oɗe digdig Nug dim lamidna uɗippig.

Genesis 15:14

Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, wan amuppanu keeke kuɗum aon aɗaglag.

Eksodas 11:1

⌊Amu gatatu teppu ele amu na dayeye, haen amuppa⌋ Yawe Nug Moses amegppa inam aum. “Da geha Paro, amu nuhikkud danab ele, da ag uug naunab laippu laa ele madakkul. Madappi, amu dimppa nug geha paɗatteb gokkulag. Aria, haen nug paɗatteb gokkulag amu, nug oo maɗoɗ ele dayaya, ag uuatteb ii gomana. Iitta. Nug geha ag wan imuppan oh lamatteb gokkulag

Aisaia 41:11

O Israel, danab aun aɗi ag ahilagnu oppoɗilag be amelag kokoɗ ebatte amu, ag Israel ag heppeg, laa amu ag uɗa nak nau guittak ele dooglag. Ao, danab ah ag ag Israel eɗadkkulagnu henan, ag ele ban hetteb amu, ag Israel ag heppeg, ag ii daatteb bia daaglag. Ag mauhkkulag.