Eksodas 12:28 - Nobonob Baibel

²⁸ Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Eksodas 12:28 Referans Kwoze

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Eksodas 12:27

amu, aria ag inam akkulag! ‘Anukka, haen Yawe Nug Isip danab ah dilag nid ⌊danab⌋ tatamnu aqe mauhppig amu, gemu ig Israel, ig hettem imu am, alai aɗi bekkalkad tatamnu mauhmananu ag sipsip, o meeme aqaeg, doɗ amu tiilag ag lag ahilkad od uguppa laitteg, Yawe Nug tiig amu antta, laulkad amu tippalatta he, engel nug ag ii aqom amu, ig hettem imu am, keeke amu daunigppa dokkunu daatte. Doɗ imu ig aqaut mauhtteb ele amu, doɗ amuam alai aɗi doɗ aqaeg mauhna, ag bekkalkad tatamnu abenlag aoeg, ii mauhppig, amubia daanna, ippunigtteb.’ ” Moses nug ag amelagppa anam aum. Moses nug anam a amu, danab ah ag nai amu doona, ag Yawe noobppa dup nona Nug binag meppig.

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Eksodas 7:6

Aria, Moses, Aron ele aa keeke oh Yawe haknunab aum, aa Nug aumbianab aakku hepiɗ.

Eksodas 7:10

Nug anam a amunu, Moses, Aron ele aa Paro gumidya goya, Yawe Nug amelahppa haknunab aum bianab aa hepiɗ. Aron nug dudqak hokkat amu Paro, am nuhikkud ehanittak anuqak danab ele noolagppa buɗie, wanppa noa, dudqak hokkat amu eɗua mat beum.

Eksodas 12:35

Am Israel ag Moses aum bia, ag matu Isip danab ah gol balanu, silwa balanu, amu lamennu ele oɗ madappig.

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Eksodas 36:1

Yawe Nug Besalel, Oholiap am danab laala ele ag mettid haknu peh lag, amu lag amunu keeke ele oh, Yawe Nug aumbianab hekkulagnu doyak ena, dabmak ena ele mattom amunu, Nug haknunab aumbianab, ag uɗat amu heig!” awa aum.

Eksodas 39:32

Mettid haknu peh lag amu, lag amunu uɗat oh anam heeg, uɗat amu aakku malom. Israel ag keeke oh Yawe Nug Moses amegppa haknunab aum, ag Nug aumbianab aakku heppig.

Eksodas 39:42

Israel ag uɗat oh Yawe Nug Moses amegppa ag hekkulagnu haknunab aum amu, ag anamnab aakku heppig.

Eksodas 39:43

Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Lewitikas 24:23

Yawe anam a, Moses nug Israel amelagppa a, ag danab nug Yawenu dabittak nai aum ele, ag nug omalna, haen tutu dayaknu aab kalak dimittim gona, ag menppa oeg mauhom. Yawe Nug Moses amegppa anam haknunab aum bia, ag heppig.

Namba 1:54

Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.

Namba 5:4

Yawe Nug anam hekkulagnu a, Israel danab ah ag anam heppig. Ag heeg, danab o ah uug amu ele amu, ag aab dimittim gona daappig. Yawe Nug Moses amegppa ag hekkulagnu aum amu, ag anamnab heppig.

Namba 31:31

Yawe anam aum amunu, Moses, mana mettak danab Eleasar ele aa Yawe, Moses anam hekkununab aum bia hepiɗ.

Namba 31:41

Moses nug mana mettak danab Eleasar keeke imu takis daden mak bia Yawenu daakkunu otia mettom. Amuam Yawe Nug Moses amegppa anam hekkununab aum bia heum.

Namba 31:47

Moses nug ah amu, doɗ ele Israel mattak amuppanu 50 ebaqa, laippu awa, Yawenu daakkunu otiom. Nug Yawe, anam hekkununab aum bia heum. Nug oh ebaqa mala amu, nug tituanattom ele, amu Lewi buɗub mattom. Lewi buɗub ag amu mettid haknu peh lag dabmedattappig.

Duteronomi 34:9

Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

Josua 2:21

Aa anam aeh amu, Rahap oɗelahppa awa aum, “Ahilah nai am ena, anamib dayaɗ!” awa aum. Nug anam awowa, nug he, aa gopiɗ. Aa ukkaeh, aria nug muɗi kokoɗnab gililppa ulah ibuppa qakkom.

Josua 4:8

Yawe Nug Josua amegppa anam hekkunu a, nug Israel danab ah ag anam haknunab amelagppa aum amunu, Israel ag anamib, Josua aum bia heppig. Ag Jodan le gamagppanu men 12 aoppig. Amuam Israel dilag huu okkainu ebqak Israel ooppa daatte bia aoppig. Ag Yawe, Nug Josua amegppa aum bianab heppig. Aria, ag men 12 amu mawadna, ahilag haen tutu dayaknu aab kalappig, ag amuppa gona maadppig.

Josua 14:5

Israel ag anam heppig amunu, ag Yawe Nug Moses amegppa haknunab ana, ⌊ag om ena yaakppa wan paniglagnu aum⌋ bia, ag hena, ⌊ag oolagppanu laa uɗat amu hekkulagnu daappig amu,⌋ ag wan panippig.

2 Samuel 5:25

Yawe Nug anam haknunab aum amunu, Dawit nug anam heum. Nug anam ha, nug Pilistia danab kuɗum aqom. Nug aben onig Gibeon appa digma aqe ukke, Geser batak aqom.

1 King 17:5

Yawe Nug anam aum amunu, Elaiya nug Yawe aum, amubia heum. Nug ukka, le nakok onig Keritnu oolnu noak, aguppa dayom. Le nakok amuam Jodan le heqo laih, kaɗag uɗitteppanu, amuppa daatte.