Eksodas 12:15 - Nobonob Baibel

¹⁵ Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!

Eksodas 12:15 Referans Kwoze

Duteronomi 16:3

Ag teppu amuppanu lanana amu, ag bret yis ele aib lappig. Deɗ eblaih aɗit ele oh amu, ag bret yis iitta lakkulag. ⌊Yawe Nug ag ehanatte,⌋ ag bret amubia lanana, ag Isip pahanab uuppig amunu, ag amubia bret amu lakkulag. Ag hanhan Isipnu ahan uɗin bau daatteb dabmekkulagnu, ag hanhan Isip appa guittak aonna daappig ele dabmekkulagnu amu, ag bret amu lakkulag.

Genesis 17:14

Danab laa nug gaɗa otaɗak ii aotte, nug dahil nug tituana nai qakkaknu nai tippaltte amunu, nug dahilad danab oolagppanu geɗittak daakkuoitte,” awa aum.

Namba 9:13

Ɗo amuam aun aɗi ag Kayak ele ouqa dayaknu elele iitta, o aun aɗi ag laih ukka, eɗua ii uɗiak ele, ag Pasowanu Hobul dayak haknu haen dayeye, ahilagnuib. Amu danab laa nug da ele ouqa dayaknu elele, o iitta, laa nug laih ukka, eɗua ii uɗiak ii hak ele amu, nug haenppa Pasowanu Hobul hekkunu tippalkku dayeb amu, nug Israel oolagppanu geɗittak daakkuoitte. Anam daakkun diig am, nug haen da ag ippunadmi, nug haen amuppa doɗ amu awa, da gumiɗa ii uɗia, da ii meɗom. Danab nug anam hekku amu, nug eheɗ hekku, nug amunu bu aokku.

Eksodas 34:18

Ag Bret Yis Iitta Lanaknu Hobul Nakok aib daulag atiom; ag gamag ahak ele heig! Ag henana, haknunab nai deɗ amunu oh da mattami amu, ag amu dim lamitteg! Ag kalam Abibppa Isip uuppig amunu, maɗ ohppa, kalam amuppa, da amibia, ag bret yis iitta deɗ eblaih aɗit ele laig!

Eksodas 23:15

Hobul amu laa am Bret Yis Iitta Lanaknu Hobul Nakok. Ag hobul amu gamag ahak ele hena, da ag Israel amelagppa haknunab ami, amubia ag bret yis iitta deɗ ebqak eblaih aɗit ele lakkulag. Da ag amu hekkulagnu haen tituanmippa hekkulag. Da haen tituanmi am kalam onig Abib, kalam amuppa ag Israel ag Isip uun uɗippig amunu, ag kalam amuppa hobul amu heig! Ag amu henana, ag ɗo hamu mettak dahilnu aon uɗiglagoitte. Ag hamu aib uɗippig.

Duteronomi 16:8

Ag deɗ eblaih laippu ele amuppa ag bret yis iitta lakkulag. Aria deɗ eblaih aɗitppa amu, danab ah ag Yawe, ahilag Kayak, ag Nug noobppa qagmekkulag; amu auntai laa deɗ amuppa uɗat laa iinab hekkuoitte.

Namba 28:17

Aria, deɗ dim lamittak, kalam amu ooppa, deɗ 15ppa, ag qagmak gamag ahak ele hekkulag. Qagmak gamag ahak ele amuppa ag bret yis iitta lakkulag. Qagmak gamag ahak ele amu digma beeb amu, ag deɗ eblaih aɗit ele qagmak amu daakku amu, ag deɗ amu oh, ag bret yis iitta aakkuib lakkulag.

Eksodas 34:25

Aria, haen ag doɗ laa main meɗanna amu, ag bret keeke, yis ele heppig amu, ag amu doɗ main meɗattebnu tiig ele, ag keeke aɗit amu mana mettak laippuppa aib main meɗappig. Aria, ag Pasowanu ee lappeg, sipsip amunu teppu big laa dayeb amu, big amu dayeb ukkeb, aib wagkkaɗom!

Eksodas 12:8

Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Galesia 5:12

Am danab ag heeg, ag Galesia danab ag kaboliadtteb ele amu, danab nau amu ag, ag Galesia danab uuadna gokkulagnu, tamaniak ooppa ii daaglagnu, ool okkai daatte.

Aposel 12:3

Nug kobol am he, Juda danab ⌊ag Jesusnu oolagppa genab ii dooppig ele,⌋ ag oolag ena daye antta, nug Pita ele aɗom. Kobol amu Bret Yis Iitta Lanaknu Hobul Nakok haenppa beum.

Luk 12:1

Haen danab ah ameg tausen kuɗum ag qagmena qataiettan, laala ag akka akka nug baeg tappan daaegeg amu, Jesus Nug tatam nuhikkud ippunittak awak danab amelagppa aum. “Ag ɗo gumak danab-Parasia dilag yisnu dabmeig! Da ahilag hambuppuak kobolnu attem.

Matyu 16:12

Jesus anam a amu ippunittak awak danab ag dooppig, Nug yisnu ii aum. Iitta. Nug ɗo gumak danab-Parasia amu ɗo gumak danab-Sadyusi ele dilag nainu aum.

Malakai 2:12

Da Yawe Nug Israel oolagppan danab ag amu hetteb, amge dimppa ag Yawe Nukka Ɠagattag Oh Ele laugppa tena, doɗ laa main Yawe medatteb amu, Nug ag otaɗatteb, ag baula Israel danab ah oolagppa ii daamnanu ool daatte.

Duteronomi 16:5

Ag aab naunau, Yawe, ahilag Kayak, Nug ag madakkun hette amu, ag amuppa Pasowa Hobulnu sipsip ii lakkulagoitte.

Lewitikas 17:14

Aɗinu? Keeke oh bau daatteb ele amu, ag tiigppa bau daatteb. Anam amunu, da ag Israel danab ah ag tiig iinab lamananu ami. Doɗ, o ai oh ag bau daatteb ele amu, ag tiigppa bau daatteb. Aun nug tiig lakku amu, nug ⌊Israel oolagppanu⌋ geɗittak, laih daakkuoitte.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Eksodas 31:14

Sabat deɗ am deɗ dahilnu tituanak daatte amunu, ag amu dabmenan, deɗ amunu ɗo da ag mattami, ag amu dim lamitteg! Danab aun laa nug heeb, deɗ amuam dahil neekkakppa dubuttid tak daakku dayeb, ag nug qeppeg mauhaɗ! Amu danab aun nug deɗ amuppa uɗat hekku amu, nug Israel oolagppanu geɗittak daakkuoitte!

Luk 2:43

Dimppa Pasowa Hobul amu male, ag eɗun ukkaegeg, Jesus Nug Jerusalem dayom, amge Nug mameg anig ele aa Nug appa dayom amu aa ii doopiɗ.

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

2 Stori 30:21

Juda danab, Israel danab ele ag Jerusalem appa qagmeppig amu, ag Bret Yis Iitta Lanaknu Hobul Nakok gamag ahak ele henana, ag deɗ eblaih aɗit ele gamag ahak naɗi doon daappig. Deɗ deɗppa amu, Lewi buɗubppan mana mettak danab iitta, mana mettak danab ele ag Yawe binag mekkulagnu ahi ettaegeg, laa ag Kayaknu musik haknu keekeppa musik heegeg, Israel buɗub ag hobulppa anam daappig.

Esra 6:22

Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 30:38

Am danab aun laa nug keeke kalu amubianab laa nuhignu, nug muttuɗig enanag amu doya, ena dookkunu heeb amu, geha ag heppeg, nug Israel oolagppanu geɗittak daakkuoitte,” awa aum.