Eksodas 11:7 - Nobonob Baibel

⁷ Amge geha, haen amuppa Israel danab ah daattebppa, aɗitai keeke nau laa Israel danab ah dilagppa, ahilkad doɗ dilagppa ele iinab bema. Oqotti wak, qai gamɗu qak keeke, keeke amuam nakok laa appa iinab daama,’ awa atte. Keeke anam bekku amunu, na amuppa dookkut, Yawe Nug ag Isip, ahilagnu ena ii doyaya, Nug Israel dilagppa ena dootte.

Eksodas 11:7 Referans Kwoze

Josua 10:21

Israel ag anam hewona, ag oh enaib daan, ag eɗun, ahilag haen tutu dayaknu aab kalappigppa, Makeda appa, Josua ele goppig. Goppig amu, auntai laa Israel dilagnu naittuɗ nakok laa iinab mattiom.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Eksodas 10:23

Gatatu ɠagattag na dayeye, Isip danab ah ag akka akka nug iɗu ii anidna, danab ah oh haen amuppa ag lakkaib daappig. Ag dimittim gokkulagnu elele iitta. Anam daappig, amge laih Israel daappigppa amu, appa am gatatu iitta.

Eksodas 8:22

Amge na danab ah dahilad ii paɗadppe, qid ameg naɗi bekkulag amu, deɗ amuppa, na geha da Yawe, da wan imuppa daattem dookkutnu, da aben onig Gosen, dahilad danab ah appa daatteb amu, wan amu da gumakkul amunu, wan amuppa qid ag gona ii daamna.

Eksodas 9:4

Amge Yawe Nug geha Israel dilag doɗ dabmadakku. Dabmadatta, Nug amubia Isip dilagppa iinab hema. Israel dilagppa laippu laa ii mauhma. Isip dilag aakkuib, ag mauhkkulag,” awa aum.

Job 5:16

Kayak anam hette amunu, daɗek ag ena bekkulagnu dabmak aɗan oiglagnu elele. Kayak anam hette amunu, nai doya mala, hettoɗia, epeɗia, elele ii mettak kobol iitta mette.

1 Korint 4:7

Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 9:26

Amu laih Gosen, aben Israel daappig ele amu, aben laippu amuib amu, ais doɗo ii neum.

Sam 7:12

Danab laa nug oo ii eɗutte amu, Kayak Nug king laa nug qep elab aeg hoia, laa nug oɗe ii dim lamidtteb ele bu madatte, amubia Kayak Nug danab Nug oɗe dim lamittak ii hette ele bu medatte. O nug king lat oɗ omana, nug wan laa ag nai nug atte ii dim lamidttebnu bu madatte, Nug bu amubia medatte.

Eksodas 8:19

Am Isip dilag baɗ mak danab ag Paro amegppa appig. “Kayak nukka keeke imu heum,” aon appig. Ag anam appig, amge Paro nug nuhig dabmak ɠagattag eppa daye, Yawe aum bia nug Moses, Aron ele nai apiɗ amu, nug amu dabmetta, ii doyom.