Eksodas 11:4 - Nobonob Baibel

⁴ ⌊Amge amu ii bak haenppa, Moses Nug Paro ele daayya,⌋ nug Paro amegppa inam aum. “Yawe Nug atte. ‘Gemu tuqan imuppa, tugmag anam, da geha laih Isip dilagppa talilie oikkul.

Eksodas 11:4 Referans Kwoze

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Amos 4:10

Yawe Nug anam ana amu, Nug atte. “Da anukka Isip danab ah uug naunab aqadkkunu hei aqom amu, da uug amuib ag Israel, ag aqadkkunu hei aqom. Ao, da hei, ban ahe, ahilkad nid bau ag banppa daan, qep elabppa mauhegeg, kekeɗ ag ag Israel, ahilkad bannu hos ele diin aqatteg mauhppig. Ge, da hei, anam be, danab, hos ele gaɗalkad beɗaegeg, uɗig nau ahilag haen tutu dayaknu aab kalappigppa dayom. Keeke amu oh ahilagppa beum, amge ag eɗun, da dim lamiɗkkulagnu da gumiɗna ii uɗippig,” awa atte.

Sam 60:10

O Kayak, naib, na amu hekkutnu elele, amge na ig uuigme. Ig Israel ig ban daup laippuppa tappat banppa gottem amu, na ig ele gemu ii daattem.

Job 34:20

Ag oh tuqan tugmag, haen amuppa ag paha mauhtteb. Danab ag dabmak maɗoɗ iitta daan, mauhtteb. Danab ɠagattagnab ag mauhtteb, amge danab heeg ii mauhtteb. ⌊Iitta. Kayak he, ag mauhtteb.⌋

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Matyu 25:6

Niiegeg, tuqan tugmag baag laa ewa aum. ‘Danab nug ah aokkunu hette ele, nug aakku uɗitte. Ag gona, nug uɗa teig!’ awa aum.

Maika 2:13

Amu laa nug he, aabnu aɗppa ib matulak daatte amu, nug heeb, giɗo dayeb, Nug noa anuqa ukkebeb, dahilad danab ah ag heppeg, giɗo okkainab, aɗnu od bia, aɗppa dayebeb, ag oh dimittim uɗiglag. Ahilag king nug ag noolagppa anuqa gokku. Ao, da Yawe, da ag noolag awe gokkul,” Yawe Nug anam awa atte.

Amos 5:17

Da ag bu madakkulnu uɗien, ag oolagppa oikkul amunu, ahilag grep dad ohppa mahiak okkai daakku.” Yawe Nug anam awa atte.

Aisaia 42:13

Yawe Nug ban danab ɠagattag hette bia haaha, Nug ban haknu abenppa ban hekkunu gokku. Ao, ban danab ɠagattag nug ban elelenab hekkunu nug bannu dabmak nuhig ɠagattag qedatte, amubia Yawe Nug nuhikkud kekeɗ ele ban hekkulagnu bappaidkku. Ban danab nug ban hekkunu huana ette bia, Yawe Nug anam ha, Nug kekeɗ nuhikkud eɗadkku.

2 Samuel 5:24

Amge na gona, atu ad amu eleppa tewona, ad balsam amu gogppa oqotti laa, oqotti amuam ban danab ag laippuppa tappa ukkak oitteb oqotti bia, na oqotti amu doon, na da, Yawe, da na noomppa Pilistia aqadkkulnu gottem ippunidtte dookkut amunu, na amu doon, na paha ahan, Pilistia danab aqadkkutnu ukke!” awa aum.

Eksodas 12:23

Ag amu heppeg, haen Yawe Nug ukka, laih Isip dilagppa ahilkad nid danab matunu amu oh aqakkunu oiyaya amu, Nug ag Israel, ag laulkad anen anennu od ukku tiig laittak antta, Nug od amu tippala, nug engel, danab aqatte ele amu, Nug nug amegppa aib ab, nug ahilkad nid aqakkunu, ag laulkad anen anenppa ii noma.

Sam 81:5

Nug ig Israel danab ah ɗo amu mekkom. Ao, Nug Isip bu mattom, haen amuppa Nug mekkom. Ge! Haen ig laa ag nai laa mattieg ig ii doomut ele, haen amuppa Nug ɗo amu ig mekkom.